التجمع (2) لتبآششيير يناايـر 1 وفبرايييير 2 (2017)

ياعمري انتِ .. إن شاء الله على أجر
والله كله تعب في تعب سبحان الله ربي يجازي أمهاتنا الجنة ويعطيهم طولة العمر على الطاعة
والحمدلله على الصحة والعافية

المهم ياحبيباتي انا قلت لكم انهم عطوني مهلة 10 آيام يوم بعد يوم تخطيط هذا الكلام يوم الاثنين الليل وزوجي حجز طيران على يوم الثلاثاء الليل وقال بجي اوديك المواعيد واقعد معك لين نشوف وش الله يكتب فأنا كنت سهرانه ونمت وماصحيت إلا متأخر العصر الثلاثاء ولمن قمت حسيت بألم مثل الضغط أو التشنج في حوضي وأسفل ظهري يوجعني مره لي طنشت لأن نفس الألم جاني الصباح يوم الاثنين وكان منتظم كل 10 دقايق مدة ساعه إلا ثلث بعدين طار فقلت اكيد عادي لأن لمن سألت الدكتوره قالت من ضغط الجنين على الحوض المهم وكل بعد فتره يتكرر عليه الألم ويكون شوي أشد وماجاء في بالي طلق أبدا المهم وصل زوجي متأخر على 12 ونص الليل كذا وقعدنا وتقهوينا مع أهلي ورحت على أساس بنام عشان نلحق على موعد التخطيط الصباح المهم على 2 كذا بدأ يزيد مره ورحت خذت كوب مويه دافيه مع ملعقتين عسل قلت أن كان طلق بيزيد إلا سبحان الله زاد مره وقعدت امشي الين الفجر 5 رحت المستشفى مع زوجي واخوي وامي إلا يوم كشفت قالت ولادة يامدام 4 سانتي لا اله الا الله وش جاني وقتها ماني مصدقه وفي نفس الوقت فيني خوف وقاعده أفكر كلها ساعات واولد أن شاء الله وانتهي من ال 9 شهور كذا مشاعر مختلطة ولمن كشفت وطلعت قالت بسوي لك الحين أوراق التنويم وكذا طلعت معها عشان تسوي الأوراق إلا اذان الفجر صوته في كل المستشفى وكذا صرت امشي بدون وعي وطلعت برا القسم اقول لأمي أنها ولاده المهم رجعت عندهم وخلاص بديت امشي في الاسياب وادعي الله أن يخارجني بالسلامه وولدي ودعيت لكم والله يتقبل المهم على الساعه 7 كذا جات الدكتوره قالت كشف وانا فيني بكيه أقولها لا خليني شوي اذا اشتد مره قالت لا لازم اشوف كم وصلتي المهم كشفت قالت تمام 6 سانتي وركبت التخطيط وكنت أحاول قد مااقدر اني مااصيح عند الوجع واسوي تمارين التنفس بجد فادتني بعد الله وأخذت بعد ملعقتين عسل طبيعي يوم قالت 6 المهم اللي حصل ماهو في الحسبان 😣 أن الجنين مانزل تمام في الحوض ووقت الطلق بعد كان مرتفع مانزل مع الطلق قالوا خلاص تجي الاخصائيه اشوفك وتقيم وضعك المهم جت تقريبا على 9 قالت الطلق تمام ماشي والتوسع تمام وكشفت قالت افقعوا لها موية الرأس ونشوف ينزل أو لا 😭 انهبلت يوم فقعوها لي ماجلست لهم زين المهم بعدها الطلق حمي مره جلست ساعه بس إلا جت الاخصائيه قالت بكشف قلت لا تكفين خلاص حمي الطلق قالت اشوف وضع الرأس لمن كشفت عضيت يدها 😂 والله ماعاد حسيت من الألم قالت حرام ليش تسوين كذا انا تعبانه وكم مريضة عندي اتابعهم تجين تسوين انتي كذا هيه هنديه كأنها بعدين قالت مرتفع بس يلا لمن تجيك الطلق أدفعي وانا بدخل يدي اساعدك وسويتها قالت تمام بدا ينزل احسن من قبل يلا الحين صرتي قريبه من 9 سانتي كل ماتجيك طلقه ادفعي عشان تساعدين نفسك أن الرأس ينزل زياده ولا تخافين انتي بكريه ماقد توسعتي ماراح ينزل عليك على طول وصرت اسويها واصرخ غصب عني وكررت الحركه لين تعبت وحمي الطلق وخلاص بديت أحس بالدفع وجت قالت خلاص ولاده بس شوي ونجي انا بس طلعت من عندي بعدها بثواني خلاص انهبلت وطلعت السيب عندهم وشعري كاش مره وفيني بكيه على وجع واقولهم خلاص ولدوني وقالوا يلا يلا تعالي وقبل ادخل الغرفه في السيب ممرضة وانا صرت أتكلم بصراخ من الوجع وأصرخ في وجهها اللهم صلي على محمد 😂 وتضحك علي تقول شاطره يلا أذكري الله بس الحمدلله رب العالمين كانوا مره متعاونين معي عشاني بكريه وكمان فيه دكتورة سودانيه مع الهنديه هيه السودانية اللي فقعت لي موية الرأس كمان عضيت يدي مدري وش جاني وقتها مع الألم قسم بالله ولأني ماابغى اصرخ 😅 بس زين ماصفقوني فهي اللي ولدتني السودانية لمن صرت داخله غرفة الولادة قالت بس لاتعضين يدي وتضحك قلت لها أسفه ياقلبي قسم بالله مدري وش جاني أقرب يدك من الألم قالت لا عادي متعودين مافيها شي 🙄 ولمن دخلت وقعدت وقت الدفع قالت لازم اساعدك عشان ينزل مع الطلق انا ادف وهيه مدخله يدها جوه تحاول تنزله شوي شوي مره مؤلم بس الحمدلله أخذت وقت شوي في الدفع وتعب وصرت أتشهد واقولهم خلاص تعبت مقدر قالوا لازم يلا مابقى شي شدي حيلك وادفعي متواصل وان شاء الله ينزل على طول المهم جت الطلقه الثانيه وسويت نفس ماقالوا فجأه ماحسيت الا بشي دافي زحلق وبكى اه شعور جميل يارب لك الحمد بعد التعب وبغوا يحطونه على صدري وهو باقي بالحبل السري انهبلت صرت اصرخ شيلوه شيلوه شكله كان يخوف سبحان الله الحبل السري والدم سبحان الله العظيم وصرخت اقول الحمدلله بصوت عالي واكرر والدكتورة معي تقول ايوه أحمدي الله انك خلصتي بالسلامه والحمدلله على سلامتك ومبروك وصرتي ام 🙄 وبعدها تخيطت وخلصت وعلى أساس بتلبسني فوطه وأقوم إلا هيه تقولي شكل معك نزيف لازم انظفك أصبري عليه 😓 وصارت تنظف بعد ماخلصت الخياطه وتنزل قطع ودم الله يكرمكم والملائكة وكان شوي متعب ولمن خلصت قالت خلاص روحي انسدحي نص ساعه وبعدها فرغي المثانة وتأكدي أن ماعندك نزيف لمن قربت تخلص جتني رجفه قويه مره في رجولي واسناني وبرد فضيع ورحت لبست شيلتي وتدفيت ببطانيه ثقيله وأرتحت لمن قمت اروح الحمام اشوف الا فجأه خر الدم على الأرض وملابسي الله يكرمكم خفت مره انه نزيف ولمن رحت الحمام الا بدأ يخف شوي شوي الحمدلله ورحت تنظفت وغيرت ملابسي وانسدحت وانا كنت مواصلة من العصر بس مانمت إلا 9 بالليل و2 صحيت والين الحين نومي مقطع وخفيف كذا

هههههههههههههههههههه أطول وحده كتبت قصة ولادتها وليت فيها شي مفيد 😆😆😆😂😂😂 مره اندمجت وانا اكتب كتبت اللي يسوى واللي مايسوى المهم أن ربي سخر لي طاقم طبي متعاونين على أن المستشفى مو ذاك الزود لكن يارب لك الحمد على ماسويت فيهم بس راعوني عشان بكر 🤗 ومااخذت ولا مسكنات ولاشيء الحمدلله أن ربي صبرني وتحملت الطلق كامل إلا آخر شي انهبلت لأنه صار حامي وورى بعض لكن الحمدلله على كل شي جميل على قد التعب إلا أنها شي جميل وعظيم سبحان الله روح من روح الله يحفظ لي مااعطاني ويحفظ لكم أن شاء الله

ياعمري عليك عايشه نفس وضعك الحين أعوذ بالله منهم ناس حشريه ونكديه المشكله اللي يتكلمون ليت مسمين عيالهم زين 😒😒😒 بس قررت خلاص من اليوم ورايح ماراح اسكت 😅 عشان ماحد يتمادى علي بقول ولدنا وكيفنا نسميه اللي نبغى ماانتقدت أسماء عيالكم يعني مالكم دخل والله ناس حشريه ماتجي إلا بالعين الحمراء

الله. عشت معك كل لحظة. توجع القلب. الله يكتب اجرك

ابارك لك والله شجاعتك. ماشاء الله تبارك الرحمن.وماشاء الله ما طلبت مسكنات.

صح ما عضيت طبيبة ولا دفعتها برجولي.
بس ما ابيها تقرب مني ولا ابيها تكشف. اه الله يهون يارب والله شايلة هم. بس مؤمنة بالله