ابني اليوم انضرب ضرب مو عارفة ايش اسوي

لا لا لا حرام حرام عمر الدين ماكان بالضرب
يعدين الصلاه اذا ينضرب عليها يضربه ابوه فقط او امه مو اي احد وقدام الكل بتكسرون شخصيته كذا
بيكبر وداخله كره للقران والصلاه ووقتها بيكون رجال ولا راح تقدرون عليه
لا تخلون العبادات عنده ترتبط بالضرب اذا حفظ وصلى كافئيه انتي واشتريله شي يحبه وقوليله كلام حلو يزيد ثقته بنفسه مثل انا فخوره فيك اليوم الحريم فالحاره مدحوك قالوا ولدك مؤدب ويصلي
طلعيه من التحفيظ هذا صراحه اول مره اسمع تحفيظ فيه ضرب في منطقه انتي ؟
طلعيه ودخليه اي كركز تحفيظ ثاني ودخليه نادي كراتيه او سباحه اي نادي في نشاط بدني يشغل وقته ويفرغ فيه طاقته

اول شي بنبهك له الضرب الشديد لأجل الصلاة ماهو زين راح يجيب نتيجة عكسية لولدك في سن المراهقة انتبهي الله يرضى عليك من هذي النقطة .

ولا تحاولو تصارخو عليه تعالو لي بالهداوة وخلي اللي يعاقبه فقط ابوه حين يخطي ماهو كل من جاء لطش بالولد.

يوقفه ماهو مشكله ماهو منكسر ظهره لكن الضرب انتبهي يفقد الشخص ثقته بنفسه ونتائجه عكسية

اممم المدرسين يعاملون اخوه احسن منه ويكرمونه ويعطونه هدايا .. وهو يحرام ينضرب ويوقف ويتهزأ قدام الناس وقدام اصدقاءه وقداام اخوه .. كيف تبينه يرجع يتعدل ويصير كويس .. انكسرت شخصيته هو يحس بالنقص بشخصيته ومنحرج من اخوه ومنكم .. ومن أصحابه لكن يعوض النقص اللي فيه بشقاوته كانو يقول للعالم ماهميتوني وانا قوي وانا ماراح اصير مثل ماتبون او ماتمشوني على كيفكم فيعاااند وتزيد شقااوته ومستحيل الضرب يأدبه لانو هو قاعد يقاوم هالضرب بشخصيته العدوانيه وبيثبت قدامهم انه قوي علشان يعوض النقص الي بداخله ..هو من داخل عكس هو منجرح ومكسوور .. وشخصيته انكسرت قدامهم ..
شجعيه بالكلام الحلو هو كبير واكيد يفهم قولي انت بطل وشاطر ومعليه كلنا نخطي ونرجع احسن من قبل ونتعلم من اخطاءنا .. اشتري له بلاستشين او اي شي يحبه اشرطه كراتين العاب اي شي وقولي اذا رحت لتحفيظ ورجعت وانت شاطر ومحد عاقبك .. بخليك تلعب او بجيبلك الشي الفلاني اللي هو يحبه .. خليه يتحمس يروح ويرجع ويوريك انه قد الثقه .. خلي بالاول ترجع ثقته بنفسه علشان يتعدل سلووكه .. وامدحيه قدام اخوانه طيريه بالعجه حتى لو خرب وكسر وحاس امدحيه تحمليه فتره وبترجع ثقته بنفسه وبيحس انكم صرتو تثقون فيه وتحبونه وبتتعدل سلوكه وأخلاقه..
وكل مره يرجع جهزيله اكله حلوه يحبها او حلا او كيك وامدحييييييييه .. واهتمي فيه .. واستمري .. وبطلي هواش وضرب وخلي معاملتك كلها متساويه .. تحملي ..




انا اخواني اثنين بالثانوي شوفي يعني كبار مو طفل ابو 9 سنين ..
المهم امي تفضل الكبير على الصغير طبعا بينهم فرق بس سنه .. وكانت تمدح الكبير انه عاقل وانه يطيعها وانه وانه بس مقطعته بالمدح والثاني بس تهااااااوشه وتتكلم عليه واحيانا تضربه .. وانك انت مابك نفع ومدري ايش وتحطييم ..
تخيلي لدرجه حتى قدام خوالهم وهم جالسين تمدح الكبير والثاني تهاوشه وتحطمه ..
مع انها والله تحبهم كلهم .. لكن ليش لان الثاني قام يزيد بعناده وشقاوته وصار انسان بس يعاند ويعلي صوته ومايحترم احد فصارت امي تهاوشه .. وهو اصلا قاعد يعاند ويسوي مشاكل علشان يعوض النقص اللي داخله ومنجرح ان امي تفضل اخوه عليه وهو يحترم خوالي ويبي يكون قدامهم انه رجال وقد الثقه ولكن امي كانت تهاوشه قدامهم فصار ينقهر ويغار لان امي تمدح الكبير وتفضله عليه
والله وصل لمرحله انه كلامه وسخ وبس يتهاوش مع اخوه ويعلي صوته على امي .. وصار انسان عصبي ويعاند مع اني اعرفه اخوي ا والله والله قلبه ابيض وحنووووون وطيييب وخدووووم و أذكره من يوم هو صغير...
لكن تغيرت شخصيته من تغير المعامله معه .. مع انه كبير لكن مايسمع الكلام ومتعب امي وتشكي منه..
المهم مسكت امي على جنب وقلت لها انتي السبب .. انتي الي تحطمينه وتمدحين اخوه قدام الناس و هو لا بس تتكلمين عليه وتهزأينه .. وتفضلين اخوه عليه .. فصار كذا عدواني .. قالت لا مو صحيح كلامك انكرت ههههه المهم نبهتها وقلتلها حرام امدحيه وشجعيه ولاتهاوشينه وبتشوفين شلون شخصيته تتعدل .. المهم سمعت كلامي وماصارت تهاوشه وبس تمدحه وتضحك معه وتلبي طلباته الحين والله اطيب منه مافي وخدوووم ويطيع .. وصار انسان هااادي لايرفع صوته ولا شي وصارت امي تغليه وتحبه وتمدحه عند خوالي اكثر من الكبير انعكست ههههههههههه مافي فكه الحين الكبير بيتحطم 😂😂😂..
بس شفتي كيف تغيرت شخصيته للاسوء بسبب هواش وتفضيل اخوه عليه كيف عاد الضررب .. وولدك طفل
اتمنى اكوون افدتك ..

ولدك لساته صغير وتقدري تغيري طبعه اولا الطفل اذاا اصبح يميل للعنف فهو بحاجه حنان واهتمام ...اجلسي معي كوني صديقته العبي معه اشعريه انه مهم ومحبوب ..اقري له كل يوم قصه قبل النوم وتكون هادفه وعن الطفل المحبوب وعن الافعال الطيبه لو من تاليفك...وقبلي جبينه قبل النوم ...احتويه اكثر واكثر....وهو عنده طاقه سجليه بنادي العصر بدل التحفيض يتعلم كراتيل لانها تعطي ثقه بالنفس ...خليه يفرغ طاقته يلعب كوره بالرمل ...وايبعد عن الالكترونيات