التجمع (2) لتبآششيير يناايـر 1 وفبرايييير 2 (2017)

حصلت لي ياقلبي
هو شي مايستدعي الخووف دامه ببطن أمه ويهمهم بس وقت الولادة يعني لاتشيلي هم ووكلي امرك لله واستودعي جنينك اللي خلقه
انا صار لي بأول حمل وتركووني لين وقت الولادة قالوا لو مو لاف كثيير كان ولدناك طبيعي بس هو كثييير عشان كذا تحتاجي قيصري
يعني لك أمل بالطبيعي بس لاتتوتري ولاتتعبي نفسيتك وان شاء الله امورك سليمه

حماتي تولد بالعسكري وممنوع يدخل معها أحد
ممكن يسمحون وقت الطلق لكن اذا اشتد او وصل مرحله متقدمه يطردون اللي معك وماانصحك بكذا لأنه راح ترتبكين أكثر وتخافين
خليك لوحدك والتساهيل من الله واشغلي نفسك بالدعاااء والقران وبتمر سهالات ان شاء الله

سكره
الله يطمن قلبك ويهون عليك وييسر لك ..

عذرا جهازي يرفض يسوي اقتباس لأي مشاركة . :(


الحمدلله على كل حال .. انا اللي خوفني ان محد من اللي اعرفه حولي صار له مثلي .

وكلما شفت تجارب من النت لبعض الاطباء نصحو بعمليه .

واذا فتحت الانستجرام قريت قصص مأساويه للي حصل لها هالحاله الله يعوضهم خير .

والمستشفى رفض فكرة العملية لهالسبب وكتبو لي خروج لكن النبض كان طبيعي للجنين .

بالاشعه عند المستوصف كان لاف على الرقبه مرتين .. والرجفه الى الان لاتزال موجوده .

لكن استودعته الله الذي لاتضيع ودائعه .

الله يجزاك بكل خير على ذكر تجربتك طمنتيني كثير وان شاء الله يارب انه يرزقني الولاده الطبيعيه .

اماسي

فيه وحده من جيراننا تو والده فيه قريب,, لكنها راحت لوحدها وما اعرف اذا الانظمه تسمح بوجود مرافق معها .

لكن صدقيني المرافق اللي بيجي معك خصوصا لو كان امك بيتوتر كثييير ويتعب ومافي يده شي غير يدعي لك بالفرج .

بعض الحريم ماتتحمل تواجد احد تعرفه معها وتنهار بالبكاء والتوتر زياده .. عكس لما تكون لحالها تكون اقوى واهدأ وتركز اكثر على نفسها والدعاء بتسهيل الامور .

جهزي نفسك على انك راح تولدي لوحدك ,, واحفظي بعض الادعيه او صفحات اذكار معك بالجوال ماتحتاج اتصال بالنت واقريها .. وبعض القابلات تجي معك وتقرا عليك وتذكرك بالادعيه .

الله يسهلها ويفرجها عليك .

قريت كثيير بالمواقع الأجنبيه ويقولون مايأثر كثير ببطن أمه بس التخوف وقت الولادة
انتي خوذي صورة الأشعه الموعد الجاي ووريهم او روحي مستشفى ثاني استشيريهم بصورة الأشعه وبالحاله عموما بس عشان ترتاااحين
انا مع ان الوحدة تاخذ كذا رأي
والله يسهل لنا ولك ويسلم لنا اجنتنا