بغيت رايكم بتصميم فلتي

مساء الخير بنات
كيفكم
اليوم جبت لكم نبذة عن تصميم فلتي طبعا اهي مكونة من طابق ارضي واول وثاني، لكن الثاني لحد الآن ماعملنا فيه شي.
ولكن تركناه للمستقبل فكرنا نعمل شقتين .
طبعا رسمت لكم هنا نموذج تقريبي ونسيت بعض الشغلات مثل الابواب ههههههه عادي مشوها علي
وطبعا بحط لكم اشياء فكرت اسويها ب المنزل والاثاث الي افكر به ولكن الفلة الحمدلله جاهزة
وناقصها نصف الاثاث خبركم ماعندي خبرة بالمحلات الي هنا وبحط لكم الاثاث الي اخترته
من شغل بعض المحلات
وناقصها نحن نسكن فيها لانها في منطقة بعيدة ، انا ساكنة بالبحرين بمنطقة جو
ويلا استمتعو وقولي رايكم اذا ماعليكم امر .


اولا: هذي الطابق الارضي كما موضح لكم ..
رقم 1 فكرت احط طاولة خارجية
رقم 2 افكر احط حشيش الزينة
3 مغسلة على زاوية
طبعا المسبح استوحيت الفكرة من ميكاب ارتست اماراتيه
ذوقها جدا جدا جميل طبعا المسبح مو لحاله بحط فيه حشيش
وبحط فيه عصافير وعلى صوب ارجوحه ومكان لطاولة الشوي
وطبعا مستحيل اخلي المسبح بدون سقف طبعا لحين افكر
بشو اغطي السقف افكر اضع نفس الحبال القديمة واثبتهم في السطح
على شكل العرشة وطبعا طاولة الطعام والصالة المفتوحة ومدخل البيت كلهم
يطلون على المسبح ولكن فيه ستارة بيضاء شيفون


الطابق الثاني كما موضح لكم
فكرة المسبح كأنه منور من فوق
يعني يطل على المسبح بنوافذ زجاجية
وعليها ستارة بيضاء شيفون


هذي فكرة الصالة المفتوحة في الطابق الاول


وهذي فكرة طاولة الطعام


وهذي فكرة الصالة المفتوحة في الطابق الارضي
انتظروني احط لكم افكار الاثاث
اختمو اعجابكم ب ماشاءالله ولا حول ولا قوة الا بالله

26 تعليق 6,839 مشاهدة

شاركي في النقاش

سجلي الدخول لإضافة تعليق.

التعليقات

25
  1. @bnt_almmlkh_20

    صاحبة الموضوع


    هذي الجلسة اخذتها من مفروشات شريف بالبحرين ولكن اخذت لون غير هالصورة من المعرض مباشرة
    خذت لون الاف وايت المدخل بالبني وخليتها لمجلس الرجال


    هذي كمان اخذت هالطاولة ولكن زدت الكراسي والغيت الكرسي الرخام


    هذي اخترتها للصالة المفتوحة في الطابق الارضي نفس اللون وكمان حطيتها بالطابق الاول للصالة المفتوحة ولكن بلون ثاني
    لون النيلي


    هذي وضعته في الصالة المغلقة في الطابق الارضي وزيدت الكوشنات معه حطيت لون السلفر
    ووضعتها في الصالة المفتوحة الكبيرة في الطابق الاول وغيرت اللون خليته لون الفستقي




    واخيرا وضعته المجلس الداخلي في الطابق الارضي بنفس اللون وزيدت الكوشنات حطيت
    ذهبي
    وطبعا هالصور مو من تصويري وانما اخذتها من حساب المعارض الي تعاملت معهم عارضين البضاعه
    وكل المحلات موجودة بالبحرين وماشاءالله اتقان في الشغل ودقة عالية وعجبني تعاملهم وكمان لي تعامل ثاني
    لفرش الغرف
  2. @bnt_almmlkh_20

    صاحبة الموضوع
    ايش رايكم في الارضيات الخارجية لقيتها ب ايكيا الخبر ماشاء الله عجبتني


    هي الواح ارضية ماشاءالله عجبتي لجنب المسبح مع الحشيش
  3. @lymonh_32

    ماشاء الله تبارك الرحمن تصميمك روعه واختيارك يجنن شكلي بلطش تصميم فيلتك خاصة المسبح بس انا ماراح اخايه في الوسط بخليه على جنب يطل على الحديقه وتقدرين بعد تحطين لك غرفه بانوراما في السطح او في الحديقه الله يطعمك الخير ويكافيك الشر موفقه اختي

تابعي تجارب أخرى من هذا القسم.