تجمع امهات يناير و فبراير الجميلات 👼🏻💐

بنات شلون الحركة معاكم؟؟تحسونها كأنها غازات؟؟يعني البطن ناادرا تشوفينه يتحرك
الأحد سووا لي تخطيط سألت الممرضة قالت كوويس بس الدكتور ماناظر حتى في الورقه ...

كيف عرفتي ان الحبل السري لف ع الجنين ؟
هذا دايم هاجسي وخوفي 💔

اول يوم بالتاسع سويت اشعه والدكتوره قالتلي انه ملتف بس اللفه واسعه الحمدلله
بس اعطتني نصايح انه انام عالشمال ومااتقلب وماامشي واحسب الحركات


بنات عادي اشرب منقوع بقدونس لانه خايفه الضغط اللي احسه يكون التهاب 😐

ياعمرررررري ياشباصة
ماقصرتي بردك الواضح
والله اول مره أفهم هذا الموضوع متخيلة ؟!

علشان كذا بنتي يعني جاها صفار قوي
يارب تلطف فينا وترحمنا
أقسسسسم بالله قمة التعب والعذاب بس كانوا يخلوني أرضعها
ونوموني معها علشان هالسبب يقولون إذا رضعتيها بتخف

وحطوها جنبي داخل شيشة أرضيتها قماش مو مستوية ومع كل حركه ينفك اللي فوق عينها ومخوفيني يقولون لي لو إنزاح غطاء عيونها رح يضرها النور الأزرق ويأثر على نظرها

تتوقعين بعد كلامهم هذا كنت أقدر أنام وإلا حتى اغفى ؟
أقسم بالله العظيم كنت اراقبها طووول الوقت وهي تتحرك كثير وكل شوي اعدلها
واخاف عليها ومرات كثير أغفى من التعب بدون ما احس وانا واقفه ومتكيه على رف الشيشة اللي حاطينها فيها
وانتظر الساعتين تعدي بسرعة علشان اشيلها والفها باللفة واحضنها وأرضعها وماودي إنها تخلص رضاعة
أحس إنها بأمان في حضني ومرتاحة وهي ملفوفه ومتغطيه
بس
حسبي الله ونعم الوكيل
كانت اسوأ أيام عشتها بحياتي وأقسى شيء عانيته وأنا نفاس وبكر
والمستشفى له دور كبير تنومت معها بالحكومي بعد ماولدت خاص وراحت كل ميزانيتنا فيه كانت أكثر بكثير مما توقعنا

وتدرين الحكومة مبالغين ويهولون المواضيع
ماظل تحليل كبد ولاكلى ولا غيره ماسووه لها خرقوا ايدينها ورجلينها من كثر التحاليل وكانوا يآخذون عينات الدم جنبي وانا اشوفها وهي تبكي وما اقدر اسوي لها شيء

حسبي الله عليهم
اتذكر خطيب اختي كان دكتور يطبق إمتياز في المستشفى بس بقسم ثاني
لما عرف إني موجودة جاء يبارك لي ويسأل عن صحة بنتي ومن كثر ماكنت منهارة وابكي مافهم مني ولاكلمة استحى ومشى حتى ماقدر يواسيني ولايطمني ولاشيء من قد ماكنت خلااااص

والزيارات كانت محدده اربع ساعات المساء
والصباح ماكان احد من اهلي يقدر يزورني
اللي يشتغلون بالمطبخ ويجيبون الاكل كانوا ياخذونه زي ماهو لدرجة إن اللي تجي تشيله ينكسر خاطرها علي تقولي مدام انا بخليه وباخذ الاكل من باقي الاقسام وبرجع لك بس انتِ كلي وماكنت اكل
اصلاً احس ان الاكل ماينزل

وكنت بغرفة فيها ست حريم مع عيالهم انواع الازعاج والضحك والبرووود واخر الليل سهر ويجيبون اكل ويتجمعون ويضحكون وانا مسكرة على نفسي ستارتي وقاعدة ماكنت اوافق اقعد معهم والا حتى ارضى اسولف واتكلم احس إنهم بعالم وانا بعالم ثاني .

الله لايعودها من أيام

الله لايعودها


انا ما ادري ليش تذكرت كل هذا وكتبته .. 😭😭😭

حسبي الله وكفى .. يارب رحمتك وعفوك ورضاك

لا يعطون الكل تاريخ الولادة المتوقع
بعد مايعرفون تاريخ آخر دورة لك يحسبون اسابيع الحمل
قولي كم تاريخ آخر دورة لك
بالميلادي وبنحسب لك 💙💙
_____________

البنات اللي طلبوا مني أضيف اسماءهم واعطوني التواريخ
أضفتكم كلكم خلاص 💕💖
ربي يهون على الجميع