💥💫تجمعنا السااادس💫💥 مواليد مايو🌼يونيو 2017

انا عادة ابدا اجهز من نص الشهر السابع او ع الثامن منها متاكده من جنس البيبي ومنها اتعود على المشي من بدري لان الدكتور يقولي انتو يالحوامل تتسدحو طوووول شهور الحمل وتجو تمشو الشهر التاسع وتقولو المشي مايسهل الولاده طيب امشو من بدري وانا صرت امشي من السابع اسمع الكلام😅😅
وقالي احنا عندنا في مصر الفلاحات ولادتهم اسهل من ولادات حريم المدن لان الفلاحه تشتغل في الارض من الصباح لليل وهي حامل وطول فترة حملها وهي تشتغل وبعضهم تولد وهي تزوع الارض وتتسهل مره ماتطول لانه جسمها تعود على المجهود ومتحمل

ماشاءالله تبارك الله انا من الحماس ادور تمارين يوقا او اي تمرين خفيف من الحماس مستعجله بس شفت الغالبيه يبدون بالسابع وفعلا الي متعوده عالحركه والشغل تفرق عن الي ماتتحرك كثير لان الجسم والعضلات تكون اقوى وماتتعب

اللي تجيها الغده الدرقيه قبل الحمل
تاخذ علاج وتسوي تحليل كل شهرين او 3شهور لان نسبة الهرمون تتغير
وبالحمل لازم تاخذينه عشان لو ماخذتيه يسبب اجهاضات ومشاكل
لكن هل تروح بعد الحمل العلم عند الله لكن اتوقع لا

ماشاء الله بارك الله
مبرووك التجمع الله يجعله منزل مبارك علينا وفاتحته خير وفال طيب وعافية
والله الصداع مره مرهق احسه على الاذن والرقبة والعين
والحمدلله رب العالمين


اللي تمتحن ياحياتي الله يهون عليك ويتمم لك يمكن خايفه تجيب الاغراض ويتهمونها بالغش يخوفون المراقبات بالذات في الاساليب الجديدة صايرين يشددون
واذا استمر الالم اطلعي للطوارئ


بالنسبة لبناتي علمتهم وكل يوم مطلعين لي اسم بالذات الصغيرة
يوم يارا ويوم مايا ويوم ميار ويالله هاتك من الاسماء ههههههههههههههههه
ولسا ما قضيت شي بنتظر ان شاء الله الين يجي الشهر السابع الله يصبرني احس اني متحمسة بس اقول بنتظر احسن
بنات وش اول اسبوع اذا ولدت فيه الحامل ما يحتاج لحضانة ؟ يعني أي اسبوع يكون خلاص ماعليه أي خطورة ؟ الله يرزقني الولادة فيه


اشترت لي اختي اليوم كواية كبس ولسا ما وصلتني ولا شفتها بس الله يخليها لي تقول خل تريحك شوي
وبيتي ايجار والمطبخ اصلا راكب ومافيه مكان والا امي تلمح تبغى تشتري لي غسالة صحون ياحبي لها
بس قلت في بيت الملك بعفوه وعافيته
من اللي جربت الكوايه الكبس ؟ مره شايله همها ناس يقولون خزنوها ما استخدموها وناس مستفيدين منها ابغى تجاربكم
وعادي تنحط على الارض ؟ لان صعبة الوقوف لي هذي الفترة لو اوقف خمس دقايق اتعب وينزل البيبي تحت


بالنسبة للبطن احس اكبر من بطني في بكري واصغر من بطني في بنتي الثانية " كانوا يحسبوني حامل بتوأم من كبر البطن "
وواضح اللحين الحمدلله
اذا انسدحت على ظهر راح واذا وقفت وضح
وزني ما قسته بس للحين بناطيلي قبل الحمل اقدر البسها بس طبعا ما اسكرها فوق البطن اسكرها تحت مره هههههههههه يعني ما احس اني سمنت الحمدلله
بس ترى وجباتي قليلة ونفسيتي شوي تعبانه لظروف معينة


بنات اللي عندها بناتي مثلي وتنتظر بنت
قد سمعت بالدكتور عماد عبد العظيم ؟
يقولون يعطي تركيبة او علاج تساعد على الحمل بولد ؟
عمر زوجي كبير مقرب على التقاعد وانا بعد منيب صغيرة لاني تزوجت كبيرة وما حملت مباشرة
وصراحة ما اتوقع اني بحمل اكثر من مره او مرتين في الخمس سنوات الجاية بعدين بوقف خلاص من غير شر اذا ربي كتب لي يارب وكل من يتمنى


وقد سوى اكثر من تحليل وعنده بطء حركة ولزوجة ويقولون اللي عنده كذا يكون احتمالية الحمل بالبنت اكبر
فما ادري هذا الطبيب يعطي بس الزوجة العلاج او حتى الزوج ؟


الانابيب ما اقدر اقترحه زوجي ضده تماما وعقليته سلبيه من ناحيته فهو حل غير وارد لاني قد كلمته عنه لما كنا متأخرين وبعد ضغط كبير مني جربناه وفشل ومره عصب وقفل السالفة وقال لاعاد تفتحينها اصلا مدري كيف طاوعتك

بخور وعطور
ماعمري سمعت بعلاج لإنجاب الذكر غير تحديد الجنس في الأنابيب
بس قرأت كثير عن حميه تمشي عليها قبل الحمل لأنجاب الذكر
والله اعلم
ربي يحفظ لك بناتك يارب العالمين
💛💚💛💚💛💚💛💚💛💚💛