السلام عليكم ورحمه الله وبركاته ياحوائيات
صديقتي كلفتني اكتب لكم الموضوع هذا وانا بتكلم على لسانها
عندي مشكله خالتي كارهتني كره شديد حشى والله ما كأني بنت اختها كأني شريكتها مسويه حزازيات بيني وبين بنات خالي اذا تجمعنا انا وبنات خالي تجلس تمدح فيهم الله يسعدكم والله لايحرمني منكم والله يوفقكم ومن ذا الكلام وانا من بينهم كلهم تدقني بالكلام واحيانا تعطيني في وجهي مباشره تهاوشني بدون سبب وتفشلني قدام بنات خالي انا ساكته احتراما لها لانها خالتي اخت امي بس مايحق لها تعاملني بذا الطريقه والله العظيم ارجع البيت وانا نفسيتي مره تعبانه وهذا شي الطبيعي النفسيه تتعب مع الاهانه كل شوي علما ان عندها بنتين وجميلات اجمل مني عشان لاتقولون لي انها تغار على فكره يابنات ماعمري غلط عليها ولا على احد من بناتها عشان تعاملني كذا حبيت اوضح لكم الصوره عشان لاتقولون لي يمكن انتي غلطي معها الله ابتلاني بكرهها لي والله العظيم يابنات انها تسبني وتشتمني بألفاظ بذيئه ماني عارفه ايش سويت لها انلحس مخي وسألتها قلت ليش ياخاله تعامليني كذا وانا ماسويت لك شي تدرون ايش ردت على قالت اكرهك كذا سبحان الله ربي حط كرهك في قلبي قلت لها طيب عادي اكرهيني لاكن لاتفشليني قدام بنات خالي تخيلو ايش قالت قالت اي شي يؤذيك راح اسويه ورب الكعبه يا اخواتي اني امس مانمت الليل من القهر ابغى انسى اسلوبها معاي وكلامها الجارح لي بس ما اقدر انسى ايش اسوي اتهرب منها كل ما اشوفها ماقدر ماقدر اتحمل كلامها ودقها بالكلام لي والله العظيم انها ماتناديني تناديني يا كلبه تعبت تعب تعبت الله ينصرني عليها الله يجعلها تدور الموت وماتلقاه
...
اعذروني على هذي الاطاله كتبت اللي قالت لي صديقتي بالكامل على فكره صديقتي معها حق انا شفت تعامل خالتها معها صديقتي هي وحيده امها وابوها ماعندهم الا هي ماعندها اخوات
شاركي في النقاش
سجلي الدخول لإضافة تعليق.
التعليقات
12- الله يعينها بس تحاول تخفف احتكاك فيها وتطنشها مدام عرفت انو ما في سبب لا تقهر حالها ولا شي
- سهام الليل لاتخطي رددي حسبنا الله ونعم الوكيل
- اف قويه الله يجعلها تدور الموت وما تلقاه اذا كنتي انتي ما تبينها عشانها تكرهك طيب بناتها ايش ذنبهم ؟ وبعدين الدعوه على قد المظلمه وما دامها حاقده كذا بس مزاج طنشي تصرفاتها وبس
- في شي اسمه كيميائية الجسم
اللي لما تشوفي ناس تكرهيهم بدون سبب او تحبينهم بدون سبب
وانا ولله ماازكي نفسي ولا امدحها اني اشوف ناس اكرههم نفور مو طبيعي وفيه غيري كثير يقولون اي كرهنا فلان
بالاخير يطلعون اخلاقيات صفر انا مااعرف هذي الانسانه
خل تراجع نفسها .. ان الله اذا احب عبد حبب الناس فيه واذا كره عبد كره الناس فيه وهذا عليه حديث قدسي
اذكر في بنت معنابالجامعه .. درست فتره معنا واعتذرت عن ترم وكانت تعاني من كره الناس لها
راجعت نفسها ... قطعت علاقتها مع الخلق ..وخلت اتصالها بالخالق .... حذفت الواتساب .. قفلت على نفسها باب الغرفه ... ارتاحت نفسيا ... وخرجت من الكآبه ...
فمن احسن علاقته مع الخالق ... حسنت علاقته بالخلق - طيب وين امها عن اختها اللي تعامل بنتها هذه المعامله؟!!!! ليش ماشتكت لامها وأبوها يوقفوها عند حدها انا والله لو اشوف اختي تعامل بنتي كذا لا أوقفها عند حدها وان اضطر الموضوع لمقاطعتها أقاطعها الين ماتتادب وتحترم بنتي واذا ام صحبتك موقفها سلبي وضعيف ناحية اختها يصير البنت خليها تدافع عن نفسها وتسكتها بطريقتها الاحترام فوق كل شي مو عشنها خالتها خلاص تحترمها بكل شي وحتى بالإغلاط تحترمها!!!!!!
مواضيع مشابهة
تابعي تجارب أخرى من هذا القسم.