بنات مستعدة أدفع 500 ريال وربي في هالشهر الفضيل للي توفرلي هالشي...

السلام عليكم ورحمة الله :
خواتي العزيزات كلنا أكيد سمعنا عن فوائد بول البعير أكرمكم الله للشعر وللكلى وللجروح والقروح وغيره وغيره.. بس يمكن الجديد اللي ماعرفتوه ولا سمعتوا عنه من قبل إن رش بول البعير على مداخل المنازل وزوايا البيت مع شرب القليل منه يبطل السحر والعين.. أقسم لكم بالله يا خواتي إني ما أتمسخر عليكم أو أكزب.. وربي وعزة جلال الله إني سمعت هالكلام من شيخين بدال الواحد.. ويمكن اللي متابعين مواضيعي يزكرون موضوعي اللي كتبت فيه بلوتي مع السحر ((رفعها الله عني وعن جميع المبتلين عاجلا غير آجل بحق عزته وعظمته وجلاله))..
فيا بنات زبدة الكلام ألحين إني أبغى بول بعير عزكم الله ومستعدة أدفع 500ريال سعودي مقابل علبة كبيرة منه يعني تقريبا قرشة الماي الصحة العائلية أم خمسة لتر ((لأني سمعت أن بحكم إن البعير ما يتبول كثير فاللي يحصل إنه لما يتبول يخرج كمية كبيرة جدا عزكم الله)) فيا أخواتي حلفتكم بالله إن اللي بتساعدني تتقي الله بهالشهر الكريم وماتجيب لي أي حاجة وتقول هازا هو لأني بحول الله ومشيئته ممكن أشرب منه لو ملعقة رغبة بالشفاء بعد إزن الله تعالى.. أرجوكم أرجوكم اللي مستعدة تساعدني من بنات الشرقية تراسلني عالخاص عشان أعطيها أرقامي ونتفق وين نلتقي.. ويابنات اتقوا الله فيني وتزكروا قوله صلى الله عليه وسلم : "من نفس عن مسلم كربة من كرب الدنيا نفس الله له كربة من كرب الآخرة". وقوله: "خير الناس أنفعهم للناس".
وشكرا لكم جميعا..

93 تعليق 10,437 مشاهدة

شاركي في النقاش

سجلي الدخول لإضافة تعليق.

التعليقات

84
  1. @maly_ghyr_allh

    صاحبة الموضوع
    ياعمري بسمة ألم مشكورة عالخوف والأهتمام وقلبك الطيب هازا لكن أنا بجرب كل شي مهما صار عسى الله يشفيني أنا وخواتي ويرفع عنا بلوانا......
  2. @kmos_1

    الله يرفع عنك ويعافيكِ ويشافيكِ يااختي وان شاء الله البنات يفيدونك لكن انا حبيت ادعي لك بس لكن والله مافي ايدي حيله..روحي للهضيم حق التمور عنده حليب انياق طازج قوليلهم ابي اعطيكم كذا مبلغ وانتم وفروا للي البول (الله يعزكم) اذا تقدرون وماتشوفيين شر يالغاليه..
  3. @kotshy_1

    قموسة
    الله يرفع عنك ويعافيكِ ويشافيكِ يااختي وان شاء الله البنات يفيدونك لكن انا حبيت ادعي لك بس لكن والله مافي ايدي حيله..روحي للهضيم حق التمور عنده حليب انياق طازج قوليلهم ابي اعطيكم كذا مبلغ وانتم وفروا للي البول (الله يعزكم) اذا تقدرون وماتش…
    حبيبتي
    العين والسحر مايروح ومايفك الا بقراءة القرآن
    الجأي للقراءة اقرأي على نفسك او استمري مع أحد المشايخة الكبار

    لابول بعير ولاغيره يفيدك غير ربك

    الله يشفيك ويفرج عليك

تابعي تجارب أخرى من هذا القسم.