ولدي يابنات جاب لي الهم تكفون افيدوني؟

السلام عليكم ورحمة الله
كيفكم جميعا
اولا أطلب من مشرفاتنا العزيزات طلب انهم ماينقلون موضوعي القى رد يريحني .....تكفووووون طلبتكم لاتردوني.....
يابنات ولدي قبل اسبوع قام من النوم الصبح يشتكي من ألم خفيف برجله اليسار من جهة الفخذ من ورى ويمشي عليها بس يعرج يعني الم خفيف واتوقعت انه طاح وهو يلعب لكن مافيه اثر لطيحه ولا رضه ولا شي ..المهم جلس يومين كذا وكان الوضع عادي نوعا ما ....الين يوم الأربعاء اللي راح نزلنا البحر وسبح ولعب والجو كان شبه بارد وبس خلصنا ومشينا الا الولد يتألم من رجله ويبكي وعلى طول وداه ابوه المستشغى وسووا له اشعه مقطعيه واشعه تلفزيونيه وتحليل دم عشان يتطمنون ان ماعنده التهاب مفاصل وطمنونا ان كل شي بخير الحمد لله لكن الولد ماعد يقدر يمشي عليها مرره بس جالس وقال الدكتور بأكشف على حلقه ولقى عنده التهاب في اللوزتين والحلق وقال احتمال ان الألم اللي برجله منها واعطاه مضاد حيوي لمدةسبع ايام ومسكن للالم ميدافين .....وله الحين اربع ايام والولد يوقف على رجله بس مازال يتألم اذا مشى عليها ....علما انه وهو جالس يثنيها ويرفعها ويحركها بس لما يوقف عليها يصيح يقول توجعني ...أحترت وربي يابنات ودمعتي ما قفت اول مره يجيه زي كذاكذا وتعب معه ماغير اشيله واوديه عالحمام اكرمكم الله ....ابوه يقول احتمال انها عضله شدت عليه ...الولد اذا سالناه وين الألم ياشر على بطن الركبه من ورى ويرتاح اذا دهنتها ودلكتها بزيت دافي وكمدتها بكمادات دافيه بس ابغاااااه يمشي عشان ارتاح......ولدي عمره ثلاث سنوات ونص وصحته كويسه لكن أهتميت من رجله مره ....
اذا وحده مرت بنفس الحاله او احد عيالكم طمنوني والله لا يوريكم مكروه بأحد.