خطيـبي اللي تـركنـي بعد خطبة 4 سنوات كان يخوني!!!

السـلام عليكم ورحمة الله وبركاتة.
أسعـد الله صبـاحكم بـكل خير بنـات!
شـلونكم؟بخيـر أن شاء الله..
طيـب صـلوا على النبـي..سبـق ونـزلت مـوضوع عـن خطيبـي اللي تـركنـي بـعد خـطوبة "4" سنـوات.. يـ الله يابنات(:"💔.
وهذا مـوضوعي للي ماشافته! طبعاً بعضهم! قالوا السبب أني ناشبه بحلقه ليـل ونهار! والله والله والله أن هو يبغى كذا وهو كان يقـولي !
ابيك معي طول اليوم! حتى اذا طلعت برا البيت! يقـولي بسرعه لاتطولين علي! ومرة نمت الصبح! لما صحيت معصب يقـولي ليه تركتيني وليه نمتي! يعني هالشيء هو اللي طالبه ولا انا والله ثقيله😢! المهم يابنات أحـس صدمتي زادت(:" لاحول ولاقوة
الا بالله! طـلع خطيبي خايني مـع وحدة أسمها مـلاك !!!!
سبـق وقلت أن كاتب حالة الواتس "الحمـدلله على نعمة مـلاك"
انا كل يوم كنت أصـلي الوتر وبكل صلواتي أدعي ربـي!
يـارب بين لي الحقيقة يـارب انا تعبت انا تعبانه يـارب!
يـارب "فُـلان" قالي انا ببقى معك للأخير وماخليك!
يـارب هو تـركنـي وكذب علـيّ وخلاني!! دخلت الانستقرام كتبت اسمه واسم ابوه ولقبه ! طلع لي! حسابه!!! ولقيت مسوي فولو لـ مـلاك هذي! قلت حـرام يمكن أظلمه! دخـلت حساب مـلاك مسويه لـه فولو برضو!
وحاطين لبعض لايكات وكل شيء! احس نفسيتي تعبت!!
أكثر واكثر واكثر! كان يقـولي احبك وهو يكذب؟ ليه خطبني طيب ليه علقني فيه؟ اكتب لكم وانا ابكي ! قسم بالله مصدومه!! والله يابنات م اكذب عليكم مره ! كنت أكلمه وفجأه قعـدت ابكي قالي شفيك؟ قلت
خايفة احد يفرقنا او نفترق! والله يابنات قال كلام طويللللل كله ماخليك وانا معك وجنبك ونتزوج! ونسوي كل شيء حلو! مصدومه والله!
يـارب بحق يومك الفضيل اذا كان هو وملاك بحالة
حُـب وانا كنت بغفلة عن هالشيء يـارب يـارب يـارب
ان هالملاك تخونه! وتخلي ضميره وقلبه يأنبونه علي!
وتحسسه بالذنب اللي سواه فيني! خطبني وعلقني
فيه وقال كلام ووعدني وتركني وراح! امانه طبطبوا
علي انصدمت اكثر انا يابنات،معورني قـلبي على اللي كنت اسويه !!!! والله اني طيبه😞💔💔!!!

61 تعليق 12,490 مشاهدة

شاركي في النقاش

سجلي الدخول لإضافة تعليق.

التعليقات

54
  1. @hdoaa_79

    صاحبة الموضوع
    أعودكم يابنات أني اترك الاغاني!
    اوعدكم اني أتقرب من الله اكثر واكثر!
    اوعدكم اني راح اصير قويه واتغلب على
    هذي الصدمه اوعدكم،يـارب انت وحدك تعلم.
  2. @hdoaa_79

    صاحبة الموضوع
    صـح انصدمت قبل شوي! بس الحمـدلله
    عرفت حكمت ربـي وان عسى ان تكرهوا
    شيئاً وهو خير لكم الحمـدلله 😢
  3. @kth_naaamh

    خليه يولي شو تبين من واحد خاين ؟لو تزوجته كنت بتتعذبين معاه واللي يبيعك بيعيه بتراب نعالك ويجي يوم بيتذكر اللي سواه فيك . مع الوقت بتنسيه وان شاء الله ربنا بيعوضك باحسن منه
  4. @nyna_alghamdy

    يابعد عععيني انتي 😔💔.


    اخخ يارببب وش هالاجيال الحمدلله ع كل حال ادعي الله يختارلك الخير ويعوضك ب انسان يعرفف قيمه الحب وادعي دايم ان ربي يصرفه من قلبك وعقلك


    ي حبيبتي والله حاسه فيك بس الله يرحم الحال ويصلحنا وتراا والله والله مالك الا رب الكون كل الناس تخدع وكل الناس تروح محد باقي غير وجهه الكريم نصيحه صلاتتتتك ودعائك قد ما تقدري ابعدي عن الاغاني قال تعالى { ان الصلاة تنهى عن الفحشاء والمنكر } وفي ايه ثانيه ناسيتها بس اذكرهاا ان شاءالله برسلها هنا.




    الله يسعدك سعاده الدارين ياقلبي ويوفقك.
  5. @mhtarh900

    اصحي لنفسك تركك قولي وكلت امري لله والله يعوضني


    جالسه تدعين ان الله يكشفه وان الله يبين الحقيقه خلااااص انسيه وعيشي


    ماالومك صعب لكن شوفي حالتك شلون وهو تلقينه عايش بالطول والعرض ماجاب خبرك


    كل كلامك ليش وليش وانا احبه قولي خيره وعيشي حياتك


    تركك جعله مايرجع الحمدالله الله ماكاتبلك نصيب لحكمه هو اعلم فيها وزين تركك الحين مو بعد زواج كان صارت حالتك اسوا من كذا
    ولا توعدين انك بتتقربين لله وانك وانك خلي علاقتك بربك بينك وبينه وخلي دعائك لك بان الله يعوضك ويفرحك باللي احسن منه قريب


    مو تقولين ادعي يكشفلي الحقيقه و و و


    وطيب وعرفتي وش استفدتي تغير بموضوعك شي انقهرتي وبس وتدعين عليهم
    .خلاص حطلك نهايه معه حطي نهايتك معه

تابعي تجارب أخرى من هذا القسم.