&تجمع العمل بالاسباب لانجاب البنوتات العسولات بقدرة الله عزوجل &

هلا بأمهات البنوتات من زمااان عنكم .. أنا صارلي ٨ شهور من أجهضت ولدي ولازلت شايله فكرت الحمل من راسي على الرغم من إن زوجي وأمي الله يحفظهم ودهم أحمل .. الصغير بعد ثلاث شهور يكمل ثلاث سنوات ربي يصلحه ويحفظه وأنا لازلت مصره على إني أبيه يكمل اربع سنوات بعدين أفكر .. الأولاد تربيتهم يبيلها صبر وطولة بال الله يهديهم ويصلحهم هبلوا فيني الله يعطيهم العافيه وإن شاء الله ربي يرزقني بعدهم توأم بنات .. فديت البنات والوردي أنا .. فديت النتفه اللي يالله تعرف تمشي ولابستلي حلق وأساور وفستان تحته بامبرز 😂🌺🎀💞 الله يرزقنا يابنات ولا يحرمنا

كم عليك أولاد الله يخليهم لك والله يوزقك ويرزقني ويرزق بنات هذا التجمع بالبنات الصالحات التقيات النقيات

يرزقك

اه نفس تفكيري أحيانا أقول بأولد من هنا وأخلي ولدي لين يكمل سنه وأحمل على طول بس أفكر في التربيه وأففكر في التعب وأفكر يمكن بعد يجي ولد ويكبرون الاثنين مع بعض ويطلعون عيوني وربي وربي أني بس أفكر فيها في كل النواحي بس في النهايه أقتنعت أخلي لين يكمل جننيني ٣ سنوات وأرجع صحتي وعافيتي وأعلمه الحمام وأفطمه من الرضاعه بعدها أفكر في الحمل والله يرزقني بالبنات يارب يارب الله يرزقني ببنتين وراء بعض وبعدها أرتاح خلاص ماعاد راح أفكر في الحمل وعندي أمل كبير كبير كبير أن حملي الثالث والرابع بنات

سبحان الله يابنات انا أقول في نفسي أحس كل كلام الحميه وتوقيت الجماع والاكل أحس كلها مالها دخل الرزاق هو الله لأن يابنات انا حملت ٣ مرات وكل حملاتي تختلف تماماً لا في توقيت جماع ولا تبويض ولا حتى في الاكل وطلعو كلهم أولاد وفيه بعد من تعالجت وفيه من جاء فوق العزل وسبحان الله كلهم نفس الجنس هل تأيدوني ذا المنطق ولا لا
بس الي أملني أختي تضحك علي قبل أحمل حملي هذا تقول بسرعه أحملي وجيبي فلان تقصد أخوي لأن أخوي هذا ثالث واحد جابته أمي بعده جابت بنتين فتقول عشان تجيبين فلانه وفلانه الي هي وأختي الثانيه
وسبحان الله حملت وطلع ولد قلت يمكن يطلع كلامها فيه شي من المنطق وأولاً وأخيراً هذا قدر ربي وكتبته