اختفت الجاره الي تصفق وتدخل البيت ومعها حلاو 💔كانت سعاده بدت تختفي عباية الراس الي حتى قماشه كان واحد اختفت الرسايل الورقية بين الصديقات 💔 اختفت اكلة الجيران لما يرن الجرس وتكون حافظه فيها اكلة شعبيه واحنى ما سوينا غداء اختفى الأمان لما كانت البنت تروح البقاله تأخذ اغراض للبيت عادي وواثقين انه مو جايها شي ان شاءالله اختفت جلسة العصر مع الجيران والضحى اختفت مساعدات الجيران للجار الي عنده ضيوف وعشاء حتى الجار كان يسلم على زوجة جاره والأمور عادي والنفس راضيه اختفت جلسة الشيبان في الحارات بالشمس الضحى وبعد العصر اختفى ركض الاطفال خلف سيارة الفليت حتى السيارة بدت تختفي💔 زمان لما يتاخر احد عن الصلاة مرتين ثلاث يجونهم المصلين والامام يسألون عنه وليش تاخر اختفى طعم الجبنه اللذيذ ... كان كل شخص له حبة جبن مثلث الان كثرت النعم ماعاد نحس بطعم ولذه مثل اول اختفت الألوان السائلة وسعادتنا اذا وصلنا رابع نبدى نستخدمها آه على ذيك الأيام سقى الله الأرواح الطيبه والنفوس النظيفه....
يازين ذكريات زمان،،فعلا اشيتء كثيره اختفت لكن فرحه العيد ماراح تختفي ان شاء الله،امشوا على سنه رسولنا واحيوها،،والحمدلله حتى في زمنا هذا فيه ناس طيبين ووفياء. وانتن اكبر دليل على كلامي.