السلام عليكم صلوا على خير الانبياء اللهم صل وسلم عليه
يبنات انا والله مادري وش اقول لكن ابي تنصحوني انا على وجه زواج والحمدلله المشكله انا انسانه ثقتي بنفسي مو صفر تحت الصفر اهل زوجي اقوياء واخت زوجي تسلطت علي والله يبنات مجرد اتذكر يجون عندي بلبيت يوجعني بطني من عدم ثقتي مو بس حتى الناس تكفين يبنات ابي اكون واثقه انا يوم يجون لامي ضيوف والله ماقدر اصب قهوه ولا امسك فنجال اتنافض اي حد يجرحني خلاص معاد اقدر اتنفس وابكي واشاهق ماعرف اخذ حقي والله حتى حريم اخواني يغلطون بحقي وماتجرء ارد تعبت من نفسي حتى السلام ماقدر اسلم ارتبك اخاف ماقدر احط عيني بعين احد صارحني خطيبي يقولي انتي طيبه زياده خايفه من اهله وخاصه اخته كيف اقدر اواجهها بعدين اخاف تكسرني تتسبب بمشاكل وجهوني ولكم صادق الدعوات
شاركي في النقاش
سجلي الدخول لإضافة تعليق.
التعليقات
55- انتي فيك مرض الرهاب الاجتماعي عليك بالرقيه
واخذي جلسات تنفس عميق وحطي في خيالك يعني عيشي خيالك
انك قدام الناس وتتكلمين وجريئه وواثقه في نفسك
كرريها كثير بس غيري مكانك كل مره وعليك بالدعاء والاستغفار
وربي يشفيك ويعافيك ويزيد ثقتك بنفسك وانا بعد عيوني تحتويك انتي فيك مرض الرهاب الاجتماعي عليك بالرقيه واخذي جلسات تنفس عميق وحطي في خيالك يعني عيشي خيالك انك قدام الناس وتتكلمين وجريئه وواثقه في نفسك كرريها كثير بس غيري مكانك كل مره وعليك بالدعاء والاستغفار وربي يشفيك ويعافيك ويزيد ثقتك بنفسك وان…
طيب هل اقدر اتخلص منه عسا ربي يفرج همك- اي نعم تقدرين ادعي واستغفري وسوي الجلسات
وتكلمي مع نفسك هم وش فوقك فيه هم مو احسن منك
ليه اصير ضعيفه لهم ليه اخليهم انا زيهم واحسن منهم
اخذ حقي ومحد له سلطه علي تكلمي مع نفسك كثير
وخصوصا عند النوم العقل الباطني يصدق وتقدرين تواجهينهم
عليك بالمواجهه لاتسكتين وربي يسعدك ويوفقك ويشفيك
وتصيرين مثل ماتحبين - ماناقصك شي يا أختي
- الدليل إنك تستطيعين سرد الكلام وترتيبه وايش اللي مخوفك من اخته بالذات بالعكس اذا فيها شي إيجابي اتعلمي منها واستشيريها
- اللي فهمته ان اللي يخطي عليك تخافين منه وماتاخذين حقك /كثير مثلك هذا طبع
اتوقع حتى الغرباء تخافين منهم مو بس من اللي تعرفينهم سواء حريم اخوانك او اخت زوجك
يمكن امك طيبه وانتي مكتسبه هالصفه منها
عادي لا تشيلين هم بس اضبطي افعالك اذا ما تردين عليهم حاولي تغيرينها هي اول شي لا تتنافضين
وانتبهي ترى بعدين بناتك وعيالك يصيرون مثلك لازم تتغيرين عشانهم وتحاولين تكونين قويه ومو لازم قوة باللسان اصلا مو زينه وفاكه نفسك من مشاكل بس اضبطي حركاتك استرخي واهدي وتعلمي الهدوء والابتسامه بعدييين اذا سيطرتي على افعالك ان شاء الله تردين على اللي يخطي عليك حتى لو بأدب لانه هذا يعتبر انجاز بالنسبه لك
وقوة الشخصيه من الله يخيتي لا تتضايقين مثل ما للشكل مزايا للروح وللنفس مزايا
مواضيع مشابهة
تابعي تجارب أخرى من هذا القسم.