زوجي راح يسكني في بيت أهله

ابقولك شي اختي ساكنة فوق حمولتها يعني مب معهم لا فوقهم مستقلة وهم طيبين والله بس خلاص ملزومة على الطلعة والدخلة تقعد مع خالتها تتقهوى لو بتروح موعد مستشفى تنشب فيها خالتها تلزززم عليها بالقوة واذا راحت لاهلي كم يوم تسال عنها واذا رجعت وين رحتي واذا بيجون بناتهم ضروري تنزل عندهم واذا بنتها سمعت اصوات صغار تحت تصيح تبي تنزل ولا يطلعون الصغار عندها فوق المهم اختي الحين لها سبع سنوات طق راسها شيب اقسم بالله من الغثا مافيه خصوصية ولاراحة وشلون عاد السكن ويا الحمولة !

هنا تختلف الاراء مثل ما تختلف الشخصيات بعض الحريم عادي عندها بعضهم ماتحب الجمعات والازعاج وتحب الخصوصية فلكل وحدة رايها والواحد مايغصب نفسه على شي هذي حياة طويلة

والله لاتندمين قد شعر رأسك تمسكي ببيتك بسنونك واضافيرك بعد

نصيحه لاتوافقين لانهم بيحملونك المسئوليه شوي شوي وتطبخين وتكرفين لهم حتى برمضان بيجتمعون كلهم عندك ببزرانهم وحريمهم كل واحد يبي يفطر مع اهله ويجلس معهم وبلعطل الطويله ولا تجلسين براحتك ولاتلبسين اللي تبين يعني انسسي الراحه والحريه والخصوصيه واول من يحملك المسئوليه هو زوجك اذا طلبتيه تطلعين او تبين مشوار بيقولك خواني جاين خواتي اجلسي ضيفيهم انا بطلع ولا عندي شغل اجلسي في بيتك وتندميين على اليوم اللي سكنتي عندهم وانتي براحتك

قرأت رد رد ، الأكثرية معارض والقله مؤيد ، ومن امس وانا اقرأ الردود


مع اني مستخيره يا بنات ومرتاحة بس احس انكم فتحتوا عيوني على اشياء غايبه عني ،


وللعلم انا ماحملت ويارب ارزقني


لهذا اليوم العصر بقول لزوجي انسى الموضوع وبقعد في شقتي ، احس كذا افضل وأريح لي


وسلفاتي الثمانية اكثرهن بنات اخت ام زوجي وبنات اخوها وانا الوحيده خارج عايلتهم


والله غيرتن رآيي وحسيت اني فعلا اتورط بالخدمة لأن بيت اهل زوجي ماشاء الله ناس طالعه وناس جايه


واي احد من عيالهم المتزوجين ييغى يسوي عشا ذبيحه يسويها في بيت اهله بحكم بيوتهم صغيره


وبالتالي الخدمة تطيح على راسي


بفاتح زوجي على قهوة العصر اليوم وبقول له مو موافقه وماني مرتاحة