تجمع امهات يناير و فبراير الجميلات 👼🏻💐

انا زيك ماادري وس اللي ببطني الله يجعله سليم معافى صالح بار.بس خلصت تجهيز،واخترت الوان محايدة وطلبت اللي ينفع للجنسين،يعني عندي ابيض وبيج واصفر ورمادي وبني وجينزوكاكي واشياء عليها رسومات بسيطة،وإذا طلعت الأربعين بالسلامة انا والبيبي جهزت ربيعيات ع جنسه.
والله ماارتحت ليما خلصت أغلب التجهيزات وشنطة المستشفى ،باقي اغراض الصيدلية بعدين لو اوصي زوجي عليها

مشمش اكيد مع الدكتور ممرضه قبل ما يكشف عليك بتغطيك وتحط لك الجل وبعدها الدكتور بس يحط يده على بطنك ،،، انا كذا كنت مستحيه من سالفة انه رجال يسوي لي سونار بعدين لقيت حتى الغرفه يطفو الاضواء ويخلو ضوء خفيف وستاره كمان يعني مرا ما يشوف شي لاتخافي .
سكره ربي يطمن قلبك احس كلام مستشفى الحرس خربوطي مخوفينك على الفاضي وانتي ما فيك إلا العافيه ،، مو انتي رحتي مستشفى ثاني وقالولك نقص المويا ما يوصل لدرجة انهم يطرو يولدونك ؟؟ لو انا منك اطنش كلام مستشفى الحرس واعتمد على المستشفى الثاني .

أنا الحين في الاسبوع 34 يعني نص الثامن تقريبا...ومثلك والله ماجهززت شي أبدا وقالوا لي جنسه بس اخاف من المشي

بصراحة ياسكرة حسيت المستشفى اللي تتابعين عنده مجزرة حسبي الله عليهم
قلبي تقطع عالأم والأب اللي خلوهم ينزلون جنينهم وبالاخير طلع مو مشوه
انا لو مكانك اروح مستشفى ثاني وثالث وعاشر
إن شاء الله أتدين بس ما أخاطر بحياة ضناي
والله قلبي انقبض من الكلام اللي قريته حسبي الله عليهم

بالنسبة للرضاعة الطبيعية
ما أدري ليش الأمهات يتضايقون منها
بإستثناء الموظفات اللي ظروفهم حقيقي ماتسمح لهم إلا إنهم يدخلون معها صناعي .
رضعت بنتي طبيعي وماشاء الله تشبع مين يقول الطبيعي مايشبع !
لدرجة إني اشفط حليب من صدري وأحطه لها بالثلاجة لما تطول بالنوم وماترضع صدري يتحجر هذه تكون طريقتي
و وقت مانطلع من البيت اخذ حليبي معي وارضعها إياه واحنا برا
حليب طبيعي برضاعة صناعية وين المشكلة؟
أهم شيء الطفل يتعود على الرضاعة من الاثنين صدر الأم والرضاعة
اشفطي حليبك وحطيه بالرضاعة
بكذا صدرك مابينشف و ولدك يتعود على حلمة الرضاعة ومايرفضها ..
وبالليل انام معها اذا صحت من النوم اطلع صدري وارضعها أريح من اني اقوم واسوي رضاعة وأقيس درجة حرارة المويه وحوووسة
والا ابهذل نفسي واجهز واعقم عشرين رضاعة واحط حليب جنب راسي وموية وقرف !!


تدرون يابنات وش اللي يقهر ؟
شفت بمجتمعنا نماذج كثيرة اللي تقول طفش
واللي تخاف على صدرها يتخرب عاد هذه أم حقيرة !!
واللي تقول إرتباط ومسؤولية !
طيب حبيبتي ليش حملتي و ولدتي علشان تقعدين بدون مسؤولية وين غريزة الأمومة وين دورك و واجبك تجاه ولدك؟
وإذا ربي ما أعطاك عيال قعدتي تصيحين من عيادة لعيادة !!
قسم بالله شفت أشكال وألوان
وحده شفتها بعيوني تبكي بس لانها سنتين ماجابت عيال ولما ربي اعطاها لا رضاعة ولا اهتمام وقاطتهم عند أمها وتسافر بقلب بارد وتتتركهم وحتى لما تروح السوق تقعد بالساعات واذا رجعت وكان ولدها نايم ويصحى يبكي بالغرفة يقولون لها قومي ولدك صحى تقووول اوف خل ارتاح !!
ما اشتقتِ له ؟ ست ساعات طالعة وبعد تبين ترتاحين !!
والله إني نفرت منها نفور مو طبيعي للحين ما اتقبلها احس قلبها قاسي وماتستحق تكون أم
وطول الوقت تصرخ على عيالها وتضربهم
بنتي بنتي وهي كبيرة لو تنام وتطول بالنومة اصحيها من شوقي لها واقعد ابووس فيها لين تقوم
والحين انام بدري واصحى بدري وطول الصباح تكون بالمدرسة لما تجي اكووون على اعصابي بس انتظرها
واخرها لما راحت مع ابوها لجدتها اكلمها تليفون وابكي مشتاقه لها ما أقدر افارقها قلبي يحن عليها


هذول النماذج القاسيين او الباردين بمعنى أصح من الأمهات كيف عايشين ؟؟