حركات المعلمات الغريبه

السلام عليكم
انا معلمه واستغرب بعض الحركات على القدوات ومعلمات الاجيال المشكله انهن زميلات طيبات ماعليهن بس تصرفاتهن محد يرضاها مثلا الفطور يا الله يا الله اللي عقبهن حتى مايتكلفون لو يلملمونه لو شي بسيط مع ان الخاله تجي تنظف بس ولو السفر لو اصورها لكم قسم تحلفون ماهي عقب ناس متعلمه ولا اقدر عليهن كثار يمكن ٢٣ وحده اشيل والملم اللي عقبي اخليهن بشوفون حركاتي يمكن يتحرك فيهن شعور ولا كنهن يشوفن شي واللي تجي تقصص اوراق والقصاصات تطيح تحت طاولتها وكرسيها والمنظر والله مخزي يطلع من وحده منها قلت لها هذا منهو عقبه اكيد من طالبه صغيره طاحت منها اوراق قالت لا مني ومن اللي جنبي نقصص ورانا نشاط قلت كان حطيتوه بكيس اقل شي نظرت لي نظره تروعت منها ياربيه قالت الخاله تجي تكنسه هالحين وغير الاكواب الورق ع الطاولات فيها شاهي وقهوه عقبهن ولا تتكرم الوحده تشيله ترميه
واللي تترك حصصها تجلس تتقهوى وتفطر ولافكرت بااحد اروح واجي وانا منهاره تعب وهي ضمير ميت تضحك وتسولف وعادي كنها وحده زائره مو معلمه
ووحده جتها الخاله تعطيها ورقه توقعها ولامعها قلم ازرق وياخزياه قالت للخاله العجوز الكبيره وبكل وقاحه روحي جيبي لي قلم قالت الخاله منين قالت ماتشوفين الفصول قدامك روحي جيبي منهم ولا استحت على دمها قالت كبر امي آمرها وحتى لو خاله يعني مالها كرامه ورب والا لانك معلمه خلاص تصيرين كذا
هل تصرفاتهن عاديه والا انا حساسه بزياده
اللي اعرفه انه ارتفع ضغطي منهن وبس
وانهن فاهمات عاقلات وتطلع منهن هالتصرفات
كيف اتصرف اسكت والا اتغاضى والا اتكلم وهذا تكلمت وجتني نظره تروع ورد