التجمع (2) لتبآششيير يناايـر 1 وفبرايييير 2 (2017)

نجمة ..
حبيبتي الله يبارك فيك يارب
تدرين انا فقدت وعيي بعد ماشفت ولدي طلع من بطني اصلاً وغير كذا ضغطي اللي طوووول فترة حملي كان نازل ومايطلع فوق 90
وصل 130 بعد العملية من التوتر !!.




ام كحموش .. ياروحي انتِ الله يسلمك يارب
الألم بعد العملية مباشرة يحسسك إنك عاجزة ومشلولة ومابتقدرين تقومين ابدًا
هذا اللي صار معاي
بس بعد عشر ساعات من العملية قوموني من سريري للحمام لأنهم شالوا القسطرة
طبعًا كان صعب صعب
بس اليوم كملت ثلاث ايام والحين امشي احسن من كل يوم ولانسيت نصايحكم إن علاج العملية المشي وكنت اضغط على نفسي وامشي امشي وبفضل رب العالمين ظهري صار مستقيم بالمشي ولا حتى اسند ايدي بشيء ابدًا الحمدلله الحمدلله 🙏🏻🙏🏻




جعبه ونور
الف الف مبروك والحمدلله على سلامتكم وسلامة مواليدكم
💖💖👼🏻😍
جعبه بس تكونين احسن طمنينا عليك اكثر




نور انتِ ماتدرين على اي اساس قالت الممرضة الدكتورة ماخيطت كويس ؟ ماسألتيها؟
المفروض إنها تتكلم زين وتشرح لك او خلاص تسكت
عمومًا لايهمك ماتقدرين تحكمين على نفسك من الحين اهتمي بصحتك واكلك وسوي تمارين كيجل ولاتقولين اللي صار لزوجك وبس




ومبروك لكل البنات اللي ولدوا ومادريت عنهم ما امداني اشوف المشاركات والله
الله يسهل على الباقيين يارب

نووور مبررروووك ماجبتي والحمدلله على سلااامتك


شوفي ياقلبي هي قابله اللي قالت لك هالكلام ولا ممرضة؟عندي قناعه ان الممرضات افهم من الدكتورات في بعض الاشياء
انا اقول خلي احد يكشف عليك اذا فيك تتحملين اما اذا ماتقدرين خلاص ياقلبي يمكن ان امورك سليمه ومايحتاج تخويف

يارب تكون أموري تمام و الله اني مرة تضايقت تخيلوا قالت لي قبل اطلع من غرفة الولادة
أم سلطان انا لي أسبوعين في التاسع موعد ولادتي اصلا 25 أربعة يعني مقدمة أسبوعين

للبنات اللي يسألون اذا انصح بالنصفي او العام ما اقدر احكم على هالشيء لاني ماجربت غير النصفي
بس بقول لكم الدكتور وش قال لي بالنسبة لمميزات النصفي وعيوبه لما قابلني قبل العملية بكم يوم


قال بالنصفي تكوني صاحية وهالشيء يخليك تشوفين الجنين اول مايطلع من بطنك
وتتفادين دخول الأنبوب داخل حلقك بالبنج الكامل
اما عيوبة .. إحتمال كبير تشعرين بغثيان شديد وتستفرغين وقت العملية
وبعدها ممكن يمسك معاك صداع شديد يستمر من اسبوع الى عشرة ايام
واحتمال يستجيب للعلاج واحتمال لا




وانا بفضل رب العالمين ماحسيت بولا شيء من الأشياء اللي ذكرهم
فقط الرجفة الشديدة بعد البنج وهى ماقال لي عنها اصلاً
يقول زوجي ظليتي ساعتين بعد ماطلع الدكتور من غرفة العمليات
وشفت الممرضة شايله ولدنا معها
وكل شوي يقولون انك بخير ومايطلعونك لي
لين بغيت انجن وانزل عند الدكتور اقول له زوجتي تقولون لي انها بخير ليش كملت ساعتين ماطلعت واثاري كل هذا الوقت انا كنت ارجف فيه ويحاولون إنهم يفوقوني
ولين ماطلعوني للغرفة لازالت فيني اثار رجفة بس اخف
شغلوا لي الدفاية بالغرفة وزادوا درجة حرارة التكييف وانكتم المكان على كل الموجودين
امي وزوجي وبنتي واخوي مو قادرين يتنفسون من الكتمه ومتحملين وخايفييييين مره وانا ميته من البرد والرجفة وبنتي ياروحي عليها تبكي وشوي شوي هديت لما امي مسكت ايدي وصارت تقرأ علي
وفجأة قلت لهم حرر خلاص شيلوا البطانية 😂💔

أسبوعين من التاسع !! وش سبب تبرز جنينك سبحان الله !

توقعتك مطوفه لأنهم غالباً يخافون من تبرز الجنين إذا مرت التسعة أشهر