💟👶🏻👧🏻💟الت جمع الثاني لـحوامل يــــولـــيو &آغــسطس2016/2017 💟👶🏻👧🏻💟

متابعة النقاش، صفحة 233

شاركي في النقاش

سجلي الدخول لإضافة تعليق.

التعليقات

1,580
  1. @aaashk_zogha_6_1

    السلام عليكم حبيباتي
    شو رأيكم نبعد عن جو الوحم والغثيان ونتنشط شوية وكل وحدة تكتب كيف عرفت إنها حامل راح أبدأ انا
    انا طبعا إلي متزوجة خمس سنوات وما عندي أطفال رحت حجزت بشهر تسعة بمركز لأطفال الأنابيب وعملت كل الفحوصات وكلفتنا كتير غالية وعملت المنظار وفحص الكروموسومات وقالولي كل شي تمام بس تيجي الدورة تعالي نبدأ أبر واعطوني الجدول ولما أجت الدورة ودفعنا للعملية بدي أبدا بأول إبرة عرفت الدكتورة إن دمي ضعيف كتير ومنعتني من عمل العملية وسرت ابكي بالمركز متل الصغار والدكتورة والممرضات يهدو فيا ويقولولي يمكن خير إلك يمكن تحملي طبيعي وأنا أبدا بس أبكي وأقول مجانين الي خمس سنين محملتش يعني بدي احمل الشهر هذا ويئست من كل الدنيا وبنفس الشهر تأخرت الدورة وكان معي مغص قوي قلت لجوزي بدي أخذ علاج لحتى تنزل وأعمل العملية قلي خلينا اول نجرب ونفحص نتأكد انو ما في حمل لحتى تنزيلها طبعا دورتي كل شهر بتتاخر فقلت هات شريط وجابلي والفجر فحصت وظهر خطين سرت أبكي واصحي زوجي ومش مصدقة وسجدت شكر لله وطبعا جري على المركز وبوست الدكتورة يلي ما وافقت على العملية وطار النوم من عيوني يومين من الفرح بس أفكر وأقول اكيد حلم ولحتى الآن مش مصدقة