شاركي في النقاش

سجلي الدخول لإضافة تعليق.

التعليقات

1,870

  1. @rshyk_algmyl

    خلووووووونا نفتح موضوع للنقاش ويتحرك التجمع


    سؤال اليوووووم ؟؟؟؟؟؟؟؟؟
    اسدحي لنا طريقتك ونظامك بنفاسك ايش فطورك ايش تستخدمي اعشاب


    خلونا نتبادل الخبرات ونستفيد من بعض

  2. @rshyk_algmyl

    ابدى انا بسم الله نظامي سهل وبسيط والحمدلله مافيه ادوية وتعقيد ابدددددددا


    اخلط الادوية هذي طبعا كلها مطحونة
    حلبة..حبة سوداء..كمون..شمر... فقطططط


    اخذها اول عشرين يوم مع الحليب مع المرق والمطازيز ومرات اعجنها مع الخبز


    العشرين اليوم الاخيرة نفس الادوية بس استبدل الحلبة بالفلفل الاسود


    مع القهوة اشرب عنزروت ومرة


    شاي الاعشاب اخلط هالمكونات وكلها حب بدون طحن بس احطها بترمس واصب عليها موية مغليه بدون سكر احبها
    دارسين..قشر قهوة..زنجبيل طازج..كمون..شمر


    تجهز لي امي ربي يجزاها الجنة تمرة النفاس مكونة من تمرة تشيل النوى طبعا تعجنها بسمنة بس انا احط زيت زيتون عشان الامساك


    المهم تعجنها مع فلفل اسود وحبة سودا وشمر ورشاد وكمون كلهم مطحونات ماعدا الرشاد وتكووورهم وتحفظهم بعلب بلاستيك


    انا من عندي اضيف نكهات ادحرج التمر فيهم جوز هند محموس واوريو وبسكوت مطحون مرة لذيذ ماااحس بطعم الادوية


    اخر شي اكون مجهزة خلطة للشمم والالتهاب احط بالفوطة تكرمون مرة تريحني
    بقدر على نار هادية زيت زيتون وخوا جوا وشوي مرة ثم احطه بعلبة بالحمام كل ماغيرت الفوطة حطيت شوي على الخياطة يرطبها ويريحك


    هذا نظامي الحمدلله مرتاااااحة عليه واللهم لك اطلع تمام التمام


    ***اي سؤال انا حاضرة***

  3. @rshyk_algmyl

    طبعا الكبو اختلفو الناس عليه احد يمدح واحد يسب ... انا الصراحة استخدمته مرة ابد ماحبيييييته احس ثاني اكسيد الكربون يدخل فيني غير كذا الدخان يسووود المنطقة