ساعدوا زميلتي

اختي ال 5 الاف مبلغ كويس
احنا بيتنا مفتوح بمبلغ اربع الاف ندفع منها فواتير ومقاضي وعندي والد مقعد يحتاج علاجات ونجمع منها للسكن والحمدلله ربي مبارك فيها

واحنا بالبيت اربع اشخاص

حبيبتي في وظايف كثيره بس هو لازم يضحي وش فيها لو اشتغل رجل امن بمجمع ب4000 ريال علي الأقل وظيفه مؤقته لين يلاقي وظيفه أحلامه والله اعرف ناس مخلصين بكالوريوس ولا حصلو وظايف واشتغلو وظايف مؤقته لين ربي عوضهم اما بيقعد يتشرط لا الوضع مايسمح واذا حصل وظيفه لو براتب 3000 ريال أي بنت حلال بتقبله وبتعينه علي الحياه اما يقعد يحط يده علي خده لين يحصل وظيفه الي يبيها او واسطه لا يااختي مره صعبه

انا لي نظرتي ورأيي الخاص وانتي لك رأيك ونظرتك
بالله عليك وين الرجال الحقيقي بنظرك اللي يتوظف ويقبل بالمبلغ القليل ويستر نفسه ولا اللي منبطح بالبيت يندب حظه ويلطم وياخذ فلوس من اهله ؟!!
انا ما اتكلم من فراغ اتكلم من واقع نعيشه
ناس من اقاربي توظفو في البدايه وظايف رواتبها قليله ماتتجاوز 3500 ريال وجمعو الريال على الريال واشترو سياره وصرفو على انفسهم واخذو خبره نفعتهم وتيسر لهم الزواج والمسكن
مافي شي يجي من السماء لازم الواحد يسعى ومايتشرط وهو شهادته ثانويه !!
اجل وش نقول عن اللي متخرجين بأعلى الشهادات والخبرات ومالقو شي بتخصصهم ويارب لك الحمد مارفعو خشومهم للسماء ورفضو التوظيف سيكورتي او كاشير هذا وهم اصحاب شهادات ولغات مو ثانويه
وانا من الناس اللي توظفت براتب قليل جداً شلت نفسي بنفسي واعرف قيمة الريال واعرف اني اذا ماسعيت وحفرت الصخر والحجر بجلس في حاجه وذل ماحد بيرحمني ويتفضل علي
وتقولون عايشين في عز ونعيم ؟ ايه والله عايشين في عز ونعيم لاننا نقبل براتب 1500 ريال مثل الشغالات والسواقين ومانمد يدينا للناس او ناخذ من جيوب اهالينا ونتكبر على النعمه
استغفر الله

ردي هذا لك ولغيرك عشان ماتتحسسين من الكلام لاني شملت كل شي بالردود .

نعم عايشات بعز
لانهم يقبلون راتب 4000 و 5000 ريال يصرفون منها على اسره ويحمدون الله ويشكرونه
نصيحه يا اختي كوني عون لاخوك في الصح والحق لا تكونين معاه في الغلط
اذا توظف براتب 4000 ريال شجعوه يستمر ويكمل ويجمع الفلوس بدال ما يضيع عمره وشبابه في النوم والعطاله
الـ 5000 لو يجمعها كلها او نصها لمدة سنه او سنتين بيقدر يشتري سياره والسياره يقدر يشتغل فيها بأوبر او كريم او يشتغل توصيل
لكن حسب كلامك تبون وظيفه بمرتبة وزير بدون سعي واجتهاد
ما ابي اكذب عليك واطبطب مثل غيري واخليك تعيشين وهم وسراب ترى شهادته ثانويه لا يتكبر على الوظايف غيره اعلى الشهادات ومالقو وظايف بتخصصهم اصحو من الغفله وانزلو من برجكم العالي لارض الواقع
الله يوفق الجميع والله يرزقكم بالخير