خيانه زوجي وبهذله حياتنا بسببها

خانك لانه مايحس انه عايش مع انثى عايش مع رجال نفسه بإختصار يدور انثى وفاقد هالشي فيك وماله اي كلمه عليك يبي يثبت رجولته مع انسانه غيرك هو اعطاك كل اللي تبين ومشى ع هواك عشان يفتك منك ومن مشاكلك وراح يرجع يكلم مره ومرتين وثلاث وبيكون حذر اكثر من قبل مو حب فيك خوف منك

اولا الله يفرج همك
بس سامحيني في داخلي شك كبير من كلامك
يعني ماني قادره اصدق ان في رجال ممكن يتحمل هذه المعامله لأنهم كلهم شين وقوي عين
يعني كيف ينام في البر ويخليكي في البيت ولا بعد يجيبلك الغداء والعشاء عند الباب وكل هذا الذل
ومسجل البيت والارض باسمك.... هذا مهو رجال الا ملاك.
يا بنت الحلال الرجال اذا عاتبناهم ليش تأخرت أو ليش أكلت بره وخليتني قام الدنيا ولا قعدها وسب وشتم
وقال موعاجبك روحي عند أهلك.
سامحيني لو قصتك حقيقيه وانا شكي طلع مهو في محله ترى الموضوع صعب على التصديق
بس اذا كانت قصتك حقيقه خلاص كفايه لحد هنا وكفايه اذلال للرجال وسامحيه خصوصا ان الموضوع مجرد مكالمات

مدري ليه عندي احساس أن أغلب الردود بأخر صفحتين او ثلاث تنتمي لناس يعرفون بعض ومتجمعين على هالموضوع، أو ان هالعضويات المختلفة لوحدة فاضية ناقصة عقل ما قدرت تستوعب ان الموضوع موضوع ((((خــــيــــانــــة))))، وما ادري ليه الناس هنا ماهي مدركة أن الرجال لهم شخصياتهم المختلفة، يعني ماهم بالضرورة وحوش مهيمنة. هذي صورة خاطئة. عادي جدا نشوف رجل متنازل مثل كذا، الواحد في النهاية له شخصيته اللي ممكن تتأثر بمحيطه وتجاربه، مب لازم أنه رجال انه خلاص صار مهيمن بالضرورة.


عموما يا صاحبة الموضوع، أتمنى تركزين في كلامي زين
لحد الآن واضح أخذتِ حقك منه والرجال واضح جدًا انه بيتوب ولا يعودها
وفعلا دامه كذا، أجل ائمني جانبه وارتاحي، لأن مستحيل واحد عاقل بعد اللي صار يعود لفعلته
تحويله البيت والارض وغيرها باسمك واللي سواه كله معناه انه مقرّ بخطأه وصادق بطلبه السماح منك وصادق ألف لما يعزم انه ما يرجع لها
ما يقدر اصلا، أنتِ ما شاء الله ذكية، يعني رحتي اخذتِ برنت عشان تتأكدي وذا، وغير كذا اخذتِ حقك من ذيك البنت والحين مستحيل ترجع لك ولغيرك، خصوصا بعد معرفة اخوها بالوضع
خلاص الآن أنتِ ربحتِ القضية بلا شك من كل اطرافها، فارتاحي، الحين ريحي نفسك ورققي قلبك وارجعي له، هو اخطا بس معد يعودها
الحين تعوذي من الشيطان وارجعي له واحتويه، عشان يعرف صدق ان اللي معه وحدة قل مثيلاتها، هو الحين في حاجة لك أكثر من اي وقت مضى
أخذتِ حقك بزيادة، واكيد، خصوصا بعد كل هالتنازلات، ان نفسيته متدمرة ورايحة فيها، وراح تكسبون بعض مدى الحياة اذا شافك بعد كل اللي صار = تقبلتيه
عشان يرجع لك فعلًا كـ زوج لزوجة.
خليكِ حكيمة ي قلبي وانهي كل هالقصة بأنك تبادرين وتحتوينه بعد اللي صار، عشان تظهرين له انك في النهاية فعلا تحبيه مثل ما يحبك، وانك كنتِ تبين تعلمينه الخطأ اللي سواه وانتهى الأمر ^_^

يعني اذا شافك بعد كل هذا، رجعتي له وحبيتيه وقررتِ تخلين اللي مضى في طي النسيان لأجله ولأجل بقاؤكم لبعض بحب ومودة، وش تتوقعين بيكون معك بعدها؟ اكييد بيحبك اكثر وتزين علاقتكم ببعض أكثر
سبحان الله بعض المرات تكون المصيبة هي اللي تخلي الأمور تتحسن، وان بسبب هالشيء ترجعون لبعض احسن من قبل، نظرتنا كبشر قاصرة، ما نحيط علم بالصورة الكاملة.
الله يحفظكم لبعض ويبعد عنكم الشيطان، ترى يغيض الشيطان أنه يشوف قلوب ترجع لبعضها وتعفو عن بعض في حين أنّه يبي يبغّضها وينفّرها عن بعض.

الله يسخره لك

ي حبيبتي الرجل ما ينعدل الا لا انحرم من الفراش
ابعدي عنه وصيري رسميه تماااااما حتى لا تعانيينه وتلتين وتعجنين وكلنا حاسين بجرحك والمك واتوقع برد قلبك لما اتصلتي ع اخو البنت وانوقع الحين هي ماكله تبن عدددددل
وبعدين لا رجع يراضيك اطلبي رضوه كبيرة طقم كبير سفرة لاوروبا زي كذا وتناسسسسي ماراح تنسين بس مردك بتبردين وتهدين بس ما ترجعين تحبينه مثل اول مستحيل
ربي يوفقكم ويسعدكم