كلهم يجتمعون يعني نحن ليش لا ؟؟يلا يالمتزوجات صفوا ورا بعض نسولف شويه

حلو هالملف بس لو نسيطر على انفسنا شوي
لانه بيقلب يالقسم المطبخ او المشاكل الاجتماعيه :(
روقونا شوي يابنات..
بسولف عليكم عن وجهة نظري الخاصه عن الرجل..
وعلى فكره غير قابله للتعميم..لاتدعون علي بكرا خخخخخخخخخ:30:
الرجل مما ارى حولي << اظنك قلتي بدون تعميم:22:
مايحب المندلقه عليه المتلهفه اللي بس تناظر في وجهه..
يحب اللي تأدي واجباته وتطيعه بثقل والدلع له اوقاته
الرجل يحب ينفرد بنفسه بعض الاحيان حتى لو هو قاعد معاك
تلاقينه ماسك خط وانتي متزينه وعلى سنقة عشره وتنتظرينه
يعبر عن حبه وذوبانه من العشق لك..
ولو حصل العكس بتحسينه يفكر بأحد ثاني او منشغل عن ولااهتم فيك
هنا لازم كل وحده تعرف ان طريقة تفكيرها خطأ..
وان عدم تعبير الرجل عن حبه باستمرار مرده لطبيعته اللي تختلف تماما
عن طبيعة المرأه..اللي فطرتها تحب الثناء والمديح باستمرار..
الرجل طبيعته يثني على الشي مره اومرتين ان تحمس..بعدها خلاص يعتبر
انه كفايه اللي قاله ..وانك خلاص من مره اومرتين فهمتي انه يحبك
ومعجب بك مايحتاج كل مره يعبر عن نفس الشي..
قرأت كتاب الرجال من المريخ بيعطيكم تفاصيل اكثر ..
قريته وللاسف مالقيت زوجي معاهم قلت اكيد انت من زحل هههههههههه:30:
الحين انتظر احد يألف عن رجال زحل عسى يمديني افهمه << غني ياليل ماطولك :09:
ثانياً صدقوني يابنات الرجل يحترم ويعجب بالمرأه اللي تعطيه حقه وتاخذ حقها
حتى لو مابين ..حتى لو قال العكس..
اللي تتنازل عن حقوقها غلطانه غلطانه..ويوم بيجي بتنفجر من كثر التنازلات
لانه تعود خلاص..وبتعض اصابعها ندم على مافات..
ادي حقوقه اللي اوجبها الله على اكمل وجه..واستمتعي معاه بكل لحظه لكن لاتنسين
انك تستمتعين لنفسك وتلبسين لنفسك وتعتنين بنفسك لاتنسين حق نفسك عليك ابداً..
من خبرتي الامور الماديه اذا دخلت بين الزوجين دخل الشر بينهم خلاص..
ياليت زوجك مايتدخل بالمال الخاص فيك ابداً وياليت لو مايدري عنه احسن ان قدرتي..
اخيراً اي شي تسوينه لزوجك لاتنسين انه من حسن التبعل وفيه رضا الله بس اهم شي
الاحتساب ..احتسبي قولي انا اسوي كذا واتعب ابي رضى الله عني..ثم ابي اكسب ود زوجي
بكذا عند اي خلاف ماراح تندمين على شي سويتيه ابداً لانك عارفه ان الاجر ماضاع..
هذا اللي عندي الحين وان تذكرت شي رجعت..
لحظات ميلاد احجزيلي معك غرفه لاهنتي خخخخخخ:30: <<نفس الحاله
ودي اهج احيانا ..بس وين اروح ..يجيني اوقات تضيق فيني الدنيا الله لايسلط علينا
بذنوبنا:( ودي اكفخهم كلهم واشوتهم :eek:
بس بعد تفكير عميق << عندها وقت
يكسرون خاطري وادري مالهم ذنب كله من الملل والغربه بعيد عن الاهل الوحده مهما
كان تتمنى لو مره بالاسبوع تجتمع بأهلها..
الله يجمع شملنا على خير حال..
ويرد كل مغترب بالسلامه.
يالله ورونا نشاطكم بأحلى ملف ..وترى الكل يناظر في الملف اشوفهم يويقون فوق:30:
يبون خبره وفايده وانتم ماتقصرون يالمتزوجات يالله..
ماانسى اشكر شفاه على هالملف اللي اتوقع له نجاح كبير جداً بإذن الله.

الله يعطيك العافية على الموضوع.......

سلااااااااااااااااااام ياالمدامات رزقنا الله وإياكم صيامه وقيامه
وبعد مثلكم طبخت + نفخت +(وأكلت ) وهذي الفرق ماوحده قالتها .................................................... بس حبيت اسجل إسم لأني متزوجه هههههههه

العامرية كلامك دررررررررر ماشاء الله ينغزا بك الأولى مع مرتبة الشرف هههههههه
أي والله أنك صادقة الرجال ما يحب اللي مندلقه عليه وما يحب اللي مالها شخصية حتى لو كان كلامه العكس ... والرجل ايضا يحب اللي لها رأيها ما يحب اللي مالها راي أنا أول ماتزوجت نصحتني وحده الله يجزاها خيلر قالت اذا شاورك ما تقولين هاااااه مدري على كيفك اللي تبي لا قولي أبي كذا وأبي كذا يعني بين قوسين حطي لك كيان وشخصية مو تنداسين بالرجول >>>>>>> صارت حرب مو حياة خخخخخ

لالالا والله أنها أساسيات ...
وبعدين أول مشكلة عويصة حليها زين مو بتهور ...
اشغلي نفسك عنه لا يصير كل همك والله بتشوفينه يراكض وراك ...:30:
اذا كان أخينا مطنش ولا كأن في البيت احد وانتي حاولتي بكل الطرق ولا فاد يعني ( عمك اصمخ ) أجل انتي عيشي حياتك أهم شي أنه ما يتعدى حدود الله ويصلي (انسان مستقيم) وما يهين ولا يذل بس مشكلته مطنش وعادي عنده قعدتي والا قمتي :42: خلاص اتركيه وعيشي حياتك بعض الزوجات نشبة ناشبة بزوجها .....:eek:

نكمل الحلقة الجاية عشان ما تزهقون يا حلوات
أصلح أصير الأولى مكرر