تجمع الرابطات ( ربط عنق الرحم) السابع والثلاثون 37

لا ما يوجع ابدا والعمليه ربع ساعه وتطلعين بنفس اليوم
ولاااازم راااااااحه ........قد ما تقدرين ما توقفين ولا تمشين كثييييير

لا والله باقي ينزل خيوط دم احمر واحيانا بني لكن احسن من قبل بكثير... والدكتور طمتي عالجنين الحمدلله وباسبوع 12 باسوي الربط ربي يتمم على خير

ليش حملتي هالمره انابيب وانتي قبل حملتي طبيعي... ونصيحه مدام اجهضت مرتين اربطي هالمره.. انا ناويه اربط مع ان العنق طوله ما يحتاج لكن العام خسرت ولدي بالسادس هالمره باخذ كل احتياطاتي وربي يكتب اللي فيه خير

الربط أفضل شي 12 إلى 14 ومرات يسووا 16
وفي ناس تحتاج ربط من11اسبوع
والعمليه بسيطه ربع ساعه تخدير كامل ماتحسي بشي
بعد العمليه تنزل دم يجلس لأسبوعين دم بني أو احمر عادي
لازم تسوي ربط انتي واي وحده اجهضت بعد الشهر الرابع
لاتسمعي لأي دكتور اذا قلك مايحتاج والعنق طويل ومدري ايش
سويه إذا مانفعك مايضرك
انا حملت3 مرات واجهضت ووقالوا ماتحتاجي ربط لين انا اصريت وحملت الحمل الرابع وولدت اول اسبوع بالثامن والحمدلله بنتي طيبه
لاتسمعي كلامهم سووي ربط وارتاحي وربي يتمملكم يارب

احس كلامك ريحني الله يريحك... حملي الاول كان بعد عشر سنين وكان انابيب... كان الحمل اموره كل تمام ما اشتكي من شي ابداً كشفت بالشهر الاول عند دكتوره لما عرفت ان هذا حملي الاول بعد سنين قالت افضل لك الربط حتى لو ما تحتاجيه وقايه لحملك اذا ما نفعك ما راح يضرك... المهم وافقت انا وزوجي كان همنا كله ان الحمل يتم والولد يجي على الدنيا باي طريقه بارادة الله.. لكن لما رجعت لها بالاسبوع المحدد للربط لقيتها مسافره ومالها رجعه نهائي.. رحت تابعت عند دكتوره غيرها قالت ابدا ما تحتاجين ربط وما رضيت تسويلي ابداً وسمعت كلامها وما سويتها.. وفجأه وانا بالسادس بدون سابق انذار جاني طلق وولدت وتوفى ولدي ثاني يوم كانت صدمه ما انساها بعمري ابداً ... والتشخيص قالو ان ممكن بسبب الالتهابات فتحت كيس الجنين والمويه نزلت وحصلت ولاده... مع اني ما اشتكيت من التهابات ولا شي... بس فجأه طلع كل بلاوي الدنيا فيني...
بعدها قررت حملي الثاني بسوي الربط حتى لو عشر دكاتره اقنعوني اني ما احتاجها.. وهذا الحمدلله رائي ورائي زوجي ومقتنعين فيه مع ان كثير حولي يقولي لا تسويها يمكن اللي حصل لك اول بسبب الالتهابات... ممكن يكون هذا السبب بس مستحيل اغامر بحملي هذا بعد واخليها للإحتمالات خاصه بعد اللي حصل لي اول واندم ندم عمري...
كلامك شجعني اكثر وريحني وبأذن الله راح اسويها بدون تردد