انا وا ولد رحيمي (ولد اخو زوجي )

صدق الي قال -- بعض الحريم تتمنى الزواج بس عشان تركب قدام
ياحبيبتي لو كان طفل وحب يركب قدام
سايري وطنشي وعدي الموقف بسلام ولا تخلي الشيطان يركب راسك وراس زوجك وراس اخته
حتى لو اخته الي قالت مافيها شي
اكيد ماقالت له من باب التسلط
لكن حبت تحسس الولد انه كبير ورجال وله قيمه
يمكن الولد انحرج انه يروح معاكم
فقالت له انت رجال وخاوي عمك في الطريق وسليه واتعلم منه كيف السواقة
يمكن بالاساس هذه رغبه اخو زوجك بس حب انه اخته تطلبها منكم
فالله يهديك .. كسرتي بخاطر الولد وتراه ماهو صغير ٣ متوسط يعني بااااااالغ
وكسرتي هيبة زوجك قدام اخته

احسن ماسويتي👍🏻كفك ياشيخه✋🏻

لااله الاالله
والله يأختي اذا فيه معانا احد بهالعمر من نفسي اركب ورا
وماراح يقلل من قيمتي هالشي او يرفعها اذا ركبت قدام
خاصه اذا العمر من ١٥وفوق

اول شي الموووضوع تافهه مايستاهل تكبرينه وتتضايقين وتسوين انه اوجعك ومدري ايش هذي سخافه اقسم بالله
ثانياً اللي يركب قدام لا يكبر ولا يصغر ولا تصيرين شيخه ولا تصيرين فقيره
ملوك وهم ملوك يركبون ورى ..هزت عرشك الركبه ورا مع البزران !!الله وكبر
وثالث شي الاخت اللي اسمها ابتسامه ..من جد عيب عليك وش اللي كفو وافتحي الموضوع مع رجلك مره ثانيه يعني تبينها غصب طيب تسبب مشكله ؟!!
عشان بس ركبت ورا
وربي اللي يسمع سوالفكم يقول ذولي بزران !!
اكبرو اعقلو من جد تقاضوا عن الامور التافهه والسطحيه
انسي الموضوع لان والله شي ماله داعي
وبنسبه لأخته اشطفيها لا تسببين هذاوات من شي تافه وتخربين حياتك وتملين قلبك غل
ماقدامك شي اخرتها قبر وحساب وجنه ونار

مدام بثالث متوسط الي سويتيه صح مو قران مقدس لازم قدام وانت حرمه بعيالك تركبين ورا الا تمام عليك عادي قولي لزوجك قد عيالي يجلس ورا ههه