تجمع الــــ(97) للمقــدمات على أطفــال الأنابيــب

طيب افضل لك يسوي لك كل شي قبل لا يبدا حتى ترتفع نسبة نجاح عمليتك..
والدكتور بندر ممتاز ثقي فيه بعد الله
وربي يفرحك يارب العالمين

ايوه هالشي صار معي انا شخصيا حللت هرموني بيوم تسعه... وما طلع حمل وبكيت وبهذلت الدنيا وجاني اكتئاب ويوم التحليل حللت دم عادي وطلعت حامل الحمدلله... بس اجنتي كانت يوم الثالث
لذلك اتمنى الوحده تصبر وما تحلل اللي بالموعد المحدد... واذا استعجلت لا تتحطم وتخليه نتيجه نهائيه لازم تسوي هرموني بيوم 14

وحبيت اوضح شي للبنات اللي يسؤلون عن افضل اجنه باليوم الثالث والا الخامس...
كل وحده على حسب اجنتها وانقساناتها... وهالشي ماله علاقه بفشل او نجاح العمليه الدكتور هو يحدد الافضل لك..
بعض الاجنه ما تكمل انقساماتها الا بالرحم وبعضها ممكن تبقى الى اليوم الخامس ويرجعها... وبرضو لا ننسى امكانيات المختبر وكل مختبر يختلف عن غيره...
وحبيت اقول شي انا بعمليتي الاولى رجعت اجنه باليوم الثالث وحملت الحمدلله
وبعمليتي الرابعه رجعو اجنه اليوم الخامس وهذا انا حامل الحمدلله

يعني كل وحده على حسب وضعها واللي يشوفه الدكتور


ربي يفرحكم اجمعين ولا يضيع لكم تعب يااا ب

حاجة ثانيه
فينها فقدتها هاليومين ما اشوفها
عساها طيبه ؟

يوم الاثنين عملية السحب مره خايف وشايله هم يارب ييسر كل صعب