الميانة مع أهل الزوج 🔥

كل وحده وحسب شخصيته بعضهم ماتحب الميانه والعلاقه الوقيه باهل الزوج وبعضهم يحسو عادي جدا وتلاقيها مع اخت زوجها اسرار ويفضفضو لبعض ويحبو بعض ..
يعنى كلا وقدرته وتحمله وشخصيته واسلوبه..

مضمون موضوعك ،،، علموني كيف اكون قوية في تعاملي مع اهل زوجي الطيبين واقعد لهم على الدقة والدقيقة ،، بحيث اظهر اني طيبة معهم ما يبان اني من تحت لتحت ،،،
اتقي الله في تعاملك مع الناس سواء اهل زوج او جيران او صديقات او حتى اقرب المقربين لك من اهلك ،،، عامليهم بما يرضي الله وبما تحبين ان يعاملوك به ،، خليك واضحة وصريحة ماله داعي اللف والدوران ولا تقابلينهم بشكل وتضمرين بقلبك شي آخر ،، هذا اسلوب المنافقين...
وكيف قررتي ان رغم طيبتهم هم غيرانين منك ؟؟ على ايش يعني ،،، يبدو العكس ،،، يعني مو نافع لا اهل الزوج السيئين ولا حتى الطيبين يضلون اهل زوج مكروهين وخط احمر ..


اصلا طالما تقولين طيبين يعني تعاملهم طيب منحالهم مارح يدخلون غرفة نومك ،، ولا حتى مطبخك ولا حتى الصالة الا اذا انتي طلبتي منهم ،، واطبعا انتي تكونين معهم بالمثل
وان عرفوا وين رحتي ترى مو مشكله .. يعني عرفوا مرات وماعرفوا مرات خليها بطبيعتها .. بدون ما تجرحينهم وانتي تطمطين عنهم لا يدرون وش عندك ،،، وانتي تكونين فالية حياتهم فلي ولو زوجك خبأ عنك اي شي يخصهم تقلبينها نكد .


اتخذي من كل شي الوسط لا افراط ولا تفريط ،،، حتى زيارتك لهم لا تهجرينهم بالشهر والشهرين ما يشوفوك ،،، ولا حتى تجين كل يوم بالذات اذا عندهم شباب وفيه غطا ،،، مريهم مرة او مرتين بالاسبوع ،، حسب ظروفهم .. وخليك ذربة بعض البنات تترك عيالها يخربون ويكبون وهي في وضع المزهرية .. ثم تزعل لو خاصموهم رغم انهم اهلهم ..
بالنسبة اذا عندهم ضيوف ،،، بعض البنات ان اهل الزوج ما نادوها زعلت وقالت ما عبروني وانا ساكنه معهم .. وبعضهم كل ماجاهم لو ضيفة وحدة نادوها ،، قالت كرفوني اتعبوني يبوني اجي اباشر او اجي جايبة معي طبق ،، ارضاء الناس غاية لا تدرك...


. المضمون خلي تعاملك على ثلاث قاعدات
١/ تقوى الله


٢/ عامل الناس كما تحب ان يعاملوك ..


٣/ مهما واجهتي فلا تتنازلي عن حسن الخلق فأنتي تمثلين نفسك ،، وعليك بالتغاضي ... والتسامح .. والوجه السمح ،( ولا تصعر خدك للناس ولا تمش في الارض مرحا ))

👍🏻

على كيفك فسرتي سؤالها يمه منك بس⛏⛏

الله يهديك ياامل حكمتي علي وانا مو متزوجة اصلا ! ❤️
لكن انا مو زعلانة وبوضح لك ❤️
انا حكمت عليهم انو فيه غيره لان اخواتو يسبولي حريم اخوانهم وقدامهم ما يقولو شي
مع ان حريم اخوانهم طيبين ويخدموهم
فعرفت انها غيره بنات !
ولكن يبقى الأصل طيب ..
انا حسّيت انهم يبغو ميانه مرا وانا والله شخصيتي لا تتقبل الميانة ابدا
احب العلاقة الجميلة بحدود
فكان ودي اعرف كيف احط حدود بدون ما يزعلو وأقدر تحافظ على علاقتنا الحلوة
لاني من وانا بزر جربت الميانة وربي في كل مره اخذ درس عظظظظظظيم
لما خلاص حتى صاحباتي مااقدر اقولهم سر واحد من أسراري
انا ماابغا ميانة ولا ابغا حتى اخواتي يعرفو فين روحاتي وجياتي واتوقع هذا حق من حقوووقي ❤️
وشكرا لنصحك وردك لموضوعي انا ممتنه لك ❤️❤️❤️❤️