الولادة الطبيعية بعد القيصرية "تجارب"
متابعة النقاش، صفحة 9
شاركي في النقاش
سجلي الدخول لإضافة تعليق.
التعليقات
137ترد الروح ع اساس القيصريه راحه!! انا شفت الموت بالقيصري بمجرد يفك البنج تشوف الالم ماتعرفي تمشي ولا تروحي الحمام لحالك ولا تضحكي ولا تبكي ولا حتى تبرزي وانتي بكرامه كنت اصيح اذا دخلت الحمام والنوم ماتعرفي تنامي لا على يمين ولا يسار ولا ظهر كل الو…
معك حق .. مع انه انا كنت بنج نصفي وكان بعد العملية راحة بس وقت الحركة اتعذب يعني لازم ابقى على ظهري 😢ام الاشبال السته الحمدلله على كل حال طبعا انا قيصري ولاجربت الطبيعي ابدا لاكن ادعو بالتيسر ومهما كان من اسمه طبيعي يعني اخف برحمه الله
كم قيصرية انتي ؟!منو 2016 ياسمين الفيصل بعض المستشفيات تعطي تحاميل طلق للي عندها قيصري .. اذا كان امورها طبيعييه قريبي الاول قيصري والثاني طبيعي واخذت تحاميل طلق .. كل مستشفي عن مستشفئ يفرق والله يرزقنا بولاده سهله ميسرره ويكتب الي فيه خير سواء كان طبيعي ولا ق…
انا دكتورتي رافضة حتى تعطيني فرصة المحاولة
وسألت غيرها بنفس المستشفى وقالوا 80% ولادتك تكون طبيعي لاتضيعين الفرصة
ومحتارة ..- السلام عليكم حبيباتي وصباحكم سعاده حبيت اشارككم تجربتي لاني جربت الطبيعي والقيصري والحمدلله على تمام الصحه والعافيه من ربي وان عيالي جو بخير وعافيه اول حمل حملته ماكمل وصلت الثالث وسقطت وللاسف مانتبهوا للسبب وانه عندي مشكله بالرحم انا عندي الرحم ولله الحمد شاكرته دايما وابدا ناقص بدون عنق فمع تمدد الحمل وكبر البطن ينفتح المهم سقطت اول حمل ورزقني ربي بعد شهرين وحملت حملي الثاني وجيتهم كمان بالم في ظهري في الشهر الثالث قال الدكتور لازم نعرف ايش المشكله وتم تحويلي على استشاري في المستشفا العسكري وبالكشف اكتشف مشكلتي ورحمي الناقص قال بكره تدخلين العمليات ونربط الرحم وبكذا استمرت كل حملاتي بربط زي ماقلت اول ثلاث حملات طبيعي بس في حملي الثالث كنت تعبانه من الالتهابات والافرازات والاوجاع ليش ( لانه الدكتور الله يهديه ماسوا لي تعقيم كافي وزين اثناء عمليه الربط ) ومن هنا بدات معاناتي انه رحمي تعب ولازمتني الالتهابات والالالم حتى بعد ولادتي حملت حملي الرابع وبسبب تعب رحمي اضطروا يرفعون مكان الخياطه اللي هو الربط اعلى من كل مره وجا التاسع وفكيته ولله الحمد ونزلت علي المويه بعد كم يوم وغلطت انه لما شفتها نزلت شربت قرفه زاااااد بشكل فضيع عندي الطلق والرحم مقفل نهائيا الالم كان فضييييع الله يرحمنا برحمته لدرجة صراخي يوصل اخر المستشفا الطلق حامي بدون اي محفزات من عندهم والبيبي تعب وانا تعبت اضطرت دكتورتي تنادي الاستشاري يشوفني واسمع كلمته وانا زي الصاحيه النايمه يقول صياحها يقول انه فيه شي مو طبيعي يصير طلبني يكشف وبعد جدال ورفض سمحت له واول مادخل يده مااذكر الا صراخه عالممرضات بسرعه بسرعه وفي الاسياب يجرون بالسرير وانا اصيح ومفجوعه وماعاد عندي شعور وش يسووون الا اني اذكر كل ماصرخت حطت الممرضه اصبعها بقوووه في نص سرتي اثاريها تبرد الطلق عشان ماينفجر رحمي ( طلب السبب لفجعة الدكتور انه صار عندي تمزق في الجنب اليسار من الرحم بسبب تعب رحمي والالتهابات وكانت البيبي بتطلع من هاذي الفتحه لانها مالقت مخرج غيرها ) قمت ثاني يوم بنتي عندي والدكتور على راسي يقول الحمدلله انقذناك من شي خطير كان ممكن يصير الحمدلله بنتي الان عمرها ١٢ سنه بسم الله عليها بعدها خيروني اني اجيب طبيعي بس لازم اجلس اكثر من سنتين انا طبعا بعدها اخذت خمس سنين راحه ومع ذلك انا بنفسي طلبت القيصري لاني خفت نفس التجربه تنعاد بسبب تعب رحمي من كثرة الربط وكمان بعدها قيصري ثالث الله يخليهم لي ولايحرمني برهم وياجرني على تعبي
انا في الثلاث قيصريات الاخيره اخذ بينهم خمس سنوات راحه وبين الولادات الطبيعيه اخذت ثلاث سنوات او اقل ناسيه والله ولاداتي كلها بالعسكري سواء بالشرقيه او جده او تبوك ومايمسك حالتي الا استشاري قسم الولاده والنساء بسبب وضع رحمي اتمنى اكون افدتكم وتراني احب السواليف والهذره وهاذا سبب اطالتي فاعذروني اذا ابثرتكم بهذرتي واي سوال ابشروا - حبيت ااكد على نقطه اهتمامك بان دكتور يكون الافضل اذا لثانيه ماارتحتي للدكتور غيريه بدون ماتشاورين الدكتور ينصح ويكتشف المشكله قبل حدوثها بعد امر ربي سبحانه موضوعي وقصتي يمكن تشوفونها بعيد عن سوالفكم لكنها تجربه مريت فيها وارجوا انها تساعد ولو بالشي البسيط في تدارك الاخطاء واكتشافها من بدري
مواضيع مشابهة
تابعي تجارب أخرى من هذا القسم.