زوجي فيه ضعف في الحركة انا سليمة حمد لله
حالياً يستخدم حبوب رويال جيلي وعسل طبيعي ومكسرات خام (عين الجمل،جوز، كاجو)
وياخذ عسل مع الحبه السوداء
وناوين عالحجامه باذن اللهم مع التوكل على الله
تهقون ان شاء الله بيزيد الحركة عنده واحمل طبيعي ؟؟! 😢💔
سويت مرتين تلقيح صناعي وفشل خلاص وكلت امري لله وقفلت باب المستشفيات
وربي بيفرج كربتي
والله يابنات اني كل ماسمعت ان وحده حامل ادعي ربي يتمم عليها
لكن يحترق قلبي واحيانا ابكي واحط يدي على بطني واقول هالرحم بيصير فيه جنين ولا لا؟!
اختي حامل وتعبت ورحت معها رغم ان هالموضوع حساس بالنسبه لي بس احتسبت هالشي لوجه الله وربي اني فرحانه لها لكن تعز علي نفسي يوم جو يسوون لها السونار ويوريها البيبي ماتتخيلون شلون شعوري يوم شفته ربي يتمم عليها ويقومها بالسلامة تماسكت ولا ابي ابين لها شي
طلعت برا بالسيب وابكي وابكي لين صدعت
ياارب اسألك ان تلطف بي وتفرج كربتي يارب
بنات مين تستخدم معي القسط الهندي والبردقوش علشان نشجع بعض ونلتزم اللي +علاج للزوج
متابعة النقاش، صفحة 7