تجمع نفوسات نوفمبر و ديسمبر

حلم يارب ينفعك يا قلبي واهم شي كيجل استمري عليها وبتلقين نتيجه ان شاء الله

منوره شامخه فاقدك يا قلبي

الله يشفي بنوتتك يارب وولدي

بما انها بسم الله عليها ترضع طبيعي غيري لها الحليب لحليب يشد البطن زي سيميلاك او اس 26 عشان يزيد وزنها ويخف الاسهال

اما المغص الله يعينهم حبايبي يقطعون قلبي هالاطفال مع المغص والالم
ولدي اعطيه يانسون كل ما صار عنده مغص واحسه يرتاح شوي ويصير يطلع الغازات احسن من شاي الاطفال بس كنت اشك ان الم المغص من الامساك

يا عيوووني يا تووووته منووووووره وش هالغيبه انا توي كملت شهر وجاتني الدوره بطلع منها ع نهايه الاربعين هههههه ونفس وضعك ما سويت شي بروح الاربعا اعدل نفسي لاني بروح بيتي خلاص هههههه

اما الرياضه زعلت من جسمي مره وسويت رياضه وجيت اشكي للبنات من الم العمليه الله يستر منها بس عجبني التمرين الياباني شكله سهل وما يضر بس مخده تحت بطني واجلس بدون ما اتحرك ؟؟؟
و ربطت بطني بس ما استمريت وجعني مره مكان العمليه وصرت بس ساعه او ساعتين في اليوم وافكه

وام الغزلان اختفت الله يحفظها عسى المانع خير يارب

وانتي اخبارك واخبار نونتك ان شاء الله بخير

يااااعمري يا رباب الله يعينك ويووفق ولدك يا قلبي

والله كانك تسولفين عن ولدي حشيم الاخ يحب الستر كله الا الحفاااااااضه يصحي البيت كله اذا جيت اغير له صياح وفضايح هههههههه الله يحفظهم ويديم عليهم الادب والحشمه

واهتمي باكلك تكفين اهم شي سوي لك يانسون وقشر واشرربي حار انا شريت لي يانسون و شمر مخلوطين مع بعض وفي اكياس شاي من العطار وكل يوم اشرب منهم زي الشاي بالضبط انقعهم في مويه واشرب من الكوب والقشر اغليه مع قرفه واتقهوى عليه والاكل عادي اكل من اللي قدامي بس اهم شي مع القهوه كلي تمر وجربي الحبوب الي تدر الحليب من الصيدليه الدكتوره غاده تمدحها مره

ياقلبي الله يحفظ لك ولدك يارب
خلاص انا قربت اطلع من النفاس الحمدلله بس نومي ملخبط ومدلعه الحين عند امي اعطيها ولدي وانام وبعد كم يوم بروح بيتي مدري وش اسوي لازم انظم نفسي مع ولدي عشان ما اتعب الله يصلحه نوومه مقطع كل ساعتين صاحيين نفسي انام بس ثلاث ساعات متواصله بس شكله مافي امل الله يحفظهم ويصلحهم يارب