ابي اعيش حياتي زيهم 😢

وكمان بقول لك شي
لا تخلي احلامك كلها مقصوره بلبسك ومكياجك وجوالك ومدري وش
حاول زيما يقولو "تشششطحي" باحلامك هههههه
يعني علي سقف احلااامك علييييه يابنت
هذه نصيحه حبيبتي من اخت لك

والله يا أختي مروا كثير بمثل ظروفك....أنا كنت أشتغل بمبلغ بسيط في مدرسه 1500 ريال وتنقطع في الإجازات ...وأعطي أهلي منها
كان قيمة الشحن 10 ريال ما أقدر أوفرها كثير...الظروف مستوره ...وربي فرجها
أهم شي لاتجلسين تتحسرين على الأشياء اللي ماهي معك ...فكري في اللي عندك ...عافيه وصحه..أهل يحبونك ..دراسه جامعيه الحمد لله نعم كثيره
والسعاده وعيش الحياه ماهي بالماديات والجوال الجديد ...يكفيك جوال يرسل ويصور ...حتى لو ماهو آخر إصدار ...الجوالات كل يوم جديد وهمهم يكسبون من الناس...وماعليك من كلام صديقتك الناس غرقوا بالمظاهر كثير وهم سطحيين
يا أختي لو نظرت للصدق ...يكفينا شنطه واحده ...وكم بلوزه ...وروج وكحل وعطر ...الجمال والشباب ماهو في كم الأشياء ولكن بالكيفية
قرأت معلومه إن في جميع أنحاء العالم إن الشباب يكونون في قوة لكن لايملكون المال في الغالب ...وإن الكبار لديهم المال ولكن لايملكون الصحه والقوة..
نصيحه ركزي في دراستك ومعدلك...وبكره تتوظفين أحسن وظيفه...وأنتي شباب وتستمعي
وعليك بالاستغفار...الله يرزقنا جميعا

ياعيوني انتي تتخرجي بتفوق ان شاءالله وتحققي احلامك كلها وتنسى الالم
حطي حرتك بالمذاكره انسي انسي المظاهر شوي ،،، شوفي ترا فيه محلات زي فاين فير و غيرها ،، تبيع نفس ملابس الماركات ب ٣٥ و ٢٥ حاولي تعرفيها وروحي لها لو ب ٢٠٠ تطلعي بملابس كنك مشتريتها ب ١٠٠٠ ،، وبسالك انتي من اي مدينه ؟

لا تغرك المظاهر اللي عنده فلوس عنده مرض عنده مشاكل عنده هموم و اللي ماعنده فلوس كمان عنده مرض و مشاكل و هموم
شفتي مافي فرق بينهم!!
الله يرزقك من واسع فضله و يغنيكي و يغني كل محتاج يارب الله يرزقك القناعه و الرضا

ايوا شدي حيلك الله يسعدك ويوفقك .. انا موظفة لكن ملابسي محدودة حتى عندي لبس كل يوم البسه الين استحيت لأانه تعرفي دحين شتا وبرد فخلاص هادا ارتب شي
اسمعي اشتري لك تنورة سودا .. وجاكيت رسمي وقميصين واشتريها من الماركات الجيدة وقت التخفيض سنتر بوينت عنده بلايز العمل الرسمية دائما عليها تخفيض .. واقلك خدي من هناك لأانها غسيل ولبس ولا تخرب الا لو اهملتيها ... غسليها بيدك وبالصابون السائل عششان تظل جديدة لأطول فترة ممكنة ... وخدي لك جاكيت رسمي او كيجول حسب ستايلك وخلاص ارتب من كدا مافيه امسحي جزمتك وشراباتك يوميا وشوفي كيف راح تسيري ست البنات ..
ادهني بشرتك كل يوم قبل النوم بزيت اللوز ويسير وجهك زي اللوز من نضارته يسير ماتحتاجي الا كحل ومسكرا ومرطب ...
مافيها شي لو داومتي كل يوم بنفس اللبس اهم شي مايكون فيه ريحة كريهة وعفنة ..
العطر خدي من التخفيضات والله تلاقي روائح خفيفة ومنعشة مو لازم وجوه وفافوم والله العظيم وانا محدثتك ما اشتري منها غالية الصراحة واستنزاف للمال ... رغم اني مقتدة الحمد لله لكن احب اعيش ببساطة وامسك الفلوس ..
صح نسيت احكي لك عن جوالي .. ايش تبغيني احكيلك .؟؟ هيا احسبيي من كم سنة ماغيرت جوالي اهم شي يرسل واتس ويستقبل اتصالات وماشاء الله سعيدة جدا لدرجة صاحبتي جات تضحك عليا تقول لي ايش البخل داه ليش ماتغيري جوالك قلت لها مافيه شي جوالي اهم شي نظيف ومرتب ولله الحمد
يعني الترتيب واللبس يكون بالكفاف فقط اهم شي تحافظي على هندامك .. لو فيك حب شباب وكلف عالجيه بكريم من الصيدلية مايكلف 30 ريال البشرة المشرقة تعطي مظهر بنت العز ...
حاولي انك تشتري اغلى بدل ماتشتري اكثر يعني كيف ..؟
ممثلا رحتي السوق وشفتي 3 بلايز بمجموع 100 ريال او بلوزتين بمجموع 120 ريال او بلوزة وحدة ب 100 ريال المبلغ متقارب لكن ام 100 ريال هي الاجمل والاكثر اناقة خديها راح تعطيك مظهر ارتب واحلى وتعيش معاك فترة اطول .... وقيسي على كدا
انا ماني مع البنات اللي نصحوك بالرخيص مرة الرخيص نغيص خدي من اماكن غالية وقت التخفيضات واقتصري على قطعة او قطعتين بس .... سد الله خطاك ورزقك من واسع فضله
والله اني حبيتك ويشهد الله اني ادعوا لك .... بارك الله فيك ورزقك خيراً مما تتمنين