💞👧👦👶التباشي ر الرابع🌸 لمواليد نوفمبر وديسمبر 2016 💞👧👶👦

والله ياقلبي لو الولاده تذبح ماتشوفينا نحمل
انا الدكتوره بعد الولاده قللت لي متى نشوفك مره ثانيه قلت ابد منتي شايفتتي ابد قالت والله السنه الجايه الاقيك على هالسرير

اكذب عليك اقول مافي الم الا فيه لكن لايكلف الله نفسا الا وسعها ربي اعلم بجسمك وكمية الالم اللي تتحمليها
وربنا رحيم
انتي توكلي على الله وهي مغامره جربيها وبتطلعبن بطفل ينسيك كل تعبك

صاادقة الله ربي رحيم مايكلف نفس فوق طاقتها ..
وهالألم كله يجعل الأم تحت اقدامها الجنة ❤

أما النفاس بالبيت والله حلو ماتوقعت انه له طعم غير بس انا اللي تعبني انه ماعندي خدامة تساعدني بالبيت والتنظيف ..
الأكل امي ترسلي كل كم يوم ربي يجزيها الجنة مريحتني من هالناحية
وتاخذ عيالي وقت الغدا يتغدون عندها وترجعهم لي العصر
اهو الوضع شوي حوسة بس
فترة ان شالله وتعدي ..

.
مشكلتي بس الحين يالله الحق القى وقت أكل وجبتي اما سوالف العناية بالجسم ما افكر فيها حتى ..
متأملة ان شالله يخف خياطي وترد قوتي على نهاية النفاس والقدر اسوي حق جسمي لو شي بسيط

بنات ترا الخروع ماينفع اذا ماجا موعدك
لازم توصلين يوم الموعد لو مافيك بوادر تاخذينه يساعدك وينهي الموضوع بعد الله سبحانه وماتنسي الاستخارة

ربي يقويك الجسم لاتفكرين فيه اهم شي تشدين نفسك وتسترجعين عافيتك والباقي ملحوق عليه بإذن الله

الاكشن حق ولادتي
بسم الله نبدا 🙈
لما كان موعدي الخميس الي فات قالت لى الدكتوره بعد الكشف بعييده والرحم مقفل فلما رحت الخميس ذا كان املي بلله كبير انه فتح لان كان يجيني مغص قوي ومع الاسف يروح
فاول مادخلت على الدكتوه قلت لها باقيلي يومين واخلص التاسع وابغى اولد بسلامه ساعديني لو اقدر اخذ شي قالت كشف اول ماكشفت قالت مفتوح ١ سم انا فرحت وجاني امل قلت وسعيلب قالت ابشري بس تحملي شوي قلت يابنت تحملي عشان ربي يسهلها من عنده
قالت لي ممكن ينزل دم اهم شي وقت الكشف ارخي نفسك وخذي نفس
بصراحه كان الم محتمل الحمد لله
انا قلت شكلها ماسوت شي بس اول ماوقفت وخرجت من عندها حسيت بمغصصص قلت يلله حمد لله
يارب يجيب نتيجه لان الكشف الاول ماجاني ولا نقطة دم بس كشفت والمره ذي دخلت الحمام اكرمكم الله لقييييت دممم كثير زي بديةً الدوره خفت بغيت ارجع لها
المهم رحت البيت وكانت الوقت ١٠ الصباح تقريبا والمغص مستمر نمت وريحت بعد الظهر وصحيت والالم مازال قلت بخرج امشي مشيت ساعه والالم يزيد
قلت يابنت شكلك ولاده
رجعت البيت وتنزل مني افرازات ثقيله بخيوط دم والله اني فرحت قلت حمد لله السداده
وكل مالها تزيد
والمغص متباعد كل ١٠ د قلت بنتظر يصير خمس د
هذا كله والساعه ٣ ونص الفجر لان الالم اقوي من قبل
كلمت زوجي قلت له اشرايك اروح قبل لايغلق دوام الدكاتره المناوبين لانه بنصبح جمعه ول انتظر الطلق يقرب قال براحتك بس الافضل يزيد
توكلت على الله وصليت الفجر قلت بريح شوي قبل لايحمى الطلق ويصير اقوى ويقرب
صحيت ٨ الصبح على مغصات اقوي جهزت مويه مقري عليها زمزم وحطيت عليها زعفران اصلي لاني قريت انه يساعد
انتظرت لين ١٠ والالم يزييييد لكن نفس الوقت. ١٠ د واحيان يوصل لين ربع ساعه بس كاان قوي قومت زوجي وتوكلت على الله مع اني كنت طول حملي خايفه اولد يوم جمعه مافيه دكتورات وراح اتورط بدكتور قلت يابنت اهم شي ربي يفرجها معدت الهرجه في السياره قلت لزوجي خايفه يجيني دكتور قالي اصري على دكتوره واذا مافيه حكم الله اهم شي ربي يسهلك زوجي غيوووووور جدا جدا
المهم دخلت وفعلا مافيه الا دكاتره ومادخلو زوجي
وماكلمت احد من اهلي
توكلت على الله وجا يكشف وانا مصره على دكتوره قال كلهم دكاتره وماعندك الا نكشف
توكلت على الله وكشف قال تووك ٢ سم
وشافو مويتي وزعفراني عاد قامت القيامه ليش تشربينه هذا جالس يزود الالم والطلق بارد مايفتح الرحم
انا وقت الطلقه اصيح لان الالم شي يموت شي يشقق ولما تهدا اهدا
استغربو قوت الالم سولي تخطيط التخطيط طلق لكن الرحم ٢ يعني شي حيرهم اعطوني مسكن مغذي وابره عضل قالولي بنسويك خروج لانه ماعندك ولاده 😰
قلت ذا الالم كله مافيه علامه ولاده قالو لا بس شكل الي شربتيه محرض ولاجاب لك الا العذاب قسم بلله اصيح وقت الطلقه وادعي يارب سهلها ويارب اكرمني ولا تتعبني سمعني دكتور ثاني قال نجرب نخليك كم ساعه لو زاد الطلق وانفتح كمان نشوف الالم مستمر كل ١٠ د بتمام والتخطيط يقول طلق بارد ومتباعد اعوذ بلله ياست جلست على ذا الحال من ١٠ الصباح لحد الساعه
١ الظهر لو اكثر وانا اتعصر وقت الطلقه جا كشف قال زاد نص سانتي فقط وخلاص بنطلعك ريحي وخذي دش
دافي جاتني دكتوره سعوديه الله لايسامحها اذا كانت تبغى تتخلص منى
قالت يابنت الحلال انت تعرفين الطلق ؟ وعندك ولادتين طبيعي ؟ يعني الي فيك مغص من شي اكلتيه هذا ابدا مو طلق ولو طلق مو حق ولاده
عنق الرحم قاسي مع انها ماكشفت هيه ابدا
اذن العصر وانا بين نارين الم غير محتملودعوات ربي يسهلها ولايعارضني بسوا انا وبنتي
جلست عندي تشوف وقت الطلقه وقد ايش يتحجر بطني
قالت ذا مو طلق ذا اصلا مو برحم
يا الله ياكريم سهلها يارب عجل بلفرج كرهت التحريض وتندمت اني طلبت تحريض قلت. ماراح اخبرهم خفت يسالونها او يكون ممنوع
جلست على ذا الحال والالم وشويه ابكي وشويه ادعي جا زوجي وخبرته قالي ادعي مالك الا الدعاء اااااخ يارب
وصوتي يعلى ويرتخي عملولي تخطيط للمره الثالثه ويطلعوني بعده
جا قاس الدكتور بعدها قال ٣ سم قلت جاك الفرج يارباب حمد لله فرحت قالي شوفي. يابنت الناس لك اكثر من خمس ساعات والطلق مو حق ولاده احتمال كبير تطولين روحي بيتك ونامي وريحي اذا جاك مويه او زاد ارجعي بس الاكيد مو اليوم ولادتك قلت اطلع وانا بذي الحاله قال لو فيه طلق حقيقي. كان خليناك بس كل ذا من الي شربتيه لاخول ولاقوة الا بلله علقوها بزعفران جاني تهزي من زوجي طبعا وحاولت ابقى بدون فايده طلعت بعد العشاء وحالي في زيادده
والله العظيم ياست قلت ربي يعاقبني على شي مدري اش هوه طول ماكنت بلمستشفى كنت اصلي على وضعي لاني ما اقدر اتحرك من قوة الالم لكن استغفر الله ماكنت ادري اش صليت واش قريت من كثر الالم
رجعت البيت توضيت اصلي العشاء امي فديت ارجولها حست دقت عليه اعطيت زوجي الجوال قالت له بشر كانها حاسه قالها الوضع والي صار بتفصيل ورجع يقول بنتك والانتر نت بيوديها بدهيه وهيه سبب نفسها انا طبعا ولا كلمه امي تعرف حركات المستشفيات يوم الجمعه تقول يحبو يتخلصو من الناس عشان يخففون لان فعلا كشك الولاده كان اكثر من ١٠ غرف مليانه لكن كنت ادعي لي ولهم ساعات اسمع صيحات اطفالهم ماشاء الله
جات امي حبيبتي الا والا تجي تشوف وضعي انا قسم بلله خالي يسوء اكثر واكثر قلت طالما مو طلق ذا الموت وجالس يقطع فيه حبه حبه والله وقت الطلقه اقوم واجلس وانسدح وارجع اجلس ياربي رحمتك شي مو طبيعي مالي ولا ربع ساعه من وصلت البيت
قسم بلله بس شافتني وسمعت صياحي من تحت قبل لاتوصل وتطلع تحبي ياعمري عليها هيه واخويه زوجي سلم امره وانا بعد سلمت امري كله لله فكرت ياربي اذا مره بطلب عمليه ان موت حمد لله وان ولاده خمد لله
رجعت قلت لايكون يارباب كلاك تتقطع اعوذ بلله دخلوني بحيره وشك حسبي الله عليهم
نزلتني امي واخويه على السريع وزوجي قال ياعمه ماراح يدخلونها قالت انا بتفاهم معاهم هذي ولاده يا بنتك بتموت يابنتي يبغون يتخلصون منها يخففون والله شافوني على طول دخلوني اول ماشافتني السعوديه قالت اش جابك زاد الطلق ؟؟؟؟؟؟
اصلا وضعي كان مايحتاج له سوال
مامداني انزل من العربيه حسبي الله عليهم الا دفعات مويه تنزل عليه
دخلت الحمام الله يكرمكم وامي تقول كنت بسوي شي وخفت عليك وسكتت وانا ما ابغاها تتكلم اهم شي ربي يفكلي بسلامه
طلعت السرير وانا طلق مو طبيعي نار جاني الدكتور يكشف قالت له حسيت دفعات مويه عصب وكشف بسرعه سوا منظار سريع ومو مصدق الي طلعناها قبل شويه. رجع يسال اختي افرزات دم قلت مدري بس شي دافي خفت يكون بول اكرمكم الله
رجع يسال سو المنظار ودخل شي زي المسحه اذا مويه الجنين يعطيه لون معين ولقي فعلا انه مويه الجنين سوا المنظار قال كيس الجنين انشق يعني ؟؟؟
قالت امي كيس المويه مارد رجع خاف والله مدري ليش خاف ورجع يتكلم مع دكتوره سعوديه متدربه معاه وانا هنا خلاص كشف لقي الرحم ٥ سم يااااااربي لك الحمد ياربي جا الفرج كنت اقول وقت ما اقدر لاحول ولاقوة الا بلله ياربي لين رحمي وسهلي وكنت ادعي يامسهل الشديد وملين الحديد لين رحمي وسهل ولادتي طلقي نار اعطوني مره ثاني مسكن عضل
وهنا بدا الطلق الي يدفع الجنين وبدات السستر تهي الغرفه للولاده وهوه فك كيس المويه كله تقريبا وقال ساعتين ان شاء الله اجيك
مرت ساعه والدفع اقوى واقوي نادت الدكتور وبديت ادفع وهوه يشجعني لين شرفت حبيبت قلبي دفعت يمكن ٣ اربع دفاع طلع نصها ماما وقت ما هديت قالت بنتك طلع نصه لاتخلين الصياح يرفع الطلقه كتمتها وانا مهدوده هد ورفع رجلي مررررره وخلى وضعي زي القرفصاء واكثر وحوضي نازل ورجلي رافعه ودفعت اخر دفعه وطلعت خمد لله كلهاااااااا ياربي لك الحمد ولك الشكر على الفرج حطوها على صدري البنت مسوده مابكيت وانا امسكها ياربي ماني مصدقه ياربي لك الحمد اخذتها السستر عشان تبكي وخيطوني لان اخر دفعه شققتني ووضعي بذيك الطريقه ساعد انه اتشقق لكن حمد لله
خلصت ولاده وبعد ماطلعت المشيمه اشوف الدكتوره تخيط يمين وخلصت رجعت يسار تخيط بعد ماقصت الخيط بغيت اقول لهم تجميلي لكن الدكتور معاها استحيت والله قلت اهم شي ربي سلمني وسلمها هذا يكفيني والحمد لله