كيف شعورك بعدما رجعتي لزوجك ؟؟

هلا بنات
ان شاء الله تكونو بخير


موضوعي لكل وحدة زوجها آذاها وصارت ببيت اهلها فترة ،


سواء هو طردها او هي طلعت
او هو طلقها ورجعت بالعدة
او كنتي تبي الطلاق ثم تراجعتي


كيف كان شعورك بعدما رجعتي له ؟؟
كيف وكم وقت حتى صرتي تقومي بكل امورك معاه بنفس راضية تماما ؟؟
وهو كيف كان تعامله معاك ؟؟


انا لما طردني اول مرة
رجعت وانا راضية وراغبة فيه وكنت عادي


الآن طردني مرة ثانية ولي سنة معلقة ولجأت للمحكمة والآن الاصلاح حط عليه شروط كثيرة للرجعة ، كان رافض والآن تفاجأت انه موافق عليها كلها ويقول يحبني ويبيني واعتقد انه صادق بكلامه


لكن انا مشاعري تغيرت كثير تجاهه
واتوقع مابقدر اكون مثل قبل
كنت حتى وقت ما ازعل عليه اعطيه حقوقه كاملة، الآن مادري كيف بكون


كل وحدة تذكر لي تجربتها
وكيف التعامل مع اهله وهم عارفين تفاصيل المشاكل السابقة؟
ووش تنصحوني


شكرا اخواتي 💛

42 تعليق 23,880 مشاهدة

شاركي في النقاش

سجلي الدخول لإضافة تعليق.

التعليقات

41
  1. @azhar_2015

    الله يوفقك وأدعي من الله التوفيق لا تتكلي عليه ميه بالميه أو أنه تغير وصار زي ماتبغين لكن فكري انتي ايش تبغين منه




    انتي لاتكررين أخطاءك
    الأخطاء أحيانا أشياء تافه انتي ماتنتبهين لها وتصير مدخل يخطيء عليك فيها
  2. الحمد الله
    الله يصلح ما بينكم ويوفقكم
    لا تحطين ببالك انك مو متقبلته
    حطي كل ايجابياته قدام عيونك
    ودامه شاريك ويبيك وموافق ع شروطك ارجعي له بنفس زينة لكن ضروري تجلسون جلسة مصارحة تعلمينه ايش تبين منه وايش الي كان مضايقك منه وهو بالمثل لان الصراحة والوضوح احسن شيء


    موفقه
  3. موافقته على كل الشروط تشفع له انك تعطينه فرصه اعتبري نفسك متزوجه جديد وارمي ورى ظهرك واعتقد بتقدرين حنا الحريم مسكينات نمشي ونتحمل الله يجبرنا ويعطينا لين يرضينا
  4. @sbah_alkhyr123

    اذا هو متندم وراجع لك بشروطك وسنه مفترقين
    اعتقد اذا انا احبه برجع بشووق واعيش عروسه وبتدلع وماني مضيعه فرصة جميله زي كذا صدق كان مشاكل بس بما اني سامحت وقبلت لازم ارجع بتفاصيل جميله عشان يحس ان الحياه بدوني ولاشيء ويتادب
    واحس راح يكون فيه حيا وخجل بما اني منقطعه سنه عنه
    ولو بيدي يسوي لي شهر عسل وسفره واحقق حلمي الي ماتحقق يوم اتزوج 😭💔
    واول ليله لازم تكون بفندق فخم واكشخ كشخه عروس واقضي واعيش ايام حلوه وبس 😩
    والله يهنيكم لانكدرين ع نفسك وخلاص
  5. مو لازم يعني ترجعي تحبيه وتعامليه زي قبل -المفروض تكوني تعلمتي . خليكي حذره وخذي منه اكثر ماتعطي -ترى كثر العطاء يمرغ انف الزوجه الارض -عامليه بما يرضي الله ولا تزيدي فتفوته وبالعكس انا اشوف انك تكوني حذره وتتوقعي انه كل تغيراته ضغط من الي حوله وفضيحته صارت على كل لسان .

تابعي تجارب أخرى من هذا القسم.