💐 التباشير (3) لمواليد يناير وفبراير 2017💐

ام النايف طمنينا وش صار معك ؟

والبنات اللي نفاس في بيوتكم كيف نفاسكم واكلكم😓 صدق شلت همكم مره متعب الحمدلله على كل حال ماكنت أفكر أنها صعبه الخياطه لذي الدرجة اول الأيام بس يلا الحمدلله على كل حال أهم شي عدت على خير وكل وحده ولها تجربه الله يهون عليكم الباقيات

وبالنسبة لي أنا قبل الولادة بكم يوم زادت علي الإفرازات بشكل رهيب قبل موعد الولادة بيومين تقريبا صارت تنزل إفرازات بيضاء وانتو بكرامه وفي نفس اليوم المتوقع للولاده يوم في آخر الليل نزلت علي إفرازات شفافة ولزجه كذا تكرمون وبعدها وقعدت بعدها يومين أو ثلاث ناسيه بالضبط المهم وهيه مره كل مالها تزيد قايمه قاعده تنزل والمكان رطب على طول هذي كانت علامتي وحبيت أفيدكم بس ... وفيه وحده سألت أظن أنها الشوشو_و اذا ماغلطت عن الأغراض اللي خذناها في شنطة المستشفى استفدنا منها ولا نقله عفش 😂 بالنسبة لي استفدت وكمان كان ناقصني أشياء لأني ولدت في حكومي ومافيه ولاشي موفر حتى المناديل كل شي عليك وانا اصلا كنت مجهزة شنطتي وكل شي من مدة بس لمن كذا طولت قعدت ادخل واطلع في الأغراض وطبعا هذي غلطة مره كبيره لأن لمن جاء وقت الطلق الحقيقي ماقدرت ارتب الأشياء ونسيت اصلا مع الألم والخوف بس يلا الحمدلله عدت على خير وغلطه اتعلم منها للمره الجايه أن شاء الله...

الف مبروك
والحمد لله ع سلامتكم. والله يرزقك بره وصلاحه

يا حبي لك يا روز❤❤
الحمد لله. مرتبة وضعي قبل الولادة
مجهزه الاكل من فريك وحنيني. وعندي شغالة. ربي لك الحمد مدربتها ع اكل الصغار
لان الوالدة كبيرة في السن وبيت اهلي ثلج مرة مرة مرة. وانت عارفة بيت العائلة داخل وطالع
فجلست في بيتي ادفأ.
متعبة العملية تبغين راحة بس قد ما اقدر أحط راسي
واللي يفضى من اهلي من زوجات اخواني يمرون عصرية.
والحمد لله من قبل ومن بعد