السلام عليكم بنات
الله يرزقكم باللي يسعد حياتكم
خواتي انا كنت مثلكم و سويت عمليات عند الحبيب و كلها فشلت و رحت احسن الدكاتره و المستشفيات بالرياض و زوجي الاول كان عنده نقص و تشوهات و كان ياكل العلاجات و خلطات شعبية و عسل و كل شيء تعبنا و تحملنا و خسرنا فوق ١٠٠ الف كله عشان طفل يسعدنا و يملي حياتي فرح كنت احب زوجي الاول و اموت فيه و لا كنت اتخيل اتزوج غيره و ليله من الليالي دعيت ربي و بكيت عشان يرزقنا و دعيت ربي بالاستخارة و اعتمرت و قررت اني اتطلق منه لاني ابي ولد و انا معلمة تعبت من العمليات و كل شي و لافكرت يوم اقول لزوجي الاول طلقتي لكن تعرفون الامومه و حلمها تعبني مع اني ماعتقد القى مثله لكن تشجعت و طلبت الطلاق منه جيته و هو كان جالس بالصاله تفاهمت معه اني ابي اطلق منه لاني ابي ولد و ابي حمل طبيعي جلسنا و تفاهمنا و تطلقت منه يقول لي اللي بيسعدك بسويه لك و الحمدلله طلقتي ما اخذت شهرين الا جوني خطاب و تزوجت ثاني مره و جبت ولد سميته سعد لانه اسعدني
حبيباتي لا تعبون عمركم و تشقون حياتكم تقدرون تعيشون حياتكم اذا مع زوجك الان مع زوجك الثاني ماتدرون وش كانت المفاجاة لما دريت اني حامل بولدي بكيت بكيت و شكرت ربي شعور ماقدر اوصفه لكم و هذا حلال لكم و انا حبيت اقول لكم تجربتي لا يضيع عمركم عمري الحين ٣٣ و هذا انا حامل بولدي الثاني و حرام عليكم اذ حرمتوا انفسكم من الاولاد اذا كانت المشكله من زوجك فكروا بكلامي ربي يسعدكم و برزقكم
💕☀️تجمع الـ(98) للمقدمات على التلقيح المجهري& اطفال الانابيب ☀️💕
متابعة النقاش، صفحة 112