💞👧👦👶التباشي ر الرابع🌸 لمواليد نوفمبر وديسمبر 2016 💞👧👶👦

هدوء ربي ييسر لك امرك ويااارب اذا لك خيره ف الطبيعي ان الجنين يلف ويرزقك ولاده سهله ميسره..استودعناك الله

هههههههههههه نزل مطر بعده وذوبه

رنين وبسمه الحمد الله ع سلامتكم ومبروك ماجاك

الله يبارك فيكم يالغاليات
الاكشن طبعا قمت يوم الاثنين الفجر وفي مغص خفيف رحت اتوضا ولقيت دم هنا طار عقلي اول مره تصير معي في عيالي خفت ان الجنين فيه شي
قلت لزوجي ودا العيال المدرسه وتعال نروح
رحت المستشفى وطلع طلق خفيف ومفتوح 2سم ماتغير
وطلعوني الكشك بس قسم التنويم والطلق يزيد ويزيد بهذلني قلت خلاص شكله وصل 4من الالم تجي تشوف تقول 2سم وجلس الطلق والالم لين العصر ولافتح وعذبوني بالكشف بعضهم اياديهم تجيب المرض وبعضهم والله ولا احسها
بعدالعصر اختفى الطلق عاد هنا طفشت لاطلق ولا فتح شكلي قلت بااطلع البيت قلت لدكتوره اطلع قالت لا


جلست لين المغرب ودقيت على زوجي قلت له جيب لي خروع وعصير برتقال وانا بااقابلك اخذها لان ممنوع في القسم الزياره او المرافقه
وجابه على العشا وخلطت مع العصير الصغير ربع العلبه واشربها وسلفتي ارسلت لي زعتر ويانسون واشرب وامشي في السيب وقريت ايات الولاده في مويه صحه واشرب وامسح على بطني
واستغفر واصلي على محمد وكل ماسمعت واحده تصيح ادعي لها بالخلاص واقول الملائكه بتقول لك بالمثل
وبدا الطلق يرجع على الساعه 10ونص خفيف ورجع شد وطبعا مع اسهال الله يكرمكم
وزاد الساعه 11ماعاد قدرت اتحمل واستغفر واصلي على محمد مع كل طلقه واتنفس شمي ورده وطفي شمعه واحسب كل 5دقايق انادي الممرضه ابغى مسكن راحت جابت ابره في العضل ولا كانه سوت شي
مع اني دايخه وفيني النوم بس الطلقه تصحيني
وعلى الساعه واحده الاربع اناديها اقول تعالي قيسي الطلقه بينهم يمكن دقيقتين شافت قالت 5سم خلاص قومي غرفه الولاده ورحت وانا دايخه مااقدرامشي طبعا ارهاق اسهال ونوم وطلق
ورحت وحطت التخطيط والالم يزيد واقول لها اعطيني كمامه او مسكن قالت اعطيتك ولا نفع
وهي جالسه جنبي وتكتب وجلست شويه وناديتها قلت تعالي فكي المويه انا بعد المويه اولد على طول قالت خليك شويه تبغى يوصل 7او8 وشفت دكتوره سعوديه عسل ربي يسعدها ناديتها وقلت خليها تفتح المويه لانها اذا3 فكت المويه بااولد كلمتها قالت تقول شويه وتفتحها وشويه احس بضغط ودف وقلت خليني شويه ادف وبعدين اناديهم والا الكيس ينفقع وبديت ادف واناديهم اقول بيبي طلع ويجرون 3ممرضات و3دكتورتات تجي تقيس تقول 9يله والممرضه حايسه لالبست قفاز ولا ابسها الازرق ولافكت السرير وتصيح وتجري هي والثانيات يفكون السرير وهي تلبس وترفع رجولي وخلاص بدا الراس يطلع وهي تساعدني بيدها وتقول يله دفي ودفيت 4مرات وطلعت بنتي بس المشيمه طولت وجلست عشر دقايق
تحاول فيها لين ماطلعت وكنت خايفه انها قصت او شقتني واستنى متى تجي تخيط خايفه ماعندي استعداد اتحمل الم زياده والحمدلله نظفت وحطت الفوطه ودفتني بالبطانيه ارتحت عرفت مافي خياط
وجلست ساعتين مرتاحه بعدين غيرت لي وودتني التنويم وباقيني لين اللحين في المستشفى قالو بكره يكتبون لي خروج وهالكني النوم تعرفون الممرضات مايخلون احد ينام كل شويه داخلين خارجين
.......
الحمدلله انا تعبت لين وصل 5وخلاص تسهلت والممرضه على بالها باقي مطوله انا بالعاده اذابدا الطلق يفتح الرحم على طول بس هذي المره طولت مره عيالي 3ساعات واولد من يوم ادخل المستشفى
هذي يوم كامل بس بعد مافتح 5ساعه وولدت الحمدلله
واكتشفت انهم اللي تصيح وتصارخ يعطونها وجه مع ان العنايه والاهتمام مايقصرون ابدا بس اللي تصيح يعطونها مسكنات واشياء عشان تسكت وانا عشان مااصارخ ماهم معطيني وجه واحده تصارخ بصوت مفجع كل شويه معطينها مسكن مع ان جهاز التخظيط طلقها يوصل 30و40 وانا جهاز يوصل لين 80
بس مافي زي الدعاء كنت ادعي واستغفر واصلي على محمد ولانسيت الصدقه كان عندي كم ريال واعطيت العاملات بنيه ان رحمي يفك
......
على فكره من شده الطلق ناديت الممرضه وقلت لها ابغى عمليه خلاص بس مااعطتني وجه 😁


الورد بنتي ماتدخل على شريكه ياهي يابنت رباب يختار والا خلاص انا ولد حلم لاننا اصلا جيران ونفس العادات
ماشاءالله الورد ساكنه في طريف 😜
ارسلي لنا شويه ثلج

بنات بطني فيه صوت مره مسموع رعد وبرق والله تسمعينه وانت بعيده مدري وش هو دخلني هوا والا ايش مع اني كنت لابسه شراب وقت الولاده وبعدالولاده سروال طويل وشراب وطرحه مدري كيف ابعد الصوت والله مستحيه حتى من اللي جالسه جنبي