شاركي في النقاش

سجلي الدخول لإضافة تعليق.

التعليقات

446
  1. صاحبة الموضوع
    *المسافرة*
    ياهلا فيكم حبايبي باليوم الخامس من رمضان.. الله يعوده علينا وعليكم بالخير ان شاءالله.. بنت قطر.. فديتج يالغلا.. وماشالله على أطباقج يمييييييييييي تشهي والله.. الله يديم هالنعمة الطيبة.. وبالعافية على قلوبكم.. وحلى التمر فعلا لذيذ وايد أحب…
    رياض نجد.. منورة عيوني وحياج يالغلااااااااا..

    أم عزوز.. هلا والله.. حياج مابين هالسفرات الطيبة.. وبانتظار سفرتج يالغالية..

    ريم الدوحة.. منورة عيوني بالملف.. وتسلمين عالوصفات الطيبة اللي قدمتيها للبنات وعيبتهم.. وتحياتي لج يالغلا..

    هلا حبيبتي نعنوعة.. الغالية أميرة ماقصرت وحطتلج رابط البف.. وحياج حبيبتي..

    هلا وغلا حياتي شموع.. حياج الله بملفنا ويامرحبا فيج يالغالية..

  2. الشموع المنيرة
    ماشالله.. سفرة دايمة ياربي.. وبالعافية عليكم عساااااااااكم دووووووم ع الأبداع الحلو تحياااااااااااااتي بنت البحرين / الشموع المنيرة
    السلام عليكم ...

    اليوم ما شاء الله كان فطورنا

    عيش بالخلطه


    المقادير :
    عيش منقوع ومغسول .
    جدر ونحط فيه سمنه
    وبعدين نحط بهاراتنا اللي عباره عن :
    شوي دارسين مقطع
    كركم
    كمون
    ملح
    ماجيه
    زعفران
    فلفل اسود
    بهارات الدجاج

    و نخليها تحمس بالسمنه
    بعدين نحط العيش المغسول
    بعدين نزيد عليها ماء ساخن و نخليها لما تستوي ( مجبوس )




    ربيان مشوي بخلطه البابريكيو

    ربيان مغسول جيدا
    و قطع من الفلفل البارد والبصل و الطماطم ( للشوي )
    و اعواد خشبيه نرص فيها الربيان و الخضار بالترتيب

    نجيب صينيه كبيره ونحط اعواد الربيان . و نعصر ليمونه واحده بعدين نجيب نصف كوب من صلصه البابريكيو . و نقع الربيان فيها .

    لما نجي نشويه . بالطريقه هذه
    نفتح الفرن فوق وتحت
    ونحط القصدير على شبك الفرن
    وتحت نحط صينيه فيها ماء
    ونخلي الفرن ( يطلع منه بخار )

    بعدين نجيب سكينه و نشق فيها القصديره ( شوي عشان يصير فيها فتحات ) و نرتب اعواد الربيان على القصديره و نسكر النار من فوق

    ونسكر الفرن عشان يستوي على البخار الموجود داخل الفرن . بعدين ندهن الربيان بالزبده ونفتح النار العاليه من فوق ( العمليه ما تاخذ اكثر من نصف ساعه ) الربيان بسرعه يستوي
    وبالعافيه

    شوربه خضار بالشوفان


    المقادير :
    جيس شوربه خضار (كنور ) انا افضل كنور لانها قليله الملح ماجي تجي حيل مالحه
    المهم . و نجيب ملعقتين من الشوفان .

    الطريقه :
    ماي يغلي نفتح الجيس ، وننطر 10 دقائق و نضيف الشوفان
    ونسكر الجدر ونخليه على نار هاديه لمده 10 دقائق ثانيه

    بالعافيه


    المعكرونه بصلصه الفطر


    عباره عن :
    مقلاه وزيت
    بصله جوانح
    نحط فطر المقطع علبه
    و البهارات الايطاليه واهمها زعتر بري
    و بعدين ملعقتين او ثلاث من المعجون الطماطم
    ونخليها تستوي على نار هاديه

    نكون غلينا المعكرونه بالملح و شوي من الزيت بعدين نصفي المعكرونه
    و نطبقها مع خلطه الفطر

    و عند التقديم نحط شوي من الجبن البرمزان

    وبالعافيه

    ولقيمات هههههههههههههههه طلعت مالحه ما ادري شفيها المهم اول مره:)
    وله شكلها ما ادري شلون طالع !! قعدنا نعيب على الشكل و كل واحد ياكل شكل و يقول هذه تشبه فلان و علان بس يا الله ما عليه المره الجايه تكون احلى
  3. صاحبة الموضوع
    حبيبة مبارك
    السلام عليكم ... اليوم ما شاء الله كان فطورنا عيش بالخلطه المقادير : عيش منقوع ومغسول . جدر ونحط فيه سمنه وبعدين نحط بهاراتنا اللي عباره عن : شوي دارسين مقطع كركم كمون ملح ماجيه زعفران فلفل اسود بهارات الدجاج و نخليها تح…
    ماشالله عليج حبيبة مبارك.. روعة أطباقج..

    خلي اللقيمات بصوب اذا أول مرة تسوينها.. ترى الغالب يصيرلنا هالشي..

    وبعدين بتضبطينها ان شاءالله.. وبانتظارج دايما ياقلبي..:)
  4. @br

    سلام اخباركم حبيباتي
    تسلمين ياعيوني بنت قطر كلك ذوق
    ............................................................
    اليوم سفرتنا كانت عبارة عن تشيز كيك
    صينية بطاطس بالدجاج
    سمبوسه عجين بالحم
    سمبوسه رقاق بالجبن
    شوربه خضار
    السلطة الفرنسيه
    كفته بالتونه
    وكيك الخليط الجاهز
    ............................................................
    اللي تبيني انزل اي طريقه انا حاضرة واعذروني مااقدر انزل الصور

تابعي تجارب أخرى من هذا القسم.