قولوا ماشاء الله اول شيء
<<< واثقه العمه :09:
هلا والله وغلا بحبيباتي ونور عيني بنات حواء
طبعاً هذا انا مسويته بالعطله بزواج قريبه لنا وتوني افضى انزله حتى والله ماحطيته بسبيسي حطيته لكم اول ..
وطبعاً طريقته مهب منقوله من وحده معينه لاني جمعتها من كذا وحده يعني حست طرق البنات وطلع معاي هالتراميسووو الراااااااااايق..
وطبعاً للاسف كان ودي اصور لكم خطوه خطوه لكن ماامداني لان العرس كان قريب وكنت مررره مستعجله.. فااعذروني.. وإن شاء الله الشرح يكفي ويوفي ..
الصور بتكون آخر الموضوع للتشويق...:42:
المقادير :
3 (savoiardi) علبة بسكويت أصابع
صينية دائريه ذات قاعدة متحركه
مقادير التغميس :1ملعقة صغيره نسكا فيه وممكن تخلينها ملعقه كبيره بس انا مااحب طعمة النسكافه تكون واضحه بالحلى..
2ملعقة كبيرة قهوة عربية
2 ملعقة سكر مطحون
كأس ماء دافئ
ربع ملعقة صغيرة فانيلا
يخلط مع بعض ثم يوضع في الثلاثه حتى يبرد لانه لايصلح للتغميس وهو دافىء..
مقادير الكريمه :
3 باكيت كريم كاراميل
3 باكيت دريم ويب بودره
3 علب قشطه
1 علبة جبنة فلادلفيا
2/1 1 كوب حليب بارد
تخلط في الخلاط وتوضع جانباً
للتزيين:
شوكلاته القوالب اللوح..
الطريقه :
1- توضع مسحه بسيطه في اسفل الصينيه من الكريمه .
2- يغمس البسكويت ويصف في اسفل الصينية مع ابقاء مسافه بسيطه على الجوانب.
3- توضع طبقة من الكريمه مره اخرى .
4- يصف البسكويت ناشف دون تغميس على جميع جوانب الصينية.
5- ترجعين إلى الطبقات وتكملينها بالتبادل حتى تنتهين بطبقة الكريمه ..
6- توضع في الفريزير لمدة يوم كامل أو أكثر على حسب قدرتك..
7 طريقة التزيين تذوب الشوكلاته ثم تأخذين علبة تشكيل الدريم ويب وتاخذين القمع الطويل ذا الشكل الدائري وتتركين الشوكلاته قليلاً (لاتسخدمينها على طول الا اذا كنتي ماهره جداً) ولا تخلينها عاد تجمد مره يعني بعد ماتذوب انتظري شوي وبعدين سوي خطوط مائله ثم خطوط اخرى عليها مائله ايضاً ليصبح لديك مثل شكل الشبكه .
7- اذا زادات عليك بعض الخطوط(اكيد يعني بيطلع خط نذل يبغى يخرب شكل :22: ) قومي واكسري خشمه عفواً اكسريه بخفه حتى تحصلين على شكل شبكه جميل وغاية في الروعه..
وهاذي صورته النهائية..عاد لاتشرهون على الوضوح مصوره بالجوال
وبالهناء والعافيه :26:
وأي سؤال انا حاضرة ..
وماابغى منكم الا الدعاء .. بالتوفيق وان ربي يسخر لي زوجي وأن الله يشفي اختكم لي لي ويردها لبيتها صحيحه معافاه..