هل هذا السبب كافي للطلاق...ارجوكم ادخلو

لاتستهينين لالطلاق
انا معك ان الفلوس لها دور لكن مو لدرجة تتطلقيين


ماقلتي يضرب يهين يشتم مدمن راعي حريم


شوفي ايجابياته قبل سلبياته


عايشه ببيتك معززه مكرمه منتي منحده لاحد لو تتطلقين والله محد يناظر فيك وبعيالك وتشحذين من الجمعيه ولا هالراتب اللي من الدوله اللي بيذلونك عل ماتاخذينه


عيالك نايمين ضامنين لقمتهم منحديتي تطلبين من احد ولا تشيلين هم لقمتهم


زوجك داخل طالع عليك ضامنه انه سندك وموجود بالبيت لو احتجتي لشي ولا قدر الله صار شي بيسنع امورك


يختي عيشي عل الموجود والمتوفر مع زوجك واكرميه وعزيه والفلوس مسيرها تجي


تقاعد الله يخليه لعياله المهم راتبه يمشي وحسه ببيتك وبين عيالك


لا تقولين طلاق شوفي وضع المطلقات والارامل مع فلوس الدوله لاتخلين عيالك ينحدون بيوم من الايام

احذفي السناب ولاتقارنين نفسك بغيرك ماخربنا الا المشاهير

شوفي محلات المولات كلهم حريم كبار غيزي جو ويجيك 5 الاف بالساهل صح بتقلدطلعاتك بس يكفي يدك فيها فلوس وتدلعين نفسك

ا حمدي الله يا اختي الكريمه
انتي لم تشتكي من حاجه وضيق في المعيشه انت تنشيد الكماليات وهذا من حقك
المظهر والسفر تعطي انطباع جيد وتغير وكسر للروتين
لكن 8000 مع ايجار ربما او دفع اقساط تعتبر دخل جيد لكن في حددود الضروريات
ما اقترحه عليك هو التفاهم على مبلغ من 300-500 شهريا يتم دفعه لك
وتستطعين جمعه الى نهاية العام وقضاء سفره داخليه بسيطه برفقة
الراتب الشهري
ثم اعتادي على قضاء مستلزماتك الخاصه فيما بعد منه
وبعتبر نفسي ماسمعت سالفة التفكير بالطلاق .........

حبيبتي الطلاق ابد مو حل وبتصيرين بضيقه ماليه اكبر واكبر وتري لا تفكرين الشيخ بيحكم لعيالك لكل واحد ب500 لو 1000 والله صديقتي تطلقت وحكم لها الشيخ 200 ريال للواحد وش تكفي بهالزمن هذا غير الدوله بتعطيك 700 او 800 ريال فقط لا غير وش بتسوي وعيشتك سواء عند اهلك او بايجار بتهلكك فاجلسي عند زوجك افضل بس سالفه راتبه 8000 ريال ومايضل منها شي ماتتصدق شكل زوجك بخيل ومخبي عنك فلوس الأفضل تجلسين معاه وتسوي معاه ميزانيه وتساليه وين تودي الفلوس وكذا عشان تطمنين انه فعلا ماعنده مو مخبي عليك ولو طلع بخيل ومقصر ذيك الحزه هدديه بطلب الطلاق او ازعلي عليه ودخلي اهلك اما سالفه 8000 مايبقي منها شي صعبه كثير