جوجو بالعكس هي حريصه على مستوى الطالبات والي تطلبه احسه عادي المفروض أي ام تسويه تجهز الحفظ والدرس لأن فيه أمهات ماتدري أي درس أو وحده وصلتها بنتها
على فكرة كانت معلمه بنتي كذا وكنت اتضايق بس في الأخير بنتي مستواها رائع وقرائتها أفضل بكثير من بنات عنها في نفس السن وصارت تهتم بالدروس أكثر مني بس صرت اسمع لها لأنه انعكس الاهتمام من معلماتها على بنتي وفي السنه الي بعدها جات معلمه عكس هاذي تماما ماتسال وترفض التواصل معنا واتس مكتفيه بسجل الواجبات وفي الأخير نزل مستوى البنت وفي الترم الثاني جاتهم معلمتهم الأولى انصدمت من مستوى الطالبات كلهم مع انا الأمهات نتابع ونحفظ ونسمع لكن مايتفع اذا المعلمه نفسها مو مهتمه
وتشوف انه تعب مع الأطفال في الأبتدائى تفضل عشان بتعودوا على التميز ولايقبلوا غيرة وترتاحي معهم وقت المراهقه خلاص يكونوا تأسسوا على التفوق ولايرضون غيرة وماتعاني من مشكله المذاكرة
معليش يبي لها صبر شوي وتعب معهم على قوله اختي نقول كلها تهب فترة الابتدائية لكن بعدها عيالها الأوائل مع مرتبه الشرف في الجامعه لذلك تذكري أن هذا التعب راح ينعكس على مستقبلهم وهو الشي الأكيد الي تبيع طل تم يكونوا عيالها أفضل من غيرهم
طبعا من تجربتي الآن بنتيجة خامس معاد اراجع معها ابدا هي انعكس عليها الاهتمام بسبب معلماتها وماترضي ابدا ينزل مستواها وان شاء الله يستمر هذا الشي معها ماترضى بأي مستوى
لذلك أحس شي بسيط طلبها تجهيز الدرس ترا فيه أمهات ماتشوف حتى بنتها ايش لابسه وهي رايحه للمدرسه ولا تفتح ابدا سجلها والواتس تفتح وتقرأ وآخر اهتمامها وكذا تتعب المعلمه يعني هي بعد تبي تعاون منكم تخيلي فصل فيه أكثر من 20 كم أم فيهن تهتم وتجهز بنتها ويهمها مستوى بنتها وكم وحده ماتعرف شي عن بنتها والمعلمه بشر وراها بيت عيال وتحضير ووو مافيها شي لو طلبت عدم الإزعاج بعد 8 هي أيضا ماتبي تفتح الواتس الصباح تلقى ايش أخذوا وووو يعني مجهودها لازم يقدر
وهي جزاها الله خير لما حملت الامانه ولا غيرها تقول راتبي ماراح ينقص وبنات الناس بالطقاق يدرسوهم الاهل ولا لا تعطي الدرس واختبار ولا عليها في مستوى ولا غيرة
حاولي تتقبلي الموضوع من ناحيه انها حريصه على بناتكم مثل حرصها على مستوى بنتها 😘
🏁⚫️التجمع الحآدي عشر لمواليــــــٰـٰ5ـــــــ6ــــــد2017⚫️🏁
متابعة النقاش، صفحة 87