الموضوع مغلق

اخوي وحبه لزوجته شي محيرنا>>استوفي الردود

تفتكرون موضوعي زوجة اخوي وحب اخوي لها
احنا فاتحناها بموضوع الأطفال وانه لهم سنين متزوجين نبغى نفرح ب اولادهم وانه لازم يتعالجون لكن اخوي وهي مااخذنا منهم لا حق ولا باطل ! هي غيرت الموضوع واخوي تارك الكلام كله لزوجته كل شي تقوله يقول صح وتم يعني من جد الواحد مايبغى يظلم بس بداء يدخل قلبي الشك ان كلام خواتي فعلا صح ان اخوي مسحور وشككني زياده قبل اسبوعين كنّا مسافرين كلنا الشمال والله العظيم ي بنات كنّا داخلين سوق مع بعض اخوي قدام اخوي الثاني عادي نازل ويربط لها جزمتها بنص السوق !!! طيب هو إنسان له مكانته ماخاف احد يصوره او اخواني ينقدون عليه ؟ المشكله زوجة اخوي طيبه معانا مانقدر نقول لها شي واخوي إذن طين وإذن من عجين تارك أذنه عند زوجته وماشي حتى مصروف تارك الفلوس بيدها طول الرحله هي تصرف وهو ولا كانها فلوسه ! بنات انا فكرت اقراء على اخوي واقطع الشك باليقين بس شلون وهي مايجي الا هي معاه لا تقولين لي انتي ظالمه حطوا نفسكم مكاني تشوفون اخوكم رجال بهيبته كذا ماله اي قرار ولا اي كلمه ولا حتى ذريه وعادي راضي ومقتنع ! ايوه وازيدكم من الشعر بيت بيشتري بيت وبيخليها شريكه معاه نص البيت باسمها وعشان تصرف الكلام عنها قالت انا قاطه معاه نص الفلوس من فلوسي ؟ شلون وهي حافيه منتفه !! ولا شافت الفلوس الا عند اخوي راتبه كله معاها شششي يحير لو كُنتُم مكاني انا واخواتي بتقرون على اخوكم ولا بتشكون بوضعه مع ان زوجته صايمه مصليه الله لا يركبنا اثم الشك فيها 😭

128 تعليق 22,000 مشاهدة

شاركي في النقاش

سجلي الدخول لإضافة تعليق.

التعليقات

126
  1. @am_krymyd

    لانها صايمه مصليه طيبه مع الكل
    ربي رزقها ع قد نيتها بزوج يحبها ويدلعها


    لو هو مسحور كان ماخلته يتمشى مع اهله واخوانه كان استفردت به واخذته منكم
  2. @zozo111_1

    اذا هو مبسوط وسعيد معاها انتم وش يدخلكم بحياته

    شي يحير والله اذا شافو الواحد مبسوط مع زوجته ويحبها قالو مسحور

    الله يسعدهم ويهنيهم

    ادعي لهم ربي يرزقهم باطفال ويهنيهم احسن من الشك
  3. بالفعل لانها صايمه ومصليه وطيبه مع الكل بشاهدتك ربي سخر لها زوجها
    ترى اللي تسوي سحر وكذا اعوذ بالله يبان عليها ما تخاف الله ويجي منها لكن انتو حتى مو لاقين بها غلطه
    ربي يرزقهم بالذريه الصالحه عاجلا غير اجل
    وفكروا كييف تخلونه يعالج ويحاول وخلوه هو وزوجته يقرون على أنفسهم يمكن بهم عين قوووويه !!
  4. @violet_13

    قبل لاتتاكدين ان اخوك مسحور او لا
    تاكدي اذا هو عقيم او لا؟؟


    احيانا الرجل العقيم يعوض زوجته بالمال هذا الي يقدر عليه ✋🏼
    الرجال لازم يسحب على زوجته ويطنشها ويهملها في النفقه كذا عندكم الرجل طبيعي
    غير كذا مسحور
    الله يهديكم بس

تابعي تجارب أخرى من هذا القسم.