الولاده القيصريه 🤔

انا جربت القيصيري
تعب ما بعده
صح مريح وقت الولادة بس بعدين لاااازم انتباه غير هم العملية نفسها والخوف من المضاعفات والبنج
الحمدلله

تعليقاً على الي تقول الطبيعي يسبب توسع وتمهيداً لكلامي ترى انا والده قيصري عشان لاتحسبوني ادافع اعرف وحده الله يستر عليها ولاداتها كلها قيصري ومع ذالك تشكو من التوسع يعني بالاصل ماله علاقه سواء طبيعي او قيصري شيلو من بالكم هذا المفهوم انا ولدت مره وحده قيصري وامنيتي اولد ان شاء الله مره ثانيه طبيعي

باختصار الطبيعية احسن لك انتي
والقيصرية احسن لزوجك
واللي تولد قيصري ماتقصدر تولد طبيعي بعد ذلك

تابع كلامي السابق ///ولاداتي كانت طبيعيه ولما ولدت قيصري مرتين كرهت نفسي ومن الرعب خايفه احمل والان بنتي عمرها ٣سنوات ولافكرت احمل كل ماتذكر بطني والالم اللي يجيني من القيصري اكره الحمل كله من غير انه صار معاي من بعد القيصريه دورتي دايما نزيف وقطع وبلاوي تنزل معاي وللان مكان العمليه تجيني ايام يتحسس ويجيني حكه مو طبيعيه الا ادهن المكان بكريم عشان ارتاح ،،، والقيصريه اثناء الولاده وبعدها بثلاث شهور تبقى الغازات هي اللي تسبب المغص ولاراح تقدرين تشيلين شي تدارين نفسك سنتين عن الاشياء الثقيله لانها تسبب مشاكل بالارحام والتصاقات

ماجربت الطبيعي
كل اولادي قيصري والحمدلله اللي جعل لنا مخرج ثاني وحل ثاني والا كان متنا بوقت الولاده او مات الجنين
واستغرب من الحريم اللي تسأل ايهم احسن الطبيعي والا القيصري كانها تقدر تختار حبيبتي الوحده تدخل المستشفى وتسأل الله انها تطلع منه سالمه ويخليها ربي لعيالها ويمتعها بالصحه والعافيه
وانا جربت القيصريه اربع مرات كل مره غير عن الثانيه ولادتي الاولى والرابعه اسهل من الثانيه والثالثه
حسب الدكتور والمستشفى وجسمك انتي وصحتك ودمك وقتها