شاركي في النقاش

سجلي الدخول لإضافة تعليق.

التعليقات

150
  1. @rain_dance

    آآآه

    " لا إله إلا أنت سبحانك إني كنت من الظالمين"
    "ربي لا تذرني فردا وأنت خير الوارثين" : رب هب لي من الصالحين"

    الموقف جدا متشابهه وخاصة في الجمعات.. انا دوم أكون مع عيال اخت زوجي العب معهم.. وزوجي يموووووووووووت فيهم.. يحب الاطفال موت قبل لا ينام لازم يشوفهم! تخيلوا ماشاء الله. وانا احبهم بس مب لهالدرجة.. ودايم ألعب معهم.. اول ايام زواجي يشوفونه عادي بس الحين بعد ما مر سنتين تقريبا يناظروني بنظرة شفقة من حالي :( وخاصة الحريم الكبار قدام العالم بعد ما اسلم عليهم هاه حملتي؟ اقولهم الله كريم.. وراي دراسة بعدنا ما قررنا :( وانا في خاطري احمل اليوم قبل بكرة...

    ومرة انا واخت زوجي رحنا عند وحدة وبعد ما طلعنا من عندها قالت شوفي هالحرمة متزوجة من 15 سنة تقريبا وماتجيب عيال "كأنها معايرة"! والله زين ماشاء الله عليها زوجها متزوج عليها المفروض يتزوج.. الوحدة اذا تأخرت في الحمل لازم زوجها يتزوج عليها شو فيها! من حقه!! تخيلوا ياعالم.. والله اني بغيت اصيح سكتت والعبرة خانقتني لين ما وصلت البيت..

    أهم شي زوجج يكون واقف معاج عالأقل العالم كله ضدج ويتكلم عنج تبين تطلعين اللي في خاطرج ..

    الله كريم.. المواقف كثيرة من كثرها يمكن احسها صارت عادية متعودة.. والله ولا أحب أطلع زيارات عند اهل زوجي ماشاء الله خواته عيالهم ورا بعض واللي تزوجوا بعدي حملوا مرتني :(

    بس الحمدلله انا جدا مقتنعة ومؤمنة بقضاء الله وقدره.. والخيرة فيما أختاره الله :)

    والله يبلغنا الحمل في رمضان أن شاء الله
  2. @rain_dance

    وزوجي حتى بعد يشكيلي الله يخليه.. يقول قبل كم من يوم واحد متصل فيه يسولف وبعدين يقوله هاه حرمتك ربت ولا بعدها!!! يتحسبني حامل وزوجي كمل عليه قلا بعدها ما ربت !! هو ما كذب بس كان محرج له..

    ويوم كنا مسافرين واحد من الأهل يقوله وين ولدك ابغي اشوفه.. وزوجي يقوله عند امه هههه وتم زوجي يغير السالفة وهو إلا يبغي يشوف ولدي " ان شاء الله قريبا" وزوجي يقول لا يتمصخر
    وإلا هذا الشخص يسأل ابوي يقوله وين ولد فلان"زوجي" يقوله ما عندهم عيال! ..:( تخيلوا الموقفوالله محرج لزوجي

    بس الحمدلله يوم تفكرون خواتي الله انعم علينا ولله الحمد بأشياء ثانية وايد ناس اللي عندهم عيال يتمنونها :)
  3. @ordy_1

    3 مواقف طاااااااااااازه لسا صايرتلي يوم الخميس

    1- كنت جالسه في عزيمه وتقوم تسالني وحده من البنات ها ماودك بعيال ؟؟ رديت عليها لا باقي للحين
    2- سالتني وحده ثانيه ,هو انتي الي تاخذين مانع ولا من الله ماحملتي؟ قلتلها الله ماكتبلي للحين, وترجع تسال يعني من الله ماحملتي ؟ وارجع اقول ايه الله ماراد
    3- هاذي هي الي قهرتني صدق
    هاذي وحده من الحريم قالتلي
    بقولك شي بس لاتزعلين
    قلتلها تفضلي
    قالت بصراحه انتي اخوانك ماجابو عيال وانتي اختهم

    وسكتت

    تخيلو

    ولا اي تعليق ثاني

    يعني ايش؟؟؟

    يعني قصدها لاتتعبين نفسك ولا تفكرين بالحمل اخوانك عقيم وانتي مثلهم

    يارببببببببببببببببببببببببي

    وش اسوي فيهم ذولا

    الله يعيني عليهم

تابعي تجارب أخرى من هذا القسم.