تجمع الخير للعمل بالاسباب لإنجاب الاشبال (2)

شكرًا أميره الله يعيك العافيه وتقومي بالسلامه ويحفظ لك ولدك انا بدأت التزم بالحميه وموقفه كل السكريات وإذا اشتهيت التمر مسموح وعسل والبر الأسمر الي يحب مراصيع مثلا 😅
وأكثر ملح واشرب مويهمره في اليوم بالملح صراحه ماقدرت أكمله بس نصه

أخذتي أبره تفجيريه او حجمها كان مناسب من اول مره
كم المفروض يكون حجمهافي اليوم ١٠ من الدوره اذاعندك معلومات عشان اعرف وضعي ما اتحطم اذا شفتها صغيره
بالنسبة للجماع هل يكون بتفاعل او مو ضروري

صباح الخييير
كيفكم بنات وحشتوووني مرره
مبروووك حبيبة امها الله يجعلها من الصالحين والله يرحم عمك ويغفر له
منتظرات الحمل الله يفرحنا فيكم ويجعل هالشهر اخر دوره لكم من غير شر وماتشوفونها الا بنفاسكم
بس في بعض الناس طولوا وهم يفكرون متى يحملون طبعا الحلوه عارفه نفسها 😜
انا ان شاء الله ناويه في شهر 8 عاد مدري ارسي على الحقن المجهري او تركيبة عماد ابستخير واشوف وش ارتاح له


أميره كم كلفك الحقن ووين سويتيها عند اي دكتور بصراحه كنت متشجعه عالحقن ومتفائلة لاني سليمه فتوقعت ان نسبة نجاحها عاليه بس تجربتك وتجربة وحده في حساب ام جمانه تقول كلفتها 30000 ولإنجحت وهي سليمه خلتني اتردد لان بصراحه شي مو سهل اني اسافر وتذاكر وفندق وتنشيط وأبر ومبلغ وقدره وآخر شي تفشل😞
وتركيبة عماد ضبطت مع ناس وناس لا بس هي طبعا الاختيار الاسهل


طيب ابسالكم الحين ليش الدكتور عماد يقول لازم التبويض يكون قبل يوم 15 والا نكنسل الجماع هل معناته ان اذا التبويض متأخر البويضه تصير قاسيه وصعب يخترقها الذكري واللي تبويضها بدرري تكون البويضه رقيقه وتتلقح بالذكري بسهوله
انا عني طول عمري تبويضي متأخررر معناته انها سميكه الا اذا اخذت منشط يصير التبويض بدريانتم ينطبق عليكم هالكلام أو لا

السلام عليكم


اخباركم بنااات
كيفك ابله تاريخ اسال الله ان يرزقك ماتتمنين ويعطيك حتى يرضيك
انا كنت معكم وتتذكروني اكيد
حابه اقولك تجربتي والحمدلله ربي رزقني مااتمنى
انا عندي ولد ربي يحفظه لي وكنت اتمنى الحمل باي جنس بس الاكثر كنت اتمنى بنت ودورتي طويله 35وباخر شهر تاخرت40يوم وبعدها احسست بيوم التبويض بيوم22وصار جماع قبل الفجر بوضعيه السجود بالصدفه لان ماكنت اشعر بالم التبويض ونمت ساعه وصحيت اصلي الفجر والا معي الم بالمبيض ووقفت جماع لمده اسبوع بسبب سفر زوجي وماتوقعت احمل لكن ربي كريم سبحانه


والنتيجه معي بنوته يااارب لك الحمد

ماطبقت اي شى فقط كنت ابحث عن الحمل وشرب عشبه المدينه والمراميه لكن كنت ادعي دائم والاستغفار مو منتظمه عليه بس كنت احاول واجاهد نفسي عليه


فنصيحه ماعليك من كلام المحبطات اعلم انك مستمره على الدعاء والاستغفار وقيام الليل
بذل الاسباب مطلوب منا ولزم نسعي ونبحث وندور
مع اليقين بالله سبححانه
لكن كمان استمري على الرقيه الشرعيه حتى لو مابك شى


انا كنت اشغل الرقيه على رحمي


واسال الله ان يفرحك انت وبناااات التجمع بما تشتهيه انفسكن ويحفظ لي مارزقني ويقومني بالسلامه

الحمد لله على كل حال عسى الله يعوض عليك الشهر الجاي بالولد الصااظلح يارب