❣️👼🏻التجمع الرابع لمواليد يوليو و أغسطس 2017👼🏻❣️

السلام عليكم ورحمة الله وبركاته
مبارك علينا التجمع الجديد
ترا دخت وانا ادور عليكم يبغالنا نحط رابط التجمع الجديد بأخر رد بالتجمع القديم عشان محد يضيع
المهم...
شكرا من القلب لكل اللي سألو عني اللهم لك الحمد تمت عمليتي على خير وما كنت متوقعتها بهذي السهوله اللهم لك الحمد
البارح بمثل هالوقت كنت ابكي على سرير واصلي وعدعي من خوفي ورعبي من العمليه والحقيقه ما كنت خايفه على نفسي ابدا اعرف اني راح اتبنج وما راح احس بألم لكن كنت خايفه كل الخوف على جنيني خفت يغلطون فيه وافقدها


على الساعه سته لبست وتجهزت للعمليه والساعه عشره ونص دخلت واول ما شفتهم تجمعو حواليني وشفت المنزضين والممرضات غطيت راسي وادعي واقول يارب استر علي مره استحيت من الممرضين سعودين جالسين يسولفون عن الرجيم وهم فوق راسي يجهزون للعمليه ويسألوني وارد عليهم من تحت الشرشف 😩 وتجي الننرضه ترفع عن وجهي وانا ارجع اغطي لين سمعت صوت دكتوري ويقولي ليه خايفه اقوله خايفه عالجنين امانه لا تغلطون فيه... يا صبر الدكتور علي 😭

جاني الممرض السعودي ينادي علي يقولي جاهزه ببنج اول ما قال لي كذا تشهدت وبعدها ما ادري عن شي لين صحوني اول ما وعيت وقبل لا افتح عيوني سألت عن الجنين اقولهم بخير وما اسمع اللي ضحكهم قالو انتي وهو كلكم بخير..
اللهم لك الحمد عدت سهالات اكثر مما توقعت تخيلت ان فيه الم ومغص لكن الحمدلله ما حسيت بشي الا الم بسيط بظهري كم ساعه وراح الحمدلله

الحمدلله الحمدلله

ربي يتمم لك على خير ..،

انا عند اهلي يا ويلي مررة وحشوني و ح اجلس عندهم كم يوم و يقولو خلاص لا تروحي بيتك خليك عندنا

و اختي الصغيرة جننتني تقول وين الكرشة انتي متاكدة انك حامل 😅😅

اقول لها بدري تقول لا لازم كرشه لو صغنونه

اول ما زارني الدكتور بغرفتي بعد العمليه تدرون يا بنات ايش قال لي ؟؟؟؟
قال لي الحمدلله اننا سوينا لك الربط ( اثناء العمليه حصلت ان الرحم فاتح عندك مقدار اصبع ) 😔
وقسم بالله يا بنات اني تفاجأت اكثر من الدكتور نفسه على كثر ماهو متفاجأ لاني كنت مرتاحه طول فترة حملي ولان ثلاث دكاتره وكبار ومشهورين كلهم قالو لي ان عنق الرحم طويل عندي لكن نربط للاحتياط عشان حمل عزيز
سبحان الله فتح الرحم ما بين معهم ابدا بالسونار
حمدت الله الف مره.. ان عمليتي ما تأخرت واني عملت العمليه وما تراجعت عنها لأي سبب من الاسباب
الحمدلله انا الآن مرتاحه نفسياً اكثر من قبل للني كنت طول الوقت شايله هم من العمليه ومعيشه نفسي برعب الولاده المبكره لكن الان نفسيا احس نفسي افضل واحس ان العمليه هم وانزاح...
على فكره بنات انا جتني فتره قبل شهر وشكيت من الم بمنطقة العانه وكأن العظمه نفسها توجعني وكنت احكي جارتي وكنت اقول لها هالحمل غريب كل شي حسيت فيه بدري حسيت بالثقل بدري والم العانه حسيت فيه بحملي الاول بالشهر السادس ومستغربه هالمره اني حسيت فيه بالثالث ...واتوقع الان عرفت السبب
وهو فتح الرحم معي... لاني بحملي الاول لما حسيت فيه بالسادس ما طولت اسبوع وولدت وهالمره لما قلي الدكتور الرحم فاتح عرفت ان هذا السبب بالالم اللي حسيته...
ومن هنا ورايح راح انتبه هل الالم خف ولا ما زال موجود لو الالم راح معناته صح كان السبب وراه فتح الرحم ...

اليوم انتظر الدكتور يمر علي ويسوي لي السونار ويتأكد من وضع الجنين والعمليه وبعدها يكتب لي خروج بأذن الله

الحمدالله ع سلامتك كريستاله