💞👧👦👶التباشي ر الرابع🌸 لمواليد نوفمبر وديسمبر 2016 💞👧👶👦

مساكم الله بالخير 😊
ألف الحمدلله عالسهالة والسلامة
ولدت اليوم الفجر
طبيعي ورزقني ربي بولد جعله من صالح الذرية وقرة عين لي ولأبوه
.
بنات الدعااااااااء والتوكل على رب العالمبن ولا شي غير ذلك

أكشني غريب وخفيف وسريع أسألكم بالله تذكرون الله وتدعون بالبركة لي ولعيالي
من كم يوم تجيني طلوق كذابة خفيفة يادوب تذكر
وانا كنت انتظر موعد الاخير اللي هو اليوم ومارحت الطبيب
وسبحان الله البارحة بالليل كلمتني امي اشرب خروع يمكن يسهل علي باذن الله
وفعلا رحت الصيدلية وشريت الزيت وخذته قبل النوم 3 ملاعق وراهم كوب ينسون وكمون .
ونمت
صحيت نص الليل على ألم طلق قووووي وقمت الا بنزل علي الماي مال البيبي وزاد الألم بسرعة رهيبة وصار الطلق حااااامي واركض اقعد زوجي قوووم ودني الطبيب مافيني حيل اوقف ولا اقعد لا أولد عليك بالبيت ..
ومسكين طلعنا بسرعة خيالية والألم لابحتمل وصلت الطبيب وقاسوا الرحم الا فاتح 9 سم💔
والراس واصل خلاص
حطوني بغرفة الولادة وكلها ساعة وولدت الحمدلله
ومن قوة الطلق جا لولدي نقص أوكسجين ربي حفظه وعطوني خلال هالوقت اكسجين استنشقه يساعد البيبي .
وانا المشيمة تقطعت برحمي وصارت السستر تسحبها بيدها اجزاء ورا اجزاء
ونزفت شوي بعدين خلوني بالملاحظة 4 ساعات لما تطمنوا علي وصعدوني غرفة الجناح
الحمدلله ربي ستر ويسر هالولادة
ماكنت متخيلة بتمر علي كذا
ربي يسهل على باقي خواتي الحوامل وييسر امرهم ويحفظ لهم البيبيهات ياااارب

ولدي عنده مشكله انه مايبول اكرمكم الله
بس يخرج
وبكرة ان شالله يمر علينا دكتور الأطفال ونشوف شنو يقول
ربي يحفظلي اياه من كل شر

الحمددددلله ع السلامه اكشنك حلو وسريع ماشاء الله لا قوه الا بالله

الف مبروك قدوم الامير ربي يحفظه ويقر عينك بصلاحه يارب

ماشاء الله ماشاء الله الف مبرووووك ياقلبي والحمدلله ع السلامه ومبروك ماجاك يتربى في عزك وعز ابوه يارب وعقبال باقي البنوتات ربي يرزقهم ولاده سهله يارب