ماذا افعل مع غرور هذا الرجل

أدعي الله بقوته وجبروته يصرف عنك تسلط هذا الرجل وكيده وتعوذي دائمآ وأبدآ

بدعاء لطيفة وجدة في كتاب إبن القيم ..اللهم إني أعوذوا بك من صاحب غفله وزوجآ

أذى وقرين سوء ...

سبحان الله بعض الرجال قلوبهم اقسي من الحجر

انا ماقريت كلامك كله ولا اعرف قصتك لكن اذا كان زوجك يصرف على البيت وساكنة ماكلة شاربة. عيشي حياتك ولاتدخلين معه في كلام كثير خاص اذا ماتشتغليين او ماتقدرين تنفصلين
لا تحرقين نفسك ووجدانك عشان رجال ولاتحطين عيالك في خلاطة الهم والنكد من فجر بكرا ابدي كانك توك مولودة صلحتي فطورك وانتي تغنين وطنشي زوجك اذا بداء الكلام والزن اسكتي واسمعي وقولي الله يعينك الله ياجرك ومن هالكلام. اذا بغى حقوقه الزوجية عادي لانها حقك بعد لا تستخدمينها لحل المشاكل عيشي حياتك بالطول والعرض وسايريه اعتبريك تشتغلين وهذا مديرك وتسايرينه عشان تدفعين الايجار وتاكلين وتشربين لاتركزين مرة في كلامه عشان ماتتاثرين كأنه راديو يشتغل في الخلفية
ولاتنسين نفسك وأولادك من الدعاء انا اعرف وحده مشاكل مع زوجها الى مالا نهاية نكد نكد نكد وجلس كم سنة مايكلمه تقول بعد الدعاء بعد ٣٦ سنة زواج قام يوم وانا داخلة الغرفة قال ايش هالشياكة بغى يغمى عليها مو مصدقة تقول في يوم الزواج كان زعلان ومامدحني وفرجها ربي وعاشوا وكلها فانية

والله ياوجدان قرأت مواضيعك من البداية ..أنا انضغطت من سلبيتك وأسلوبك ..ماتحبين النصايح..
تنفذين اللي يعجبك سلبية جدا ..مملة في اسلوبك..
مهملة زوجك بكثرة الحمل والعيال..كئيبة جدا ..
انت لازم تبدأي تتغيري عشان هو يتغير ..
إهتمي بنفسك وعيالك وبيتك ..وانسي الحمل لين يكبر شوي هالطفل الجديد ..
اهتمي ببيتك وترتيبه ونظافته .. واهتمي بنفسك واناقتك ..
تفنني في الأكل والقهوة واستقبليه بهدؤ واحترام ..
اذا ناقشك في الماضي قولي له اللي فات مات وإن شاء الله القادم أجمل ..
شاركيه القصص والأخبار ..
اطلعوا اتمشوا برا البيت سوا ...
اصنعي حياة بعيد عن فوضى حياتك هذي
الدعاء والإستغفار لوحده مش كفايةلابد من العمل والتغيير والإجتهاد..
ابحثي في النت عن شخصيات الرجل ...
ابحثي عن هواية ممكن تمارسيها في البيت وتنشغلي بنفسك ..
سوي حلى جديد وصوريه انت واولادك وانشريه في حسابك ...
حركي نفسك ..
جالسة مكتئبة ونكدتي ع عيالك والرجال معك

👍👍
مع اني مااعرف عن مشاكلك شي
بس بما انك رجعتي خلاص حاولي الين ربي يفرجها من عنده عشان خاطر عيالك
راح تعدي الايام وزوجك راح ينهد حيله
بكره يكبرو عيالك وحتكوني انت الامره الناهيه في البيت
اتركي زوجك حاليا ع جنب وركزي في عيالك مع الايام حيتغير