وربي تعبانه موووت فيه واحد يبتزني بصوري

وش فشلة

كلامها صح مية ميه خسيس فعلاً وصاحبة الموضوع ماتنوصف نفس وصفه طبعا خسيس لأنه دخل مهنة المستشار وهي مهنة تعتبر كبيرة واتوقع لو درسها جامعة او اي دراسه يكون عارف قد ايش هي حساسة ذي المهنه ولها بنود ومواثيق لازم يمشي عليها اولها السريه التامه ثانيا يلتزم في انه مايعلق اي حرمة فيه بمعنى انه مايخرج عن كون الحاله اللي تستشريه تظل علاقتها حاااله فقط واذا شاف ان الموضوع اتطور من جهة الحاله بشطارته هو يخول المريضه على مستشار ثاني منعاً من التعلق لكن للاسف مو بس هو كثير يستخدم هذي المهنة لأغراض دنيئه عشان كذا ياليت الحريم ينتبهو ولا تفكر تدق على رجل حتى لو كان مستشار او طبيب او التواصل معه بصفه مستمره //انا مره دقيت على مستشار اسري كبير ومعروف في السعوديه ويطلع في مقابلات تلفزيونيه احيانا وله كتابات في صحف بدون ذكر اسماء :ومن ثاني اتصال لي معاه قال لي انتي ممكن تستمري معايا حتى لسنوات انا عندي حريم كثير مستمرين لسنوات معايا وكلامه غريب حسيته خارج موضوعي وعرف ايميلي مني طبعا وبدا يرسلي على الماسنجر ايام الماسنجر 😂بس الحمدلله اللهم لك الحمد انا كنت واعية على طول حذفت كل شي يخصه لان كلمة ممكن تستمري معايا هزتني وخوفتني خير اللي استمر معاك اش العلاقه عشان استمر معاك والله فجأة حسيت مشاكلي كلها قادره احلها بنفسي ولا احتاج لامستشار ولامنقار ..بدل ماكون عندي مشكله تسير اثنين !!😬

اذا لاسمح الله نشر الصور قولي لأهلك احد هكر انستقرامك ولا سنابك ونشر الصور او قولي انك تنزلين صورك عادي بالسناب وكلهم بنات ثقه وشكلها تسربت من احد ملقوف من قرايب المضافات اللي عندك ونزل الصوره في واحد من مواقع التواصل وانتشرت واذا بنفسه كلم اهلك مع اني ماتوقع يتجرأ قولي ما اعرفه هذه شكله اللي هكر الحساب ووصل لمعلوماتي وخذيها درس لكي ولا عاد تعيدينها

لا اله الا الله محمد رسول الله ...لا تخافين ولاتبينين انك خايفه منه إذا السالفه فلوس عطيه فلوسه وخلاص اذا السالفه أطول من كذا استعيني بالهيئة أو أي شي ينصفك اختصاصهم هذه القضايه واسالي وين حقين الجرايم الإلكترونيه والابتزاز لاتخافين ولاتستسلمين كثري استغفار ودعاء وتوكلي على الله ماخاب من قال يارب وأحسن الظن بالله

ي بنات الشماته مو زينه الله يسترها ويرزقها باللي يعوضها هي غلطت بس ربي غفور تتوب عن ذنبها وترجع له كل شهر جزء من المبلغ واذا طلب شيء تبلغ الهيئه وصلى الله وبارك بس احذرو الشمااااااااااااته وربي ابد مو زينه تلف الدنيا وترجع تدور