بعد هالكلام ايش ممكن يكون ردة فعلك؟

ذكرتيني بوحده الله يجزاها خير دايم ترسل عيالها علينا عشان يستانسون وهي ماخذه راحتها ومع هذا تدور المشاكل سويتو بعيالي قلتو لعيالي واحيانا زوجها الي يجي يهاوش حتى لو مضاربة بزران طيب فاكين عيالكم طول اليوم عندنا ومريحين ببيوتكم ولاصار اي موقف بسيط جيتو تهاوشون لا وليش ماعشيتو فلان ولااهتميتو بفلان 🚶🏻

ياليتك قراتي الموضوع من الاول أقولك هي تشك فيني اني وأمي نصكها عين كل مازرناها البنت عذبتني بسوء ظنها وسوء ضيافتها ولما اقول بيتهم وسيع فعلا في غرفتين خاصة للعيال ويرتاحون فيها هذا غير انو في لهم جيران اولاد ينبسطوا بزيارة عيالي والحمدلله لاعيالها ولاعيالي من النوع اللي يوسخ او يزعج فابوهم هو اللي يطلب مني ياخذهم معو لما يزور أخواتو فهمتي الله يصلحك بس

اذا بتجلسين تدققين على كل كلمة بتتعبين خذيها من باب تبادل المصالح انتي قلتي لو ماهو اولادي يتونسون عندهم كنت قاطعتها .. ومن كلامك عيالها متربيين كويس مايتخيرون عن عيالك وكويسين وينبسطون سوا
وهذا شيء في نظري يخليني انا كشخص اتغاضى عن اشياء كثيره المهم عيالي مع ناس متربيه وكويسه ولا تنسين انتي قلتي اوقات يروحون لهم بدوني معناته الحرمه ماقصرت في استقبال العيال مصيحتي لك اذا رحتي لها اشتري لها هديه شيء للبيت شيء لها ولمحي او صرحي بسبب ان العيال عندك ويتونسون ببيتك
اما بالنسبه اموضوع حقك لانها تتهمك انك معطيتها عين او بتعطينها عين انتي ولا امك عودي نفسك قدامها دايما تقولين وبصوت واضح ومسموع على اتفه سبب ما شاء الله لاقوة الا بالله كثري منها قدامها في ناس موسوسه بها الاشياء غصب تقول كذا.


والله يصلح مابينكم

الحل يا عيني كل ما قالت لك انو صار لي كذا قولي ايوه حتى انا جاني نفس اللي جاك


اي شي تقول صار لها قولي حتى انا مثلك والله بتطفش وتنكتم

الزوج لازم يكون على علم بكل كبيره وصغيره عشان اذا صار شي مايستغرب ويقول ماذكر جبتي طاري هالشي ترى جربنا كل شي نستر ومانعلم مافي فايده تصير فوق روسنا بعدين اذا عرف كل شي يكون على خلفيه عن اي موضوع ويعرف يتصرف ويلاحظ وتفتح عيونه