ساعدوا زميلتي

اللي يده فالنار مو زي اللي قاعد على كرسي ويحكم بدون معرفه الحين فيه ازمة وظايف والناس يخرجوهم من وظايفهم ومايلقون اي بديل مناسب اللي كان يتوظف ب 5 الحين ما يلقا وظيفه تسد رمقه ب3 الاف ومافيها شي لو دوروله اهله التقديم على الوظايف ما يقبلون بسرعه والرواتب لله المشتكى وبس

فيه سناب للوظايف
وفيه استقرام للوظايف
السناب حق الوظايف مضموووون ميه الميه ومشهور
يوميا ينزل وظايف بجميع مناطق المملكه اغلبها بالرياض وجده والشرقيه والمدينه اغلبهم كثار
ادخلي هالسناب وكبتشروا الوظايف اللي ينزلها وخلوه يشوف هو اللي تعجبه
يقدم على كل الوظايف حتى لو سيكورتي لحد مايلقاء وظيفه سنعه
ياخذ القليل يجيه الكثير
والله اعرف اثنين توظفوا وهو متزوجين براتب ٣٠٠٠
والحين واحد صار مدير راتبه فوق ١٠
والثاني برضو زاد راتبه وبناء له بيت

يمكن لانهن عايشات بعز يحسبن الموضوع جدا بسيط

وحده زميلتي قريبه لي مره مره

تزوجت واحد مو متوظف بعد الزواج توظف وسدد ديون اخوانه الكبار وبنا عماره لامه واثثها
لكن والله الحين عايشين باآيجار وزوجها يروح الدوام مشي سيارته دايم عطلانه ودايم بالورشات
وعلى كذا مطلوب بالديون ولااحد يفكر فيه وصابر
ومحتسب
والي يشوفه يقول هذا موظف ماهو بحاجه


يابنات حسنوا النوايا واعذروا الناس ماتدرون عن الخفايا

قولي لاخوك يقبل بالقليل بديرته تجيه الكثير

انا باكالريوس ومعي دبلوم حاسب الي
ومعي دوره ولا لقيت وظيفه حتى تعليم قدمت بمناطق مو منطقتي ولا جاني قبول
ادور بشركات ولا يجيني قبول
حتى اني فكررررررررت اقدم على مستخدمه بمدارس اللي عندي رفض يخليني اقدم

الحريم صعب تلقين لها وظيفه لكن الرجال سهله عليهم
حنا صعبه بحكم
المواصلات
فترتين
اطفال وبيت عندك
بس
الرجال غير
مواصلات يقدر لو على رجلينه
ماعنده عيال يمسكهم لان زوجته متكفله فيهم
عادي يطلع فترتين لو لحد ٣ بالليل عادي لانه رجال مايجي تحرش

لكن حنا يالحريم وش نقول الله يعينا ويستر علينا وعليكم يارب

فيه مطاعم وفيه مقاولات يبون موظفين بس عيالنا يدورون الوظيفه الحكوميه اللي راتبها وين لا حبيتبي القليل يجيب الكثير

وحده من اقاربي ثانويه ومعها دبلوم حاسب سنتين وقدمت على مستخدمه رفضوها لان شهادتها كبيره على قولتهم
وجتها وظيفهم بمركز مرموق ومشهور والكل حسدها
قبلت بالقليل بس ربي عوضها بالكبير

يشتغل اي شي ولو براتب قليل ويكون نفسه ويأمن بيت وسيارة وبعدين يتزوج اما هيك خبط لزق وظيفة وعروس ع مهل بكير ع العروس اذا مش قادر يفتح بيت ويتحمل تكاليف الزواج الباهظة بيأجل افضل والله يرزقه ويوفقه