لو انتو مكانها وش راح تسوون؟!

السلام عليكم
كيفكم بنات؟!
راح ادخل في الموضوع طوالي
الله يسلمكم هذي وحدة من صديقاتي طايحة في مشكلة مع زوجها وتبغى تعرف هل هيه غلطانة ولازم تعتذر ولا لا
صديقتي متزوجة من 4 سنين عندها بنتين وساكنه في مدينة الدمام و اهلها و اهل زوجها ساكنين في الظهران
تقول اول موقف صار لها ان اهلها عندهم مناسبة و كلمت زوجها انها بتروح من بالليل وقال لها روحي تقول قمت اليوم الثاني وروشت بناتي و اكلتهم و مشطت لهم ولبستهم علشان ما يبقى علي شي الا نفسي وبعدها دخلت المطبخ سويت لي صينية حلى و صينية مالح ودخلت اجهز نفسي تقول بعد ما خلصت اتفاجأ ان زوجي جاي يقول لي اهلي كلموني وجايين بالطريق بيسهرون عندنا الليلة و استحيت اقول لهم انك بتطلعين تقول بغيت انجن وتهاوشت انا و اياه ودقيت على امه و اعتذرت قلت لهم اني ب اروح بيت اهلي
الموقف الثاني اخت زوجها عندها عشى جايها ضيوف تقول جاء زوجي وقال جهزي نفسك انتي والبنات بنروح عند اختي تقول قلت له محد كلمني قال انا اخوها تكلمك انتي ليش تقول قلت له معليش ماني رايحة اللي ما يعتبرني شي ما اعتبره شي
الموقف الثالث صار يوم الجمعة اللي راحت تقول انا وبناتي تعبانين سخونة و انفلونزا و حالتنا حالة جاء زوجها وقال لها قومي جهزي القهوة والشاي اخواتي جايين بالطريق كلموني وقالو بيجون يتمشون ع البحر و بعدها بيكملون السهرة عندنا تقول سكت وما قمت سويت شي ولما جو تقول قلت لهم معليش بس محد كلمني وقال انكم جايين وانتو شايفين بعيونكم كيف حالتي البيت بيت ولدكم قومي سوو قهوتكم ب انفسكم تقول زعلو و زوجها زعل و تهاوشت هيه واياه وقال لها ياتروحين تعتذرين من اهلي ي اوديك بيت اهلك وقالت له وديني بيت اهلي ولا اعتذر عن شي ما غلطت فيه


بنات وش رأيكم باللي صار وكيف كنتو راح تتصرفون

86 تعليق 7,878 مشاهدة

شاركي في النقاش

سجلي الدخول لإضافة تعليق.

التعليقات

82
  1. @moohrh

    الموقف الاول خطاء زوجها المفروض يقول ل اهله زوجتي مجهزه قهوتها وحلاها بتروح ل اهلها ماهو يصدمها فيهم
    والثاني والثالث احسها صداميه المفروض ما اتصادم مع زوجها كذا الرجال مايحب العناد والمجابه
    والموقف الاخير احس مرره قووويه مثل الطرده ل اهل زوجها
  2. @alaankaaa_16

    لااله الا الله
    الله يعين بعض الرجال على حريمهم
    المفروض هي من نفسها من قالها زوجها انهم بيجوون قالت الله يحييهم ورحبت فيهم مو تكبر السوالف على اشياء تافهه ترى كذا بتصغر ف عين زوجها
    الرجال يبغى حرمهه تقدر ضيوفه مابالك باهله
    والطلعه لاحقه عليهاا مب طايره الدنيا
  3. @gmsht

    عنيده وتكبر الامور
    لكن تصرفاتها فيها محاسن انهم بيعملون حسابها
    بس هل ياترى لو دخلوا مطبخها وفتحو دروجها وسوو
    قهوتهم هل ترضى والا تزعل
    يعني الناس دخلوا بيتي اتجمل شوي واعمل بأصلي
    وعشان خاطر زوجي
    اسوي قهوه وشاي وباقي السهره على زوجها يقوم
    هو بتكاليف العشاء

تابعي تجارب أخرى من هذا القسم.